مقاطعة السيارات الأمريكية

**مدحت منيب** · 24-01-2009 07:55 PM

ليس هناك ما يشل قدرة الانسان على على العمل والعلم والتواصل مثل الشعور بانعدام الحيله، فهي الحاجز الاساسي الذي يحول بيننا وبين تغيير نمط حياتنا، وليكن شعارك ..و شعورك :
*أني أملك القوة للتحـــــــكم *بتفـــــــكيري, وشعوري,وأفعـــــــــــالي. .

و رغباتى .

تذكر ان قوتك فى ذاتك

**Islam_galal** · 27-01-2009 08:36 AM

أ/مدحت مشاركة قيمة كعادتك
ياريت كل واحد بيهزر و خلاص أو فاكر نفسه بكده يبقي كاتب ساخر يقرأ هذه المشاركة

ليه مقاطعه السيارات الأمريكية بس:
- لأن نايل موتورز منتدي سيارات.
- لأن أحد أسباب ضعف نتائج المقاطعه من وجهة نظري تفريق المجهود في مئات الأصناف بينما السيارات محددة و لها مردود مالي كبير علي أمريكا لأن الدعوة تشمل كل العرب و المسلمين.
- لأن شركات السيارات الأمريكية تمثل الكبرياء الأمريكي و هي في أسوء حالاتها الان.
و لأن أمريكا تتعامل مع شعوب المنطقة بشكل دوني قذر و إلا ماذا يحدث في العراق و أفغانستان و دعم اسرائيل و الصومال.

لكل من استهزأ و عبث في هذا الموضوع
إقرا مشاركتك مرة أخري و قرر كيف سيحاسبك الله عليها

**ahit** · 27-01-2009 09:52 AM

المشاركة الأصلية كتبت بواسطة Islam_galal

أ/مدحت مشاركة قيمة كعادتك
ياريت كل واحد بيهزر و خلاص أو فاكر نفسه بكده يبقي كاتب ساخر يقرأ هذه المشاركة

ليه مقاطعه السيارات الأمريكية بس:
- لأن نايل موتورز منتدي سيارات.
- لأن أحد أسباب ضعف نتائج المقاطعه من وجهة نظري تفريق المجهود في مئات الأصناف بينما السيارات محددة و لها مردود مالي كبير علي أمريكا لأن الدعوة تشمل كل العرب و المسلمين.
- لأن شركات السيارات الأمريكية تمثل الكبرياء الأمريكي و هي في أسوء حالاتها الان.
و لأن أمريكا تتعامل مع شعوب المنطقة بشكل دوني قذر و إلا ماذا يحدث في العراق و أفغانستان و دعم اسرائيل و الصومال.

لكل من استهزأ و عبث في هذا الموضوع
إقرا مشاركتك مرة أخري و قرر كيف سيحاسبك الله عليها

كلام سليم بارك الله فيك و فى أمثالك
ليه بعضنا دايماً بيستهزأ ويسخرمن الأفكار و الخطوات الصح البناءة و اللى ليها أثر فعال !!!
يا جماعة صدقونى المقاطعة باللى نقدرعليه ليها أثر قوى و فعال لكل العرب المسلمين و المسيحيين للمصريين و الفلسطينيين و كل الأمة العربية و الهدف منها توضيح تاثيرنا للعالم عشان نرجع هيبتنا و كرامتنا أمام العالم كلو و قبل كل دا أمام الله سبحانه و تعالى.
و اللى مش عاجبو الموضوع ليه بيرد و لو رد ليه بيستهزأ بكلام غيره , يعنى إحنا نستهلك منتجات أجنبية من أكل و شرب و رفاهية و غيره و مانخدش منهم الديمقراطية فى الحوار !!!
إسرائيل وكل الغرب بيسعى لتحقيق أهدافه , طب ليه إحنا مايكونش بينا ترابط و تكاتف لتحقيق أهدافنا و نبعد عن السطحية و الهيافة و السخرية و السلبية اللى جيبانا ورا !!!!!!!!!

**د./اليشع ثابت** · 27-01-2009 10:55 AM

المشاركة الأصلية كتبت بواسطة Islam_galal

تم بيع فولفو لمجموعة فورد عام 1999

أنا حاولت أكون دقيق و اعتمدت علي ال wikipedia لكن لو في خطأ أرجو من الجميع المعذرة و التصحيح

شكرا للمشاركة sharky

يا باشا بجد انت علامة
و انا متضامن معاك و مقاطع الامريكانى
اصلا انا بحب اليابانى

**memoo_1st** · 27-01-2009 11:36 AM

والله الموضوع اكتر من هايل و انا اؤيد الفكرة تماماً وياريت كلنا نبطل نشتري اي سيارة امريكي لان بجد دي اقل حاجة ممكن نعملها .

وانا بحيي استاذ اسلام جلال على الموضوع الهايل .

**Islam_galal** · 28-01-2009 08:36 AM

د/اليشع
memoo_1st
شكرا لتفاعلكم و تعليقاتكم الرقيقة

**Osama_soliman** · 28-01-2009 02:44 PM

للاسف بعد ما اشترت الكورسا

عرفت ان اوبل تبع جنرال موتوز

انا شايف اننا نشجع البدائل غير الامريكية فعلاً

وخصوصاً "برتون" على اساسها انها مصنعة بدولة اسلامية وهى اندونسيا

وتشجيع العربيات المغربية والايرانية

ونرجو من الله ان يكون عندنا برضه فى مصر عربية مصرية

**lancerevolution** · 28-01-2009 02:57 PM

أنا أعتقد إننا فى وضع لايسمح بالمقاطعة إمتى يسمح لما كل المنتجات دى أو % منها "مش شرط العربيات " يكون فى منتج مصرى قادر على منافستها و سد حاجة السوق من منتجات عالية الجودة مش صنع و خلاص و أديك حتشترى يعنى حتشترى

**Islam_galal** · 28-01-2009 03:07 PM

يا سيدي خلينا في السيارات بس دلوقتي
ده منتدي سيارات و سيبك من المنتج المصري
لأننا بنقول نقاطع السيارة الأمريكيه و البدائل كتييييرقوي علي نفس الكفاءة و أحسن كمان

**tutankhamoun** · 28-01-2009 03:41 PM

المشاركة الأصلية كتبت بواسطة lancerevolution

أنا أعتقد إننا فى وضع لايسمح بالمقاطعة إمتى يسمح لما كل المنتجات دى أو % منها "مش شرط العربيات " يكون فى منتج مصرى قادر على منافستها و سد حاجة السوق من منتجات عالية الجودة مش صنع و خلاص و أديك حتشترى يعنى حتشترى

للآسف كلام حضرتك بيدل على التفكير في النفس فقط دون الغير
فلنفرض أن المنتج الأمريكي هو الأفضل على مستوى العالم !!
و انه لا يوجد أمامك غير المنتج المصري ( الردئ كما تقول ) و الأمريكي الفرز الأول و الذي لا يوجد منه بديل !!!!

هل ستظل تدفع أموالك لأعدائك لمجرد أنهم أفضل منك في الصناعة ؟
هل ستظل تدعم قوة جيش أعدائك لمجرد تفوقهم في الجودة عليك ؟؟

أمريكا هي عدو العرب الأول و ليس إسرائيل ؟ لأن إسرائيل عاملة زي العيل اللي مش متربي قليل الأدب و لما العيل ده يقل ادبه عليك و تروح تكلم أهله تلاقيأبوه شتمك و يقولك أنا مالي روح أتصف معاه هو و في نفس الوقت بيقوله ... ميهمكش يا واد ....... أديلهم على دماغهم !!!

هو ده الموقف بالظبط تمام
أمريكا تدينا على قفانا كل يوم من سنة 1948
و بتقتل الاف العرب و المصريين بأسلحة صناعة أمريكية و مجانية التوجيه للصهاينة ( العيل الصغير اللي مش متربي )

و أحنا بنقول أيه ....... أن منتجاتهم ملهاش بديل !!!

الله يرحم الملك فيصل و الشيخ زايد
لما ردوا على رئيس أمريكا سنة 1973 و قالولوا

مش مهم نعيش في رغد ........ و مش مهم نرجع نعيش على اللبن و الخبز من الماعز مرة أخرى
و لكن الأهم ....... أن لا نعيش على دماء أخواننا في دول المواجهة !

شوفت الرد يا أخي الكريم
و ربنا يهدينا جميعا و ينور طريقنا و يوحدنا
الجنيه اللي حضرتك بتمتنع به عن شراء منتج أمريكي أو ألماني ( الأثنين داعمين لليهود ) ممكن ينقذ بطريق غير مباشر طفل برئ بيموت كل يوم في فلسطين تحت نيران العدو الصهيوني الذي ليس لديه رحمة
هذا الجنيه ممكن ينقذ مصر من حرب مه اليهود لما الدعم ليهم يقل بسبب مقاطعتنا الاقتصادية ليهم
و المنتج اللي مش عاجبك ربنا هايباركلك فيه لو أشتريته بنية تقوية أقتصاد بلدك و منع أعدائك من الوصول لأموالك
الموضوع كبير و مش صغير و المجهود القليل الصغير المبذول منك و مني
صدقني على العموم هايعمل تأثير كبير
و إن معملش تأثير ......... أنتظر مكافأة الله لك لفعلك شئ لوجه الله تعالى

و مرة أخرى
اللهم أهدنا ووحد صفوفنا و أنر طرقاتنا و أحفظنا و حرر أرضنا و أنزل أيمانك على قلوبنا يارب العالمين
اللهم آمين ..... اللهم آمين

مشاهدة نتائج الإستطلاع: هل تؤيد مقاطعة السيارات الأميريكة

الموضوع: مقاطعة السيارات الأمريكية

LinkBack

أدوات الموضوع

عرض

-

-

-

-

المواضيع المتشابهه

حملة مقاطعة غلاء السيارات

مقاطعة شراء السيارات الجديدة في مصر الي حين احترام زكاء ووعي المستهلك المصري

مقاطعة شراء السيارات الجديدة في مصر الي حين احترام زكاء ووعي المستهلك المصري

مقاطعة شراء السيارات الجديدة في مصر الي حين احترام زكاء ووعي المستهلك المصري

قوائم مقاطعة المنتجات الأمريكية و الصهيونية ( منقول للإفادة )

الكلمات الدلالية لهذا الموضوع

المفضلات

المفضلات

ضوابط المشاركة