عرفنا نفسك

**megaman** · 14-01-2009 04:03 PM

ايه رايكوا ياجماعة كل واحد يعرفنا نفسه عن طريق يقولنا احب اشخاص فى حياته احب سيارة لقلبه احب مكان وليه احب اكله احب هواية بيحب يعملها ولو فى اقتراحات تانية اتفضلوا المهم نشارك

**EZABY** · 14-01-2009 04:18 PM

فكره جميله وهبدأ الكلام

أحب أشخاص:
مرتضى منصور, عمرو دياب, السادات الله يرحمه و عبدالواحد السيد

أحب سياره:
الهامر H1 alfa

أحب مكان:
البيطاش و تجارة عين شمس
وده طبعا للذكريات اللي في الاماكن دي

أحب اكله:
فرخه بلدي مسلوقه + ملوخيه + رز أبيض

أحب هوايه:
شعر العاميه

**sendrella** · 14-01-2009 08:55 PM

احب الاشخاص :

1- بابا ( الله يرحمه ) و باقي عيلتي طبعا
2- جوزي

احب سيارة :
اي حاجة مش بفضل نوع معين كله حلو ( بس اتعلم السواقه بس و انشالله حتى اسوق حنطور )

أحب أكله :
1- اكل ماما حبيبتي :k49:
2- بيتزا زين اللي عند جامعة عين شمس ( بجوار مول الزعفران )

احب هواية :
1- ممارسة مهنة المحاسبة ( الحسابات و الارقام بصفة عامة )
2- صيد السمك

المشاركة الأصلية كتبت بواسطة EZABY

أحب مكان:
تجارة عين شمس

+ 1000000000000000

مفيش بعد تجارة عين شمس اماكن تتحب

**EZABY** · 14-01-2009 10:51 PM

مفيش بعد تجارة عين شمس اماكن تتحب

والله معاكي حق الكليه دي بجد عظييييييييمه
كل سنتي فيه ذكري
ياللا اهي ايام وبنعيشها على راي عمرو
بس قوليلي هي بتزا زين دي حلوه
اصل انا مكلتش منها قبل كده
بس هروح اجرب عشان باين ان ذوقك حلو

**sendrella** · 14-01-2009 11:45 PM

المشاركة الأصلية كتبت بواسطة EZABY

بس قوليلي هي بتزا زين دي حلوه
اصل انا مكلتش منها قبل كده
بس هروح اجرب عشان باين ان ذوقك حلو

بيتزا زين حلوة اوي

طبعا ده على المستوى المحلي ( مول الزعفران )

مرة رحت و لقيت المحل كان فيه كام قطة كدة بيتجولوا

بس قلت هيهات .. و صممنا برضه انا و اصحابي ناكل من عنده:10D5C8~1107:

لالالا متقلقش خالص .. روح و على مسئوليتي الشخصيه ( استر يا رب )

بس ابقى جرب البيتزا اليوناني بتاعتهم

هتعجبك اوي ان شاء الله

و ابقى افتكرني و انت بتاكل

( لو عجبتك يعني )

**sherif_84** · 15-01-2009 12:17 AM

أحب الأشخاص :

والدى ووالدتى وصديقى الغالى أحمد أبوبكر

أحب سيارة :

Bmw الفئة الخامسة

أحب أكلة :

الفتة باللحمة الضانى ومعاهم شوية ممبار

أحب هواية :

الرسم طبعا عشقى كله

أحب مكان :

1- كورنيش النيل

2- اسكندرية

**megaman** · 15-01-2009 01:56 PM

احب الناس لقلبى مراتى وجنا 4سنوات وزياد 1 سنة اولادى طبعا احب عربيه لقلبى وان شاء الله حشتريها البونتو ليه مش عارف بعشقها احب اكله البيتزا واحب مشروب القهوة الاكسبريسو احب اماكن وادى الريان بالفيوم وشط المعمورة فى الصباح الباكر

**أبو إياد** · 15-01-2009 02:32 PM

احب اشخاص
والدى الله يرحمه ووالدتى وزوجتى

احب سيارة
BMW 520I بس تسعينات

احب مكان
بيتى والعين السخنه

احب اكله
فطير من عند تيبستى

احب هواية
السيارات

**أشرف العدوي** · 15-01-2009 04:35 PM

أحب اشخاص :-
والدي الله يرحمه و والدتي و زوجتي و ابني آسر و اخواتي و صديق اسمه شريف
أحب أكله :-
فراخ من عند تكا - جمبري من أي حتة
أحب الأماكن :-
البيت - كلية تجارة القاهرة - ميدان المساحة في الدقي ( ذكريات ايام ثانوي )
أحب سيارة :-
الهوندا بجميع موديلاتها و أوبل فيكترا
أحب هواية :-
التأمل - كرة القدم ( النادي الاهلي و برشلونة و ايه سي ميلان )- سماع فيروز