الRPM الله يحرقه

**TAREK320i** · 16-08-2007 05:54 AM

يا جماعة انا استلمت لانوس S والحمد لله بس العربية هتجنني!!
انا لسة بليين بس اول ما بدور بيبقى على 1200 لغاية ما تسخن..و بعدين بيرجع لقبل الواحد بشوية في السلانسيه حتى لو شغلت التكييف ساعات بيكون على 1 و ساعات على 800؟؟؟؟؟؟؟؟؟؟؟؟؟؟؟و ده بيخلي العربية تكركر و تعمل اصوات غريبة و لما سألت المعرض قاللي :هيظبطلك موتور في صيانة الالف!!!!!!!!!الكلام ده صح والا ايه؟؟؟؟؟؟و هل صوت العربية هيتعدل بعد كده و لا هيفضل عالي برضه؟؟؟؟؟؟

**m_aash** · 16-08-2007 08:32 AM

أنا ما أعرفش إن كان ده طبيعى وللا لأ مش عافتى...... بس الأكيد إنك لما تروح صيانة الألف لازم تقول على الموضوع ده وهما يكشفوا عليه, كمان لازم تقولهم على ظبط الزوايا حتو لو إنت مشش حاسس إن فيه حاجة بس برضه يبصوا عليها مع تربيط العفشة .
ونصيحة لو ليك أى ملحوظة على العربية ولو إنت حاسس إنها بسيطة قولهم عليها فى صيانة الألف , علشان ما ترجعش تقول ياريتنى .
أنا بقوللك الكلام ده عن تجربة أنا معايا لانوس 2007

**hazem_khidr** · 16-08-2007 08:35 AM

اكيد حيتعدل باذن الله ..
كل دا طبيعي ما تقلقش

**MMamdouh** · 16-08-2007 09:57 AM

لو العربية فيها بنزين 90 حتكركر شوية

ال RPM بيعلى مع برودة الموتور و تشغيل التكييف

طبعا قول كل الكلام دة فى التوكيل لما تعمل صيانة الالف برضة احتياطى

MMamdouh

**za3bolla** · 17-08-2007 05:46 PM

واحد صاحبي برضه جايبها لسة..و برضه الموضوع ده حاصل معاه و بيشتكي ان التكييف لما يشغله العربية المفروض تعلى لرقم1 عل الrpm
السؤال هنا...هل هناك فعلا تظبييط موتور في صيانة الألف؟؟
لأن الفيرنا كانت بتهببل عل الاخر و ظببطواها في صيانة الالف

**mohamed_berlitz** · 21-08-2007 09:50 AM

يا باشا يستحسن ماتشغلش التكييف اول 1000 كيلو وبالنسبة لل RBM تمام تسخين 1.1 والسلانسية 800
والعربية لازم تكركر يا باشا انت لسة فى اول 1000 كيلو والتوكيل بيمنع تشغيل التكييف اول 1000