شاشة بهارد ديسك رهيبة عاوز رايكو فيها
ازيكو يا جماعة ..انا كنت محتاج بس تقولولى رايكم اية ..انا كنت بدور على دى فى دى للعربية عندى بس يكون بيشتغل على ولاعة العربية عشان مش عاوز العب فالكهربا بتاعتها ودورت كتير ودخت لحد ملقتيش حاجة عجبتنى اوى اوى وتقريبا مافيش منها فمصر انا بكلمكو من جدة ..لقيت شاشة 7 انش بس بهارد ديسك 160 جيجا هى طبعا شاشة فقط وباللمس وفيها يو اس بى كمان وتقدر تدخل بيها على النت ..انا بصراحة محتار لانى لقيت دى فى دى سونى بس اسطونات وفى يو اس بى بس حاسس انة ضخم لما احطة فالخلف انما الشاشة خفيفة جدا جدا وفمنتهى الشياكة عيبها الوحيد ان ملهاش توكيل فمصر ولو باظت يبقى علية العوض فالفلوس وكمان اكسسوارتها هنا غالية موت ..عاوز اقولكو ان شاحن العربية بيعمل تقريبا 300 جنية مصرى والبطارية بتاعتة بردو ب300 جنية فانا محتار خايف اجيبة ويحصلة حاجة فمصر لاقدر الله وميتصلحش ويبقى علية العوض فالفلوس اللى ادفعت فى او ياما اجيب السونى اللى بيشغل اسطوانات عادى بس شكلة فالعربية مش اد كدة..كنت عاوز اعرف يا جماعة هل فى فمصر شاشة بهارد ديسك زى اللى شوفتها دى ولا مافيش وياترى لو فى سعرها كام ؟؟ياريت تفيدونى لو اى حد يعرف عن الشاشة دى اى معلومات وكمان بعد اذنكو عاوز اعرف اية هو ال divx عشان قالولى ان الشاشة بتشغلة وبتشغل اى حاجة معادا epc2 وكمان مش متعرب خالص ولا ينفع يتعرب عشان هو مش سوفت وير يعنى اى فيلم مترجم مش حيقرا الترجمة بتاعتة وكمان اى موقع عربى مش حنعرف نقراة وشكرا جزيلا ليكو جميعا
