الا سبعاوي !!!!!!!

**faragotta** · 14-01-2009 11:29 PM

السادة المحترمين جميع اعضاء و رواد هذا المنتدي المحترم: هذه اول مشاركة لي في المنتدي و كنت احب ان ابدأ مشاركاتي بموضوع فني افيد به اعضاء المنتدي كما أفادوني كثيرااااا
و لكن للاسف قطع علي حبل افكاري شيء سخيف و بايخ جدا و هو اني اثناء تجولي علي صفحات النت و في منتديات السيارات تحديدا فوجئت بمنتدي أخر للسيارات به مواضيع منقولة (نقل مسطرة) من موقعنا المحترم(مقارنة بين اللانوس والفيرنا ) و ما فاجأني حقيقة عدة أمورأدهي من بعضها البعض:
الاول:صاحب - أقصد سارق- الموضوع اللي انا مش عايز اكلف خاطرى و احفظ اسمه بيقول ان الموضوع ده حصري للمنتدي بتاعه ولا يجوز نقلهمع العلم انه عامل الموضوع بتاريخ 25/10/2008 و الموضوع الاصلي قد اضافه المهندس العظيم الذي أشهد الله و أشهدكم اني احبه في الله المهندس سبعاوي و الذي تفضل باضافة الموضوع علي منتدانا بتاريخ 05/05/2007
ثانيا : في اخ (مشرف) من المنتدي ده-وهو للاسف عضو في منتدانا العظيم- معلق علي الموضوع و عامل نفسه خبير هو الاخر و كان من الواجب ان يقف في وجه هذا النصب العلني و يرد غيبة اخوه سبعاوي بدل ما يعمل نفسه خبير و (اداري ) بالمنتدي اياه
ثالثا: ان البعيد مش لاقي غير سبعاوي اللي كلامه محفوظ عند كل محبي منتديات السيارات زي الطبل و يسرق مواضيعه. يعني متأمر و أهبل
أرجو من الجميع يسامحونا علشان انا باكتب و انا متنرفزززززز جدااااااا واليكم الروابط:
موضوع سبعاوي: http://www.nilemotors.net/Nile/showthread.php?t=670
الموضوع المنقول حرفيا:http://www.*********.com/vb/showthread.php?t=3062
اسم العضو ال (اداري): شوف بنفسك و ما تنسوش تبصوا علي التوقيع بتاع الاخ ال (مقتبس)و الله حاجة بجحة فعلا
و كفاية كده

**crazylambada** · 14-01-2009 11:37 PM

بانتظار رد الادارة على الموضوع

**Samir Elshahawy** · 14-01-2009 11:38 PM

شكرا لك أخي الكريم علي غيرتك علي منتدانا المحترم و فعلا لن يرضي أحد من السادة الاعضاء المحترمين بهذا الكلام و انا اطالب الادارة و السادة الاعضاء بالاتي :
- أولا.. شطب العضو (الاداري بالمنتدي الاخر) من منتدانا هذا
- ثانيا.. السادة الاعضاء الكرام أن يدخلوا علي موقع المنتدي المذكور و رد الحق لصاحبه "الباشمهندس سبعاوي" من خلال نشر موضوعه بالموضوع المذكور لكشف صاحب الموضوع (سارق الموضوع) علي حقيقته

**crazylambada** · 14-01-2009 11:48 PM

انا شفت الموضوع
و هو كاتب فياخره انه منقول
يعني مش هو اللي عامله
الموضوع مش كبير اوي
هو اقتبس الموضوع و قال انه منقول
فالموضوع بتاع حقوق التاليف ترجع لاستاذ سبعاوي

**faragotta** · 14-01-2009 11:55 PM

أنا عملت بنصيحة حضرتك و دخلت تاني علشان ارد الحق لصاحبه لقيت فيه أخ فاضل Ahmed1981 سبقني و عمل كده جزاه الله خيراز معاش انا ما عملتش كده من الاول علشان كنت متنرفز و مش مركز.
و أوافق حضرتك في انه يجب الغاء عضوية العضو(الاداري بالمنتدي الاخر)
و شكرااا

**faragotta** · 14-01-2009 11:57 PM

معلش ما هو عامل توقيع بيقول فيه(جميع موضوعاتى حصرية لمنتدى ******** ولا اسمح بنقلها بدون الاشارة لمصدرها
) كان واجب عليه هو ان يشير الي مصدر الموضوع مش كده ولا اييييييييه؟

**K.LOTFY** · 14-01-2009 11:59 PM

طيب ما هو كاتب أن الموضوع منقول

**K.LOTFY** · 15-01-2009 12:05 AM

أولا.. شطب العضو (الاداري بالمنتدي الاخر) من منتدانا هذا

و أوافق حضرتك في انه يجب الغاء عضوية العضو(الاداري بالمنتدي الاخر)

ليه هو اللي اداري في منتدى تاني مينفعش يبقى عضو هنا يعني ولا ايه؟؟؟!!!

يا ريت الادارة ترد علينا في الموضوع ده

**crazylambada** · 15-01-2009 12:08 AM

منغير زعل
بس هجومك الشديد
بيثير شكي
الموضوع دلوقتي محدش يتكلم فيه المفروض
و الادارة هياللي تحسم الموضوع لان اي كلام مش حيبقى ليه اي لازمة
الادارة و الاستاذ سبعاوي نفسه