الموضوع: عايز اشتري جين2 بس قالولي استني الاسعار هتنزل

المشاركة الأصلية كتبت بواسطة hism8hme

طب معلش ممكن سؤال تاني؟

دلوقتي انا هجيب العربيه دي بالنص مع والدتي وهي عايزه تجيب ال getz وعارفه واحده زميلتها في الشغل عامله نفسها بنت عز العرب وعماله تفتي وتقولها الجين 2 اسعار قطع غيارها غاليه وتيل الفرامل بتاعها مش حلو وفراملها مش حلوه والعفشه اي كلام وكلام ده كتير

عايز ارد عليها عشان اسكتها شويه بس عشان انا ما افهمش في العربيات اوي ولا في الاسعار بتاعة قطع الغيار مش عارف ارد

ياريت بجد حد يفيدني

بُص أنا مش هاقدر أفيدك في أسعار قطع غيار الجيتز
و لكن هاقدر أفيدك في حاجة مهمة قوي قوي عن الجيتز
العربية دي فيها عيب خطير
عربية خففة و صغيرة
و موتورها قوي
=
ثبات يعني صفر فوق 90 ...... العربية أصغر في الحجم عن الجين 2 و شنطتها أصغر


الجين 2 ثبات و اتزان فظيع ..... رائع .....ممتاز

بالنسبة لتيل الفرامل
فيه ناس فعلا أشتكت منه و بيقولوا أن أخره معاك 15 ألف كم
بس برضه حسب أستخدامك
أغلب اللي بيسوقوا الجين 2 شباب صغير في السن و إستخدامهم للعربية مش كويس ...يعني سرعات عالية ( فاكرين نفسهم راكبين فيراري ) و طبعا مع السرعات العالية و إستخدام الفرامل كتير لازم الفرامل تُستهلك

إنما العفشة ممتازة و باقي القطع الميكانيكية ممتازة
و يوجد بعض العيوب في التقفيل و كلها حاجات بسيطة و نسبة قليلة قوي اللي بيظهر معاه حاجة جامدة

إنما بصراحة .... الجيتز .... مش حلوة أنا عندي الفيرنا أحسن منها
لأنها أوسع و أثبت شوية مع أن الفيرنا برضه مش ثابتة بس أثبت من الجيتز

لو عايز حاجة في حدود المبلغ ده و والدتك مش عاجبها الجين 2
عندك النيسان صني .... و الكيا ريو .... و الهوندا سيتي القديمة ...و الهيونداي أكسنت


و بالنسبة لأسعار الجين 2 ..... في التوكيل فعلا أسعار قطع غيارها مش رخيصة بس أعتقد أن أسعار قطع الغيار الأصلية في أي توكيل بتكون غالية و مش الجين 2 بس

المشاركة الأصلية كتبت بواسطة tutankhamoun

السلام عليكم
في عربيات في السوق الوكيل بيسكب فيها مبالغ خيالية و أغلب التوكيلات دي يابانية
إنما فيه عربيات مكسبها مش كبير زي البروتون عموما علشان أصلا هي سعرها منافس زي ما الأستاذ مُهاب قال بالظبط
و الله أعلم أنا لا أعتقد أن البروتون ممكن تنزل كتير
يعني ممكن بالكتير قوي بتاع 5 الاف جنيه و لا حاجة
و الله أعلم برضه بكل شئ
أنا شايف ان التوكيل " عز العرب "
بيعمل تخفيضات حلوة في السيتروين و البي ام مثلا .... علشان هامش الربح فيهم يسمح بالتخفيضات
إنما البروتون .... هامش ربحها مش كبير
و الله أعلم مرة تانية
و في رأيي لو أنت متردد ........ أنتظر و الأيام سُتظهر كل شئ
ربنا معاك

ساااااااااا الخير لك وحشة يا راجل ، ولا بتسأل علي

و من هذا المنطلق ، اسمح لى اختلف معاك بقلب جامد

عمو عز بيكسب من وراء برتون الماظ يا عم توت مش كدة ، دة انت حبيبي من ايام الجيزة و الكشري و المهلبية يشهدوا

و أسأاااااااااااااال علي :k49:

تيل الفرامل علي حسب الاستخدام
التيل الاول بيعمل من 16000 الى 22000
التيل التانى جيب واحد على مزاجك ..... و برضة كلة بيرجع لسوقتك و رجل سعادتك الكريمة

المشاركة الأصلية كتبت بواسطة mazagnge

ساااااااااا الخير لك وحشة يا راجل ، ولا بتسأل علي

و من هذا المنطلق ، اسمح لى اختلف معاك بقلب جامد

عمو عز بيكسب من وراء برتون الماظ يا عم توت مش كدة ، دة انت حبيبي من ايام الجيزة و الكشري و المهلبية يشهدوا

و أسأاااااااااااااال علي :k49:

مزجنجي باشا حبيبي
ليك عندي طبق مهلبية بعد ما تأكل طبق الشكري المحترم


أنا لا أعتقد أن عز بيكسب كتير في العربية و الله أعلم برضه
لو قلنا ان العربية مثلا ثمنها من المصنع في ماليزيا هو 50 ألف جنيه مصري مثلا
و الجمارك بتاعتها مثلا 20 أو 15 ألف جنيه
يبقى مكسب عمك عز حوالي 10 أو 15 ألف جنيه في العربية
و برضه الله أعلم
و لكن لا أظن أن مكسبه كبير في البروتون
لو قلتلي البي إم أو السيتروين .... أصدقك
إنما البروتون أو العربيات اللي ثمنها أقل من 100 ألف بيكون هامش الربح فيها مش كبير و الله أعلم بالحقيقة طبعا

حبيب قلبي / عم الحاج توت

ها أعد الايام و اليالي لغاية ما نتقابل عند عربية الكشري
يا عمى في الاتفاقية اللى مع جنوب شرق اسيا اللى مصر مش بتستفيد منها حاجة بس ادينا مؤعييين وموافقين و ..... بص يا عم الحاج هما أكثر من 20.000 ج بشوية فكة ، و الأجنس بيتخصم لة على ما أظن 5000 ج و لما تعزمنى على الكشري ها أقولك بتيجي بكام و طبعاً انت عارف بتتباع بكام = الجذر التربيعى ( المكسب )لوووووووووولى .

---> انا حلال فى عمو عز يقتلنى ، بس كلة عشان مصر يا محسن بية

توت باشا و مزاجنجى باشا فى موضوع واحد يا هلا يا هلا منورين فين الكلام الجامد ده من زمان ....
و الله يا مزاجنجى باشا انا مستنى رد حضرتك من زمان على الموضوع ده عشان عارف الاسرار المستخبيه فى الانفاق الحربيه .... بس برضه يا باشا ماخدناش الخلاصه و احنا غلابه و الواجب يحتم تدلنا على نفق من دول ولا ايه ؟؟ ... عموما يا مزاجنجى باشا راى حضرتك البحت فى الوضوع ده ايه عمو عز ناوى يننزل السعر و لا ناوى يقفل الانفاق ولا ايه الكلام .. ؟؟