سؤال بخصوص الالفاروميو 1.46

**abdelmessih67** · 14-01-2009 01:10 PM

الاخوة الافاضل

معروض علي الفاروميو 1.46 موديل 1996 و بأفكر في شرائها , حد عنده فكرة عنها من ناحية الاداء و توافر قطع الغيار و مراكز الصيانة ؟؟؟؟؟؟؟؟؟؟؟؟؟؟

شكرا

**m000dy** · 14-01-2009 11:33 PM

كل اللى اقدر اقولهولك انك هاتركب عربيه بجد
انسى الواغش اللى فى مصر ده كله قديم وجديد
وحسب معلوماتى انها حساسه جدا بمعنى
لازم تغير الزيت فى وقته ولازم تراعى نوعه
مفيش حاجه فى العربيه دى اسمها مشيها لحد ماتفرج
ماتمشيش الا بحاجتها وحاجتها كلها اصلى وقطع غيارها معمره جدا جدا مع انها غاليه شويه يعنى مش اوى هى فى سعر الالمانى وتستحق لانها فى جودة الالمانى ده بخلاف روعة التصميم الداخلى وكل خرم فيها من الانتريور متصمم لغرض حتى شوف فتحات التكييف وانت تعرف
شكلها الخارجى مميز جدا وتصميمها بيساعدها بشكل جيد على الاستابيليتى على الطريق او الثبات
موتورها نوعين البوكسر والتوين سبارك تقريبا وكل واحد ليه مميزاته والاتنين مفيهمش غلطه
حسب معلوماتى ان لو حضرتك من القاهره مش هاتغلب فى قطع غيارها لانها موجوده واللى بيساعد فى انتشار قطع الغيار بدء انتشار العربيه وده لان سعرها بيبقى فى حدود اول الاربعينات وده سعر قليل بالنسبه لعربيه منفرده فى حاجات كتير ومش اى حد يركبها ومش اى حد يعرف يعنى ايه الفا روميو

**M.Mokhtar** · 15-01-2009 02:01 PM

انا عايز معلومات عن الموتورين اللى ذكرتهم لو سمحت
انا شديت مع العربيه دى قبل كده وعجبنى الاداء بتاعها

**حماده المصري** · 15-01-2009 03:09 PM

مش اي حد يعرف يعني ايه الفا روميو

ولا اي حد يعرف يعني ايه ايطالي

الفاروميو عموما مستوى قريب جدا من بي ام خصوصا الموديلات الجديده بس محدش بيقدر في مصر

**Ramy-Ahmed** · 15-01-2009 03:14 PM

المشاركة الأصلية كتبت بواسطة M.Mokhtar

انا عايز معلومات عن الموتورين اللى ذكرتهم لو سمحت
انا شديت مع العربيه دى قبل كده وعجبنى الاداء بتاعها

الاول: البوكسر 1600 103 حصان.لغايه موديل 1996

الثانى:التوين سبارك 1600 120 حصان مابعد 1997

**abdelmessih67** · 15-01-2009 03:43 PM

الاخوة الافاضل روميو و ميدو

أولا كل الشكر على مشاركتكم حول الموضوع و العربية التي أعشقها بشدة , أنا قدامي واحدة معروضة على 43 الف و عندي 125 بولندي وارثها عن والدي و بأفكر أبيع ال 25 و أشتري الالفا و لكن محتاج منكم نصائح و أحتملوني قليلا في اسئلتي
التي وجهت مثلها لاخونا أحمد العمدة الزميل بالمنتدى و هو شاري حتة 146 برضه من شهرين تقريبا :

أولا ما هي اهم النقاط التي يجب ان أكشف فيها على العربية ؟؟؟؟

ثانيا : ما هو الفارق بين الموتور البوكسر و ال t-spark

بصراحة أنا متابع النقاش من أوله و عامل زي الاطرش في الزفة لان ثقافتي 125 بولندي موديل 1977 و هي كما تعلمون جر خلفي على كورونا و موتورها قديم و طبعا بها كاربيراتير يعني أنا لا اعرف ما المقصود با injection

و مالفارق بين البوكسر و ال t-spark لانه بالنسبة لي كالفارق بين اللغة الصينية و اللغة الهندية و أنا أتحدث العربية .

سؤال أخير : كيف اعرف ان حالة الكبالن جيدة لاني عمري ما تعاملت معها .

شكرا لتعبكم و أحب أعرف ما هي النصائح الاضافية
و أهم العناصر التي أبحثها عند شراء تلك العربية التي أعشقها كثيرا

**ahmad--ezzat** · 15-01-2009 06:39 PM

والله يا باشا مع احترامى لكل الاراء
كل اللى اقدر اقولو فعلا
انك لو جبت العربية دى هتتعذب لاقصى الحدود
هى عربية كويسة ولكن لا تصلح هنا
عدم توفر قطع الغيار
هتتعب اوى فبيعها

**mrghost** · 15-01-2009 08:46 PM

المشاركة الأصلية كتبت بواسطة Ahmed20_08nubira

والله يا باشا مع احترامى لكل الاراء
كل اللى اقدر اقولو فعلا
انك لو جبت العربية دى هتتعذب لاقصى الحدود
هى عربية كويسة ولكن لا تصلح هنا
عدم توفر قطع الغيار
هتتعب اوى فبيعها

+100000000000
فعلا العربيات دى للاسف مش لينا
مش للمصريين عموما

**shanodaa** · 16-01-2009 10:04 PM

هي العربيه دي تبع الفيات؟

**abdelmessih67** · 18-01-2009 10:18 AM

المشاركة الأصلية كتبت بواسطة Ahmed20_08nubira

والله يا باشا مع احترامى لكل الاراء
كل اللى اقدر اقولو فعلا
انك لو جبت العربية دى هتتعذب لاقصى الحدود
هى عربية كويسة ولكن لا تصلح هنا
عدم توفر قطع الغيار
هتتعب اوى فبيعها

الاخ الفاضل البامشهندس أحمد

كلامك منطقي جدا يا بو حميد , فعلا هذه السيارة رغم روعتها ألا ان العديد من أصدقائي حذروني منها لعدة أشياء :

أولا : قطع غيارها غالية جدا , نار مشتعلة .

ثانيا : قطع الغيار غير متوفرة سوى عند يوسف بتاع الدقي و فيصل و الكيلاني اللي في شامبليون و كلاهما أحيانا يغالي في السعر و أحيانا لا توجد عنده قطعة غيار .

ثالثا : فيه واحد اسمه الحاج عصام في مدينة نصر بيتشغل في قطع الغيار الاستيراد لل 146 و 156 و لكنه طبعا يغالي كثيرا في قطع الغيار لان العربية نادرة و غير منتشرة و غير مطلوبة في السوق المصري للأسباب السابق ذكرها .
رابعا بيع العربية صعب جدا لعدم وجود توكيل فعال و معارض منتشرة لها و كذا قطع الغيار .

الاخ الفاضل اليي عارض العربية علي للبيع لم يستعملها سوى ستة أشهر فقط و بيقول انه يريد بيعها لضائقة مالية رغم أنه من عائلة ميسورة الحالي جدا جدا فهل بيعه لها للأسباب السابق ذكرها أم ماذا ؟؟؟؟؟؟؟؟

رجاء توضيح تلك الامور لي أكثر لاني متخوف بشدة من شرائها لكيلا ( أدبس فيها ) كما نقول و أدوخ على قطع غيار غالية لها و قد لا أجدها و في النهاية لا أجد لها مشتري بسهولة .