أسألــــــكم الدعــــاء لوفاة اخوتى

**Islam_galal** · 15-01-2009 10:07 AM

وحدة الصف يا مصريين

المقاطعه مبدأ كلنا متفقين عليه مش كده، تمام يبقي الأول نصنفه

يمكن تصنيف المقاطعه أولويات

1- أولوية أولي طبقا لنسب الأرباح و بالتالي كل ما هو مصنع في أمريكا و أتباعها (Made in USA &...).
2- أولوية ثانيه كل ما هو مملوك لشركات أمريكية و أتباعها و يصنع خارجها مثل شيفروليه دايو مثلا بفكرة Chain.
3- أولوية ثالثة كل ما هو بنظام الفرانشيز مثل ماكدونالدز و غيره
مع ملاحظة أنه كلما زادت قائمة المقاطعه كلما قلت فاعليتها و هي الطريقة التي اتبعت من الشركات بتضخيم القائمة و بالتالي يستحيل تطبيقها

**Karim_Monir** · 15-01-2009 10:33 AM

عذرا لاني كنت بحالة نفسية سيئة جدا مما يحدث
المقاطعة في حد ذاتها سلاح مرعب للدول المصنعة
فعلا ما تتحدثون عنه سوائ شاين او فرانشيز
بس ما اعلمة تماما ان معظمهم شاين
ثانيا لما يفلس كنتاكي وبرجر كنج ما انا بادي فرصة لمحلات زي مؤمن وفروج الطازج انهم يكبروا ويعملو فروع اكتر والعمالة اللي هنا هاتروح هنا مش هاتتشرد يعني
العامل الجيد بيلاقي شغل بسرعة جدا

وبالفعل لازم نبدأ باحاجات الكبيرة
وانا لما قولت بامبرز فده لان شركة بروكتر اند جامبل يتم استهلاك كميات رهيبة ممن منتجاتها ولو تم مقاطعتها سنجد اكثر من بديل جيد

ولا تنسو ان من ترك شيئا لله عوضه الله خير منه

وبالنسبة لكلام محمد طه فده حصل فعلا في صفقة البوينج لما اتجهو لشراء الايرباص على ماتذكر لانها تصنيع اروبي
لكن لازم نعرف بلد المنشأ ونعرف بيصب في مصلحة مين اللي بدفعة ده
لاننا هانحاسب لو تهاونا اكتر من كدة
واللي مش لاقي القدرة على انه يقاطع ما يفضحش نفسة فاذ بليتم فاستتروا

اقسم بالله اني اعرف مهندس ومعي في شركتي مش عايز يغير جهاز الكمبيوتر بتاعة بقالة كتير عشان مايفيدش شركة انتل
قولتلة عليك وعلى ال AMD
قاللي لما تقدر تجيبلي مواصفات كمبيوتر كامل مافيدش بيه الصهاينة واتباعهم هانزل اعملة فورا وده اللي عملتهولة
بس لما الواحد بيكون عندة يقين بالله هايلاقي ربنا واقف في ضهرة
ياخونا انتم مش بتشوفو اخواتكم اللي بيتقتلو يوميا
عدد القتلى 1050 وعدد الجرحى 5000 غير المفقودين
اسالكم الدعاء لهم
اسالكم الدعاء لهم
اسالكم الدعاء لهم

**Islam_galal** · 15-01-2009 10:38 AM

إيه رأيكو نركز في 1 و 2

**مؤمنة** · 15-01-2009 12:36 PM

مع احترامى لجميع الاراء السابقه هو احنا ليه بنتاكسل عن فعل اى شى لاخوتنا فى الله ليه بنكتفى بالدعاء وبس ليه ما نعملش حاجه ايجابيه انا شايفه ان سلاح المقاطعه سلاح قوى جدا لاننا دوله استهلاكيه فى الدرجه الاولى فأكيد حيأثر فيهم بشكل كبير ويا ريت نبدء ندور على بدائل للمنتجات الامريكيه واليهوديه وال يعرف هذه البدائل يا ريت يكتبهالنا
وارجوا من جميع الاعضاء ان يقوموا بنشر هذه الحمله فى كل مكان
ان البكاء والحزن عليهم لايكفى

**khalid_adel** · 15-01-2009 01:09 PM

بصو انا الصراحه مش قادر احدد مدي ايجابيه او تفعيل دور المقاطعه بشكل عام مع اني مقاطع البضائع الدنماركيه بس ده لسبب اني كرهتهم ومش طايق من وشهم حاجه
لكن مقاطعه البضائع مش معترف بيها قوي لييييه
لاني بحسب طبيعه عملي في الحسابات فبشوف ان مفيش حاجه اسمها ربح الشركه يروح للشركه الام (ده كده ولا الحكومه ياجدعان) هو بيبقي في حاجه اسمها franchise or royalties or affiliates
المهم دول بيتفقو على نسبه من الربح بياخدوها او مصروف بيدفع سنوي او بالكتير ياخدو نسبه من ثمن البيع (يعني الوحده ب 20 ياخدو 2 مثلا) وده بيختلف من طبيعه نشاط الشركه
لكن في الاخر الارباح بتروح فييين ؟؟؟ بياخدوها المساهمين والشركاء والموظفين (مجلس اداره وعمال) اللي بنسبه كبيره قوي منهم مصريين طبعا ده غير ان احنا بنفيد الاقتصاد بشكل غير مباشر عشان الاطراف الاخري اللي بتتعامل مع الشركات دي بتستفيد منها برضه
في نسبه قليله اوي لما تكون الشركه اجنبيه بالكامل وتكون بتتعامل مع الحكومه (وفقا لاتفاقيات دوليه) وبلاش اتكلم كتير عشان انا عايز اكل عيش المهم دول فعلا ممكن نقاطعهم بس اصلا مش في ايدينا عشان مش بنتعامل معاهم اصلا (مش منتجات ولا بضايع وانتو فاهمين)
ما علينا خلينا نشجع الاستثمار احسن مش نبوظه وشوفو الامارات دلوقتي عامله ازاي خير مثال للاستثمار الناجح عندهم
انا بس حبيت اوضح حاجات بسيطه لكن في الاخر ده رأي شخصي مش اكتر

**مؤمنة** · 15-01-2009 01:15 PM

انا نفسى نعمل حمله تبرعات بأسم اعضاء نايل موترز لصالح اخوتنا فى غزه

**Ahmed Selim** · 15-01-2009 01:16 PM

المشاركة الأصلية كتبت بواسطة ibrahimsaad

وبلاش الكلام المستفز اللى بيقلل من اثر المقاطعه

مع أحترامى لحضرتك.....وبعيداً عن موضوع المقاطعة.....مش معن أن واحد يقول رأيه ويختلف مع رأى حضرتك يبقى رأيه مستفز.

أنا معظم الحاجات دى مش بتعامل معاها ألا نادراً ( مسحوق غسيل أو معجون أسنان أخرى...ده لو أشتريتهم من الأنواع دى أصلاً )

بس هو فعلاً السؤال اللى المفروض يتجاوب عليه
مين أول واحد هتضره المقاطعة؟؟؟ مش العامل المصرى اللى شغال فى الشركة دى سواء هى تشاين أو فرانشيز ؟؟؟
طب الشركة دى لو قفلت....حد منكوا حيصرف عليه وعلى عيلته لحد لما يلاقى شغل...ده بفرض أنه هيلاقى شغل بسهولة زى ما حضراتكم بتقولو.

أنا شايف أن أحسن من الكلام و أحسن من المقاطعة هو التبرع بأى حاجة......فلوس.....أدوية....هدوم ......بطاطين....

و أعتقد أن أقتراحى هيبقى له أثر أسرع ووقع أحسن على الأخوة فى غزة ثبتهم الله.

**Ahmed Selim** · 15-01-2009 01:18 PM

المشاركة الأصلية كتبت بواسطة khalid_adel

بصو انا الصراحه مش قادر احدد مدي ايجابيه او تفعيل دور المقاطعه بشكل عام مع اني مقاطع البضائع الدنماركيه بس ده لسبب اني كرهتهم ومش طايق من وشهم حاجه
لكن مقاطعه البضائع مش معترف بيها قوي لييييه
لاني بحسب طبيعه عملي في الحسابات فبشوف ان مفيش حاجه اسمها ربح الشركه يروح للشركه الام (ده كده ولا الحكومه ياجدعان) هو بيبقي في حاجه اسمها franchise or royalties or affiliates
المهم دول بيتفقو على نسبه من الربح بياخدوها او مصروف بيدفع سنوي او بالكتير ياخدو نسبه من ثمن البيع (يعني الوحده ب 20 ياخدو 2 مثلا) وده بيختلف من طبيعه نشاط الشركه
لكن في الاخر الارباح بتروح فييين ؟؟؟ بياخدوها المساهمين والشركاء والموظفين (مجلس اداره وعمال) اللي بنسبه كبيره قوي منهم مصريين طبعا ده غير ان احنا بنفيد الاقتصاد بشكل غير مباشر عشان الاطراف الاخري اللي بتتعامل مع الشركات دي بتستفيد منها برضه

كلام مظبوط يا باشا.......المقاطعة هتضر المصريين قبل غيرهم

-

-

الموضوع: أسألــــــكم الدعــــاء لوفاة اخوتى

LinkBack

أدوات الموضوع

عرض

-

-

-

-

المواضيع المتشابهه

رشحولى موبايل يا اخوتى

اخوتى المسلمين: كل عام و انتم بخير

اليوم الجمعة 17 يونيه تمر علينا الذكرى الثالثة عشر لوفاة فضيلة الشيخ الشعراوى

اللحظات الأخيره لوفاة الرسول

السلام عليكم اخوتى مساعدة .

الكلمات الدلالية لهذا الموضوع

المفضلات

المفضلات

ضوابط المشاركة