الاستفسار عن السعر النهائي او التفاوض علي الخاص افضل
عرض للطباعة
الاستفسار عن السعر النهائي او التفاوض علي الخاص افضل
الى يرخم يرخم ومتسألش فيه بس الرد فى الموضوع افضلاقتباس:
انا بواجه نفس المشكله حاليا بس ولا فى دماغى
عشان الناس مش غبيه يعنى
كل واحد عارف هو بيشترى ايه
اى حد بيدخل يقول اى كلام وخلاص هم نفسهم اللى بيهزقوه مش صاحب الموضوع :satelite:
هى فكرتك حلوه
بس ساعات فى ناس بتطلب حاجات او استفسارات معينه يفضل انها تكون فى الموضوع نفسه عشان الكل يعرفها
حتي تعم الفائدة علي الجميع
مهى الناس اللى بتخش تتريق عندها حق مهو بيسمعوا اسعار وكلام غريب واحد يقولك فرصة لن تتكرر سيارة 128 موديل خفرع حاله أحسن من الزيرو (مش عارف إزاى) بسعر اتنين مليون جنيه وتطلع فى الآخر كنبه مش عربيه
بالعكس
أنا رأي إن لما تكون السومة على العام الكل بيستفيد
وأكيد البائع مش هايضروه كلام التجار لأن ثمن أي عربية معروف
ولو واحد قال بقرش مافيش أي مانع إن واحد تاني يقول أنا أخدها بقرشين
أنا مع الرأي الأول لأن ده مجرد إعلان يا جماعة
المفروض ده ميزة رائعة من الموقع إنه يوفر علي الأعضاء إعلانات مجانية بدل ما يدفع دم قلبه في الجرائد ولكن البعض من ضعاف النفوس ممكن يستغل ذلك إستغلال سيء
بصراحة يا جماعة الموضوع ده حساس جدا ومش ببالغ لما بأقول إنه خطير جدا
لأن اللي بيبيع مش دايما غرضه الربح بالعكس
ممكن جدا يكون بسبب ضائقة مالية كفانا الله وإياكم شر الضوائق فلما يجد مداخلات سيئة ممكن يأثر علي نفسيته ويضطر يبيع بسعر قليل بخس وهو في أشد حاجة لأعلي سعر ممكن لأن جاله إحباط شديد من الناس اللي بتستظرف
لا حول ولا قوة إلا بالله
فالخلاصة إن ده مجرد إعلان زي أي إعلان في الجرائد يعني لا يجب أن يكون مداخلات مع المعلن إطلاقا علي النت بس يشترط أن يملأ كامل البيانات علشان محدش يحتاج يسأله واللي يكون عاوز فعلا يشتري عليه أنه يتصل بيه ويروح يشوف العربية عالطبيعة وبعدين يقرر يشتري أو لا دون أن يكون لقراره أو كلامه تأثير علي باقي الأعضاء غيره اللي عاوزين يشوفوا العربية
كلام ممتاز وأؤيدك فيه
بس ليه نسيت لما حد يعلن عن عربية موديل السنة أو السنة اللي فاتت 2009 أو 2008 مثلا وعاملة حوالي 10000 كم مثلا برضه وتبص تلاقي ناس تسظرف وتفكر إنها مفتحة ومفيش منها إتنين وتعرض سعر أقل من الجديدة ب15أو 20ألف جنيه مثلا أو أكتر ؟؟؟؟؟؟؟؟!!!!!
لو إنت مكان البائع ده أكيد حتجيلك نقطة ومش تتنرفز وبس دانت ممكن تكسر الكمبيوتر من الغيظ
وبعدين اللي يقرر يشتري عربية أو لا من مجرد كلام قراه علي النت ده معلش مغبون دي عربية يعن آلاف كتيرة