كده يبقى الموضوع معقول
ممكن تنزل اوتوماتك 1500
والعادى 1300
عرض للطباعة
كده يبقى الموضوع معقول
ممكن تنزل اوتوماتك 1500
والعادى 1300
بحط بنزين 92
والاستهلاك الحالى ( معلشى مابعرفشى احسبها قوى )
داخل البلد 420 الى 425 كيلو كل 30 ليتر
وفى السفر رحت بيها فى رمضان اللى فات للساحل ورجعت حوالى 575 كيلو على 32 ليتر بس كنت سايق اغلب الطريق رايح على 100 الى 120 وانا راجع علشان ماكنشى فى ردار كنت على 140 ثابت من البوابه للبوابه الثانيه
السلام عليكم ورحمة الله وبركاته
ازيك يا استاذ توفيق ويارب تكون باحسن حال.
بالنسبة للعربية السايبا فهى بالفعل نزلت فى معرض الاهرام بس نزلت على نوعين
النوع الاول زى بتاعتنا كدا ونفس النظام العادى او التكيف ومن غير اتوماتيك و 1300
النوع الثانى بردوه زى بتاعتنا بس هاتش باك و 110 ومعرفش بصراحة بس بصراحة شكلها من الخلف منيل بستين نيلة وشكلها يخض.بس بصراحة نزل منها الوان تحفة اوى
النوع الثالث هى مالهاش علاقة بالبرايد خالص بس هى من شركة سايبا وهى عربية ايرانية الصنع من الاول الى الاخر وهى بالفعل 1500 ومعرفش هل هى اتوماتيك ولا عادة بس شكلها بصراحة احلى من البرايد وتقفيل الماتور منظم اكتر من البرايد.
ملحوظة بالنسبة للعربية:
انا جبتها بردوه من حوالى سنتين وماشى اهو الحمد لله رب العالمين فى السنة التالتة والحمد لله رب العالمين ماشية زى الفل بس غيرت فيها كام حاجة اول حاجة طبعا ودى طبعا مشتركة مع الكل البطارية لانها وحشة فغيرتها وتانى حاجة وهى الاغرب بصراحة ومحدش يتغض من الحاجة دى لانى لما روحت للميكانيكى قالى دا عادى بالنسبة للكيا برايد عموما وهى (الجوان) انا بالصدفة فتحت الكبوت علشان اشوف المية اخبرها اية لاقيت فى زيت كتير بشكل ملحوظ على جسم الماتور فروحت علطول على الميكانيكى وكنت مخضوض اوى فكشف عليها وقالى اطمن دى حاجة عادية اوى فى نوع الكيابرايد علشان الجو والحجات دى والحمد لله طمنى وغير الجوان والحمد لله زى الفل.
لكن العربية بامانة ربنا زى ما قال كدا الاستاذ توفيق وحش (وحش جاسرررررررر يعنى اسد )
السلام عليكم استاذ essam2222 انا زهبت معرض الاهرام وشوفت بالفعل انواع العربيات الخاصة بالسايبا بس مركز بيع سايبا اكد لي ان العربيه الpride هينزل منها 1500cc واتوماتيك. كنت عايز اسالك على عنوان الميكانيكي الصلحت عنده العربيه ورقم تليفونه ولو اي حد يعرف ميكانيكي كويس ذو ثقه يخبرني وشكرا
essam2222 باشا يارب تكون بخير
انا للاسف ماعنديش معلومات بخصوص الموديلات الجديده
بس انا كمان غيرت البطاريه لسه من شهر يعنى تقريبا قعدت معايا سنتين
اما بخصوص الجوان هو عادى بيحصل لكل العربيات مش البرايد فقط
بس اللى غير عادى انه يتغير مثلا كل 20 الف
يعنى انا داخل على 35 الف وماغيرتش
بس انا غيرت اسطوانه دبراج وتيل فرامل امامى مرتين ( ههههههههههه سواقتى بعيد عنك تغيظ )
بس انا بطبيعتى بعمل الاتى فى كل صيانه ل 10 الاف
بغير تيل الفرامل الجولد الاصلى الكورى ب 40 جنيه
بغير البوجيهات بنوع يابانى مشهور قوى بس مش عارف اسمه للاسف واوله حرف N ( الميكنيكى بقوله احسن نوع بيغيره النوع ده وانا بثق فيه جدا من سنين )
بغير وانظف كل 20 الف مياه الريداتير
بغير فلتر الهواء كل 20 الف
بغير فلتر البنزين كل 10 الاف ب 35 جنيه الكورى الاصلى
بربط عافشه واضبط زوايه كل 10 الاف
يمكن انا بنظم العمليه قوى وبغير حاجات المفروض قبل معادها بس ده علشان افضل احافظ على العربيه وهى كمان تحافظ عليا ومتعملهاش معايا
بس انا كمان غيرت البطاريه تقريبا قعدت معايا سنتين
اما بخصوص الجوان انا داخل على 35 الف وماغيرتش
بس انا بطبيعتى بعمل الاتى فى كل صيانه ل 10 الاف
بغير تيل الفرامل الجولد الاصلى الكورى ب 40 جنيه
بغير البوجيهات بنوع يابانى مشهور قوى
بغير وانظف كل 20 الف مياه الريداتير
بغير فلتر الهواء كل 20 الف
بغير فلتر البنزين كل 10 الاف ب 35 جنيه الكورى الاصلى
بربط عافشه واضبط زوايه كل 10 الاف
ياريت تقولنا زيت الباور .. زيت الفتيس .. زيت الموتور بيتغيروا كل قد إيه ؟
وشكرا
للاسف ماعنديش معلومات عن موديلات 2011
وبالنسبه للعربيه عامل بيها تقريبا 35 الف الى الان
بوص يا سيدى عنوان الميكانيكى فى الكيلو اربعة ونص فى اوله خالص عند الموقف بتاع الاتوبيسات والميكربوصات واسمه الاسطى سيد ورقم تليفونه 0105721249
الراجل دا بامانة ربنا استاذ ومهندس وكل حاجة والاهم من كدا امين جدا ولو شاف فى حاجة فى العربية غير الحاجة اللى انتا بتشتكى منها هو من نفسه بيعملها ويغيرها وممكن كمان تعمل عنده صيانة العربية او صيانة السرفيس.
يلاهوىىىىىىىى يا توفيق باشاااااااااااااا
حد يغير الاسطوانة مرتين؟؟؟؟؟؟؟؟؟؟ دى العربية دى بجد المفروض تاخد الايزو وخصوصا عربية حضرتك
بس اهم حاجة سلامتك وصحتك وبلاش الجرى الكتير بذات فى بلدنا المحروسة مصر علشان انا عارف ان حضرتك بتستخدم دايما الطريق الدائرى كتير فخالى بالك من نفسك وربنا يسترطريئك ويحفظك يارب.
اما بخصوص الجوان فا انا ماشى حاليا فى الكيلوا 22 الف والحمد لله غيرت الجوان بس مستنى بس اغسل الماتور مكان الزيت علشان اعرف اية الاخبار هل لسة يتنزل زيت ولا لا؟ علشان لسة الموضوع دا عملته اول امبارح بس.
انا بالفعل جبت بوحيهات نفس النوع حتى على ما اظن العلبة مكتوب عليها الحروف دى بالاصفر. بس بامانة مش زى بردوه البوجيهات الاصلى بتاعة العربية بس شغال والحمد لله.
ههههههههه اةةةةةةةةة افكترت
ايوة كدا يا وديعععععععععع قصدى يا توفيق باشا
دا انا افتكرت انك راكب بلدوزر ولا حاجة
طب الحمد لله
ربنا يستر طريقك يارب.
على فكرة انا كنت عايز اصحح معلومة اويمكن انا غلط فى شكل العربية السايبا الهاتش باك اللى حتنزل واللى بامانة ربنا حتكسر الدنيا لو نزلت مصر انا كان فصدى على حاجة تانية خالص بس لما عرفت وشوفت السايبا الهاتش باك الجديدة اللى يمكن تنزل مصر بجد اتوهمت بيها اوى وفعلا شكلها من ورا جامد جدا وفعلا جتكسر الدنيا وعلى ما اظن هى 110 مش 1300 ودا رابط الموضوع من منتدى مصر موتورز.http://www............com/vb/showthread.php?t=42859
توفيق باشا مساء الخيرات ويارب تكون بالف خير فى الجو السائع دا والجو اللى مصر طبعا مش حاسة بالسئعة خالص بسبب اللى بيحصل فى مصر دا. ويارب تعدى البلد على خير ونحس بالامان زى الاول واكتر.
معلش فى ماشورة بسيطة كدا على الماشى: وانا جاى النهارة من الشغل سمعت كركبة كدا من ناحية السيور ووقفت العربية لاقيت سير الدينامو قرب على الانتهاء والسير مبروم مش مفروض على البتاع اللى بيلف عليها. اروح بيها الشغل عادى بكرة وبعد كدا اعدى على الميكانيكى يعملها؟ ولا اركنها ولما اجى من الشغل اوديها علشان مستهلكش الجزء الفاضل من السير؟
ولو لقدر الله لو السير دا مستحملش واتقطع كدا العربية حتوقف وممكن حجات تانية تبوظ ولا اية الموضوع؟
باشا اخبارك ايه
بالنسبه للسير واى سيور اخرى اياك ثم اياك السير ويوجد اى شك فيها
تغير السير مش هاياخد من وقتك اكثر من نصف ساعه لو عرفت تعمله قبل الشغل ياريت ماعرفتش اوعى اساسا تحرك العربيه من ماكنها
محدش عارف ايه الى ممكن يحصل ممكن الدينمو نفسه يتحرق هو او البطاريه على اقل تقدير
علشان كده الميكانيكى يشوفها وبالمره لو سير الكاتينه قرب على الانتها غيره هو كمان
وياريت تقولى عملت ايه وطمنى عليك
طيب مفيش صورة كدة في الخباثة
شكرا لردك يا توفيق باشا واسف على التاخير فى الرد نظرا للظروف المنيلة اللى بتمر بيها مصر ويارب تعدى الايام اللى جاية دى على خير لان الايام اللى جاية دى اكتر خطورة من الايام اللى فاتت وربنا يستر ويحرس مصر من اى شر.
انا توكلت على الله وروحت بالعربية الشغل وكان سير الكاتينة اتقطع وطبعا عداد الحرارة ارتفع مرة واحدة للنص ومزادتش عن النص وكل دا طبعا علشان طلمبة المية مش شغالة وطبعا مكنتش بستخدم لا الكاسيت ولا الانوار ولا حتى الاشارات والكلاكس علشان محملش البطارية جهد وممكن تنام منى.
المهم روحت بعد الشغل للمكانيكى وجابلى سير الدينامو وكشف على سير الباور لاقاة مقطوع منه حتة فغيروا بس مكشفتش على سير الكاتينة لانه دا حياخد وقت اطول والدنيا كانت حتضلم وانا اصلا فى حتة اسمها الكيلوا اربعة ونص والواحد خايف وانا اصلا لوحدى فقولتلوه لما اجيب التلاتين الف كيلوا ابقى انزل واجيب سير الكاتينة من شارع دمشق يعنى فضلى حوالى الفين كيلوا وبعد كدا اعمل الصيانه عنده وبالمرة يغيرلى السير.
ملحوظة:
جميع السيور اللى متركبة فى العربية نوعها صينى مش كورى لكن سير الكاتينة معرفش نوعها اية بظبط.
تانى حاجة انا لما جبت سير الدينامو برقم السير القديم وجة يركبه لاقاه اصغر من حيث المقاس فغيرناه بسير اكبر منه بدرجة فمش عارف بقى الواحد كدا يعمل اية فى سير الكاتينة؟ لكن سير الباور اتركب علطول بنفس مقياس السير القديم.
وتم تركيب السير والحمد لله . هو كان فى الاول صوت زى صوت الهوا لما بنسمعه صوت زى البحة مش صوت صفارة وقالى الميكانيكى امشى بيها مشوار كدا لغاية ما السير ياخد وضعه الطبيعى وبالفعل الحمد لله الصوت اختفى وزى الفل.
هل العربية لسه بتنزل و لا أيه أحسن أنا ملاحظ أنها مش موجودة فأي إعلانات و تمنها كام الهاتش باج أرجو المساعدة أحسن أنا ناوي و أنصحوني و لا خاب من أستشار ؟
بس هي بكام لو عالزيرو و بتتباع فين ؟
السلام عليكم يا اخوانى ....انا معايا السابا موديل 2006 و انا هقول المختصر المفيد عنها
بيركبوها 5 افراد منهم اتنين ستات
و التلاته رجليهم تقيله لان معايا سوبارو
العربيه مبتقفش طول النهار مشاوير
كل الى غيرته من 2006 حتى الان كالتى
اسطوانه و ديسك كل سنه و نص تقريبا
مساعدين اماى و خلفى و جلب العفشه
2 كوبلن اماامى
و الصيانه العاديه تيل و سيور و اللاذى منه
العربيه عامله حتى الان 220 الف كيلو ..و من شهر على اسماعيليه الصحراوى علمت على السوبارو بتاعتى لغايه 160
احكمو انتم بقى
اخوانى انا عضو جديد ولسة شارى سابا 2009 انهاردة والحمد لله بالرغم انها مستعملة لكن حالتها فبريقة ومواصفاتها كالاتى: موديل 2009 سابا و مكتوب عليها كمان برايد وهى فول ابشن زجاج و سنتر وانذار و كاسيت و الشنطة تفتح من جوة وطبعا تكييف عدادها ديجيتال كان عامل 19000 بس ولما سالت صاحبها قالى انه كان شريها من ست علمعاش مكنتش يتمشى بيها كتير وده باين فعلا من حالتها وكانت ساعتها عاملة 18000كم بس وهو معملش بيها غير 1000كم وهو تاجر واظاهر بيبيع عربيات بس معندوش معرض لما سالته عاملة ايه معاه قعد يشكر فيها و يحلف على انها تحفة المهم اخدت معايا الميكانيكى بتاعى يكشف عليها قبل الشرا قالى هى حالتها ممتازة بس ناشفة شوية ويمكن احتاج اغير الكوتش لنفس السبب المهم ساقها وجربتها معاه كله تمام ولما سالته عن الصيانة قال ان صيانتها عادية و مفيش مشكلة بالنسبة لقطع الغيار زيها زى الكيا لكن للامانة هو قالى متجيب اللانوس احسن قلتله انا معييش غير 40 الف واقل لانوس نضيفة ب45الف وهتكون عاملة 100الف كم على الاقل انما السابا هخدها ب40الف ولسة عدادها مقفلش ال 20 الف كم وفول اوبشن وانا استخدامى ليها بسيط مش هارد يعنى 3 مشاوير فلاسبوع بين 200 و 300كم يعنى 1000كم فلشهر يعنى 12 فلسنة وانا كنت هشترى بنفس السعر ماروتى وفاضية كمان وده من وجهة نظرى وتقديراتى والكثير من التفكير و الموازنة بين الميزانية و افضل الاختيارات قلت دى احسنهم فتوكلت على الله و خلصت مع الراجل صاحبها و الحمد لله وتحت امر استفساراتكم لكنى لسة مجربتهاش كلللله كلام وربنا يبارك
استاذ توفيق استاذ نيرت
ايه الاخبار طمنونا بعد مرور ما يقرب من 23 سنوات يارب يكون كله تمام
برجاء رفع كتالوج العربية .. أرجوكم أعتبروها حسنة جارية
معلش يا جماعة هى العربية اخبارها ايه دلوقتى والدنيا عملت فيها ايه؟؟؟؟؟؟؟؟؟؟؟
ان قريت فى جريدة الاخبار يوم السبت 3/11/2013
ان التوكيل ناشينال موتورز هينزل سايبا تانى موديلات جديدة
اللى عنده اخبار يقول لنا\\\\\\\\\\\\
انا شوفت اعلان قدام مدخل العبور ل سايبا جديده بس ملحقتش اقرا حاجه
Sent from my GT-I9300 using Forum Runner
ياترى يا استاذ توفيق وجميع الاخوة السابقون لنا فى تجربة هذه العربية ....
ايه اهم الاشياء المتبعة للحفاظ ع مستوى العربية وايه اللى تنصحونا بيه نعمل كل 5000 ك نعمله ...
وياريت لو تذكروا لنا هى هى انواع الزيوت اللى تنصحونا بيها ( زيت الباور -زيت الفرامل -زيت المحرك )...
:backtotopic:
وجدت الكلام ده فى منتدى تانى ان اردت التعامل فتعامل بحذر
:chatting::chatting:
السلام عليكم , انا م/علي جابر و يشرفني و يسعدني اني اساعد حضراتكم في إيجاد قطع غيار السيارات بكل انواعها و اشكالها و كمان نوصلها لاي مكان انت عاوزه , من غير إستغلال او غيره و ده رقمي 01128496419 , وشكراً جزيلاً.
:chatting::chatting::chatting:
:backtotopic::backtotopic::049::049::049: