فين حقنا في تخفيض سعر البنزين ؟!!!

**HeMa_LanCeR** · 14-01-2009 12:05 AM

هو مش المفروض ان الحكومه رفعت سعر البنزين علشان ارتفاع سعر برميل النفط عالميا وان ده يا حرام شيء مش بأيديهم
طيب دلوقتي السعر وصل النص تقريبا
فين حقنا بقي ؟
ولا دي كمان هنفضل ساكتين عليها ؟

**Jato.33** · 14-01-2009 12:20 AM

يا راجل عيب عليك ده أنا بقول عليك شبراوي يعني فاهم النظام

بلاش تتكلم في الموضوع ده ليغلى

أنا خايف يغلوه ربنا يستر

الله يمسيك بالخير يلي في بالي

عملوا مرة موضوع عن كلام الريس (لا زيادة في أسعار البنزين)

كان له رد جميل

قال (يبقى أكيد هيغلى)

وحصل بالظبط

بيقولك بيلوموا واحد سواق تاكسي راح إسرائيل يسألوه ليه كده؟
قالهم أصل الغاز هناك أرخص من هنا

**HeMa_LanCeR** · 14-01-2009 12:39 AM

بس حرام والله انا كنت مظبط نفسي بالعافيه ولما غلي بقيت متسوح
انت عارف بقي ان الواحد لسه طالب ويادوب بيظبط نفسه بالعافيه

**mo7a_mo7a** · 14-01-2009 01:08 AM

المشاركة الأصلية كتبت بواسطة HeMa_LanCeR

بس حرام والله انا كنت مظبط نفسي بالعافيه ولما غلي بقيت متسوح
انت عارف بقي ان الواحد لسه طالب ويادوب بيظبط نفسه بالعافيه

لا لا الموضوع مش كده مش ممكن ينزل لسبب بسيط انك مش بتشتريه بسعره العالمي

بعني ببساطة قبل الازمة لما كان برميل البترول ب 100 دولار كان لتر البنزين في المانيا بحوالي 2.7 يورو واليورو وقتها كان ب 8.2 جنيه يعني لتر البنزين ب 22.4 جنيه مصري

دلوقتي سعر اللتر ب 1.6 يورو واليورو ب 7.25 جنيه يعني سعر اللتر العالمي ب 11.6 جنيه مصري.
انت بقي بتدفع كااااااااام؟
معني كده ان نسبة الدعم اللي بتتحملها الدولة من سعره قلت لكن الدولة لسة بتخسر في سعر البنزين وبالتالي مش ممكن ترخصه عن كده

واحد يقولي يا موحا ما الناس في المانيا دخلها عالي ... اقوله لالالالالالالالا
البنزين زي الحديد زي الذهب زي الزيت مواد خام وسلع عالمية سعرها واحد في العالم كله ملهاش دعوة بالدخل يعني انت بتشتري الحديد زي الالماني ما بيشتريه وبالمثل البنزين

**superzok** · 14-01-2009 06:27 AM

متوسط سعر جالون البنزين في امريكا الايام دي 1.8 دولار (كان وصل 1.5 دولار من اسبوعين )
الجالون فيه 3.78 لتر تقريبا

يعني سعر اللتر تقريبا يساوي 0.47دولار
يعني 2.5 جنيه للتر البنزين في محطات البنزين في اميريكا

علما ان سعر الجالون في امريكا وصل 4 دولار في شهر مايو 2008
يعني اللتر كان وصل عندهم
ل 000000

**tutankhamoun** · 14-01-2009 06:36 AM

الحكومة مازالت تدعم البنزين حتى مع أنخفاض أسعار الخام عالميا
كلام الأستاذ موحا موحا مظبوط
بس عايز أقول أن سعر البنزين في أوروبا بيختلف من بلد لبلد بسبب اختلاف سعر الضرائب في كل بلد عن التانية

يعني البنزين في أنجلترا
من 1 جنيه أسترليني إلى 1.5 حسب الأزمة العالمية
و دلوقتي تقريبا هو بجنيه أسترليني واحد فقط
يعني 8 جنيه مصري .........

و محدش يقولي السعودية علشان السعودية حاجة تانية خالص

**kemks** · 14-01-2009 07:44 AM

يا شباب مينفعش الواحد يبصلها كده خالص

عشان البلاد اللي بتكلموا عليها متوسط دخل الفرد عالي جدا فطبعا كل حاجة لازم تبقي عاليه
ممكن نبص علي سعر الهدوم مثلا اديداس ماركه عالميه شوف السعر هنا كام و بره كام بره طبعا بره سعر التيشيرت اضعاف سعره هنا

و ليا ناس قاعدين في امريكا لما بينزلوا مصر بيتهبلوا من الاسعار و بيشتروا بغباء

يا تري مصر برضه بتدعم الهدوم برضه

الاسعار بتبقي علي حسب اولا الاسعار العالميه ثانيا متوسط الدخل عشان بيبقي في تكلفه اجور العاملين و كده غير الضرائب.

قيس علي كده فمينفعش خالص خالص نقول اصل اللتر بره ب 11 جنيه مصري و 8 جنيه مصري

تكلفه البنزين علينا و عليه واحد بس الفرق بيبقي في المصاريف اللي جنب سعر البنزين

غير ان تكلفه النقل بتاع البنزين من الدول العربيه و غير البنزين المحلي تعتبر مختلفه تماما عن بره يعني التكلفه مفروض في مصر اقل كتير جدا

يعني في المعني الحالي ممكن اصلا الحكومه متكونش بتدعم البنزين خالص بعد اسعار البنزين العالميه يا ريت اكون وضحت للشباب

و اكبر مثال لو واحد سافر يشتغل بره هيلاقي نفسه مثلا بياخد 15000 جنيه مصري و فرحان ورايح جاري عشان يشتغل بره و تلاقيه اخر الشهر صارف بتاع 12000 جنيه علي ايجار الشقه و الاكل و خلافه المعيشه بره غير هنا خالص

و السلام ختام

في النهايه لازم نعرف ان السعر هنا وبره واحد الفرق في مستوي المعيشه للفرد الواحد

**osman hisham** · 14-01-2009 09:41 AM

طيب لو قلنا أن الحكومه لسه بتدعم البنزين ... هل زيوت السيارات الحكومه بتدعمها برضه ؟ لا أعتقد .
يعنى الزيت كان ال عبوه 4 كيلو موبيل 1 من 4 سنين ب 100 ج النهارده ب 250 جنيه ؟ مش دى مشتقات بترول يعنى على الأقل لازم ترخص مع أسعار البترول

**Amr_Moh** · 14-01-2009 10:00 AM

المشاركة الأصلية كتبت بواسطة tutankhamoun

[COLOR=DarkOrchid]الحكومة مازالت تدعم البنزين حتى مع أنخفاض أسعار الخام عالميا

كلام مظبوط

-

الموضوع: فين حقنا في تخفيض سعر البنزين ؟!!!

LinkBack

أدوات الموضوع

عرض

فين حقنا في تخفيض سعر البنزين ؟!!! - انشر الموضوع فى :

-

-

-

-

-

المواضيع المتشابهه

لو كلامى منطقى يبقى ليه مناخدش حقنا ؟؟!!!

دعوه عامه (الشعب يريد تخفيض سعر البنزين)

إحنا عيزين ناخد حقنا من القانون الجديد, أو حتى القديم

أيد في أيد , لنستعيد أموالنا و حقنا المسلوب

هل من حقنا نحلم بان تكون مصر احلى ؟؟؟ سأل يحتاج اجابة !!

الكلمات الدلالية لهذا الموضوع

المفضلات

المفضلات

ضوابط المشاركة