-
عربية 128 موديل 83
معروض عليا عربية 128 موديل 83 1100 فربريقة دواخل(حالة الدواخل نضيفة جدا مشفتش زيها خالص طول المدة اللي لفيتها في السوق) و رشة خارج بالكامل فرن لسه جديد مخليها زي متكون من المصنع و كوتش تيوبلس جديد من شهر و كاسيت جديد , الصالون حالته جيدة جدا , مفيش برومة في الشنطة , كبالن جديدة و العفشة متظبطة حديثا يعني العربية مشدودة من الأخر صح في حاجة كمان رقمها مميز لأن أنا مش من القاهرة و العربية 3 أرقام و ده مميز عندنا
صاحبها أعتقد مبالغ أوي في تمنها لأنه طالب 19 و ممكن أخلصها منه على 18 ايه رأيكم كده كويس و لا غالي , أتكل على الله و أخلص و لا ايه أنا محتار جدا يريت حد يفيدني بسرعة
-
انا عن نفسى عندى عربيه موديل 82 وعارضها على 20 الف وتقريبأ نفس الحاله اضافه عليها انها فيها انذار وسنتر وجنوط وفرش جديد اعتقد انك تخلص وماتحسبش ان السوق عامل ايه الفرق بسيط ده لو هيه تستاهل
-
متشكر على الرد لكن هل فيه فرق كبير بين الموتور ال 1100 و ال 1300 خاصة من جانب الصوت الصادر عنه و العزم
-
العفو وواضح انك ركبت العربيه وحسيت بالعزم اقولك الفرق بيبان بس لما تكون محمل فيها كتير وطالع بيها كوبرى طبعا 1100 غير 1300 علشان كده انا لما جيت اعمل عمره للمتورعدلت المتور ل1500 وانته ممكن تعمل كده بس صدقنى الفرق مش كبير
-
طاب من جهة الصوت مين فيهم أوطى و لا الأتنين زي بعض؟؟؟؟
متشكر ليك على الرد السريع أخيرا لقيت حد أكلمه عشان أخلص من الحيرة اللي أنا فيها
معلش فيه سؤال كمان هيه التنك بتاعها أد ايه و يعمل كام كيلو في التفويلة؟
-
الصوت بيرجع لحجات كتير نوع الشكمان جوده المتور نوع زيت المتور ضبط الكهرباء بأختصار الموضوع ملوش علاقه بالفئه اللتريه اما التنك 26 ليتر وبيعمل معايا جوها البلد حوالى 320 كيلو وده برده بيرجع لاسلوب السواقه والمتور وظبط العربيه كلها
-
متشكر لحضرتك جدا
مفيش أي حد تاني عنده تعليق على السعر أرجو الأفادة من الناس الخبرة في المنتدى
-
لو 18 اتكل على الله وخلص مافيش حاجة نضيفة بالسعر ده. واللى بيقولوا فيه 128 بـ 13 و 15 الف دى بتبقى موش نمرة 1
-
اتكل على الله والحاجه النضيفة بتكون لقطة بجد هتفرق معاك كتير بعد كده ،، ومبروك مقدماً:S_thum1[1]
-
لا بلاش 1100 بجد عن تجربة سحبها مش حلو .. مبتجريش معايا غير بالقرص و طبعا انت مش جايب عربية عشان تقرص عليها
Content Relevant URLs by
vBSEO 3.6.0 PL2