مقاطعة السيارات الأمريكية

**أبو عمار** · 14-03-2009 02:27 AM

معاكم بكل كيانى و الله
و مع إنى راكب أوبترا و مقاطع منذ فترة طويلة بس و أنا بشترى عربيتى لم يخطر ببالى هذه الفكرة مطلقا مش عارف ليه !!!
أكيد مكاسبهم فى العربيات كبيرة و ملموسة و أكتر بكتير من كيس شيبسى و مسحوق غسيل
قدر الله و ما شاء فعل
بس هعمل إيه فى العربيه ، أبيعها .. الأمر تحصيل حاصل
أعتقد أحسن حاجة أحافظ عليها حتى لا أستهلك قطع غيار كتيرة و أدور فى السوق على قطع غيار بديلة ليست من Gm ، كورى مثلا أو تايوانى
أعتقد هو ده الحل لمن يملك أى سيارة أمريكى و لو فيه أفكار ياريت نناقشها مع بعض
خالص تحياتى

**Islam_galal** · 15-03-2009 09:59 AM

الحمد لله علي النتيجه حتي الآن فهي انعكاس لوعي جميل و فكرة أرجو أنا تنتشر
نحقق الفكرة بعدم شراء السيارات الأمريكية الجديدة
نؤيد الفكرة بتشجيع الآراء المؤيدة و ايجاد البدائل
نشجع الفكرة بنشرها بين المعارف و الأقرباء و بين كل الناس

**karimone** · 15-03-2009 11:23 AM

طبعاً انا منضم ليكم من زمان و مراتي الحمد لله بتساعدني في الموضوع ده... امبارح كنت بهزر معاها و بقولها نتغدي في بيتزا هت قالتلي: مقاطعه...

برده من كام يوم كنت في السوبر ماركت و شوفت البيبسي محطوط و كان نفسي فيه الصراحه بس مردتش اجيبه علشان المقاطعه...

طبعاً في ناس كتير هاتشوف اللي انا باعمله ده ولا بيفرق مع امريكا... بس انا بعمل اللي بقدر عليه...