يا جماعة محتاج مساعدة ضروري جدا .. أنا في الساحل الشمالي، ولقيت فجأة إن لمبة التشيك نورت ومش عارف اعمل ايه .. مش هاقدر اروح التوكيل قبل عشر ابام ممكن حد يقولي ايه المشكلة بالزبط وازاي تتحل .. أرجو الرد وشكرا للجميع
عرض للطباعة
يا جماعة محتاج مساعدة ضروري جدا .. أنا في الساحل الشمالي، ولقيت فجأة إن لمبة التشيك نورت ومش عارف اعمل ايه .. مش هاقدر اروح التوكيل قبل عشر ابام ممكن حد يقولي ايه المشكلة بالزبط وازاي تتحل .. أرجو الرد وشكرا للجميع
ان شاء الله خير نفس الموقف حصل معايا وكنت فى الساحل ايضا من 20 يوم ولما رجعت لقيتها منوره وسالت فى التوكيل قالولى السبب انه الجاكات عليها رمل بتاعه الريداتير وبصراحه ماعنديش وقت حتى 10 دقائق اروح التوكيل بس اللى عملته انى فى بنزينه جنب بيتى نظفت الماتور بالهواء وراحت لمده اسبوع ورجعت تانى وشويه تروح وشويه ترجع ومن ساعتها عامل بيها حوالى 2000 كيلو ومافيش مشاكل لغايه دلوقتى بس اللى لاحظته انها تقريبا ليها علاقه بدوره التبريد علشان هى بتنور بس لما يكون الجو فيه رطوبه عاليه قوىوكشفت على الخراطيم والمياه لقيتها كويسه فشاكك فى ترموستات الريداتير وان شاء الله فى اقرب وقت هافضى فيه هاشوفها وياريت لو حصل وعملتها حضرتك قبلى تقولى ايه السبب
استاذ توفيق .. شكرا جزيلا على رد حضرتك، هي فعلا نورت وانا مشغل التكييف النهاردة بالليل (الرطوبة كانت عالية قوي في الجو وكان معايا ناس فقلت اشغل لهم التكييف. انا هاروح بنزينة ان شاء الله واعمل زي ما حضرتك عملت، ولما هارجع هاروح التوكيل ولو فيه جديد هاقول لحضرتك. بس كنت عايز اسال هي اللمبة دي تنور لسبب معبن، واللا تنور لأي عطل ممكن يحصل عشان اعمل تشيك؟ حاجة كمان .. هل مفيش مشكلة منها، يعني استنى لما انزل اسكندرية اروح البنزينة، واللا لازم اعمل ده بسرعة. ممكن ادور على بنزينة في الساحل وانضف الموتور. أنا آسف طولت على حضرتك، وشكرا مرة تاني
اللمبه فى الطبيعى بتنور لو فيه اى شى مختلف عن الاداء الطبيعى فى السياره سواء ميكانيكا او كهرباء اومن الجو المحيط --- انا اول مره نورت فيها كان يوم الشبوره العظيم فى الشتاء الللى فات ولما رحتلهم كان الفيوزات عليها رطوبه وده ممكن يكون السبب دلوقتى الفيوزات عليها رطوبه والعزل بتاع علبه الفيوزات مش جيد --- بس ان شاء الله خير
استاذ توفيق أشكرك لردك على اسئلتي، وان شاء الله هاروح لهم اول مارجع اسكندرية.. وانا آسف طولت على حضرتك في الاسئلة. شكرا جزيلا
نبدا الكلام بلسلام اما بعد انا يا جماعه اشتريت العربيه من شهر بس التوكيل بيقول ما فيش كتلوجات وانا محتاجه ضرورى فهل ممكن اى اخ من الاخوة يرفعو لى واكون مدين له بوافر الشكر وربنا يجعلو فى ميزان حسنتكوا بأذن الله وشكر ا.
mr seddek is this car is good?
mr seedek is this car is good?
ياترى فيه حد تعامل مع مركز صيانه غير بتاع ناشونال موتورز او يعرف اخبار عن شركه الكويت والبلاد العربيه رجعت الصيانه عندهم تانى ولا لا علشان بصراحه مشوار اكتوبر ده بالنسبالى قاتل هو وجسر السويس ده غير ان الفنين هناك بعافيه جدا
أنا ياتعامل مع الكويت والبلاد العربية في اسكندرية .. هم بصراحة ناس محترمين قوي .. وشغلهم كويس جدا، لكن المشكلة إنهم ما باليد حيلة في موضوع قطع الغيار، لازم يرجعوا للتوكيل، وغالبا التوكيل بيرفض يغير على حسابه.
قريت الموضوع كله وهو فعلا مفيد وشيق
نزلت النهارده علشان اشوفها ع الطبيعه ولو عجبتنى كنت حجزت لكن للاسف ملقتش غير عربيه واحده وكانت كاش 48 ونص فول اوبشن ومفيش كريدت للاسف
قاللى بعد ست شهور هينزل دفعه تانيه