عايز أعمل مطبخ الومنيوم حد يعرف حد كويس وأمين

عايز أعمل مطبخ الومنيوم حد يعرف حد كويس وأمين

لو انت فى الهرم فيه شكره فى شارع فيصل بعد ممدوح عبد ربه غطاطى على الشمال اسمها مكه عامله شويه نماذج تحفة والوان تحفة
وناس محترمه جدا وبيعملوا معينه ورفع مقاسات مجانا وكمان بيفرجوك التصميم على حسب مطبخ وكل حاجه وافاكارهم حلوة
واسعارهم والله كانت عاديه واقل من قبنورى طبعا وانظف منه بكتير

ممكن نعرف السعر لو متاح

طلبك موجود باذن الله فى محطة مترو غمرة

فى محلات تلقية قدم المحطة وشرح بلتفصيل

حضرتك تروح من كوبرى اكتوبر وتنزل نزلة العابسية
بس على الييمين هتلقى محلات كتير جدا بتوع المطابخ هناك بس السعر مش عارف كام بس فى المعقول

او طريق تانى هتمشى فى شارع رمسيس على طول فى اتجاة العباسية

وقول لم تلقى نزلة من كوبرى اكتوبر يبقى قربت من الهداف وقبل
شارع بورسعيد

يارب اكون وضحت

المطبخ الالومنيوم يفضل تتعامل مع حد شغله مجرب قبل كدة
لاني سمعت من ناس كتير تقول عملت مطبخ الومنيوم وبعد شوية تبدا تظهر مشاكل فيه
زي المفصلات تتكسر والاكسسوارات اللي فيه
بالنسبة للسعر بيتحسب بالمتر
يعني حضرتك ممكن تسأل كذا محل للالمويتال بيعمل المتر بكام علشان تعرف الرنج اليومين دول كام
انا عملت واحد من 5 سنين كان تحفة بصراحة ومفيش حاجة اتكسرت فيه خالص وعاملي انوار وقعدة بعجل انا طلبتها علشان اقدر انضف تحته بسهولة
وحوالي 5 افراد من عيلتي عملوا بعدي عنده كل مرة بيطلع احسن من اللي قبله
لو حضرتك عايز ممكن ادور لك على رقمه عند حد من قرايبي وتشوف اسعاره
كمان حضرتك اطلب منه كتالوجات تاخد منها افكار
بس في ملحوظة
المطبخ مش كله بيكون المونيوم
بتكون الاطارات الخارجية الومنيوم والحشو مادة ليها الوان واشكال رائعه تقريبا اسمها فيبر

كمان في حاجة مهمة السعر بيختلف على حسب نوع الرخام المستخدم
يعني بعد ما تتفق على سعر المطبخ تقولوا وريني عينه من الرخامة
ولو مش عجباك تبدأ تتناقش معاه
لان حد من قرايبي حب يتنصح شوية وعمل نفس النموذج والمواصفات والمقاسات لبتاعي وقعد يفاصل
اكتشفنا ان الرخامة اقل جودة

اقتباس:

---

المشاركة الأصلية كتبت بواسطة نور القمر

لو حضرتك عايز ممكن ادور لك على رقمه عند حد من قرايبي وتشوف اسعاره

---

شكرا على الاهتمام لكل المشاركات
ياريت رقم التليفون أو العنوان

يا مستر hn_kamal
حضرتك منين احناعندنا شركة زجاج والمونيا فى المعصره لو تعرفها لو انت بعيد عننا ادينى المقسات بالتقريب وانا هقلك هيتكلف كام علشان محدش يضحك عليك بس وانا هفهمك كل حاجه بس لازم الموصفات والالمونيا نزززززززززززلت جامد فى السعر فا لا تقلق انا هقلك سوء بئه بالرخام بالأزاز مرسوم عليه بالصنفره كل حاجه

اقتباس:

---

المشاركة الأصلية كتبت بواسطة toteman

يا مستر hn_kamal
حضرتك منين احناعندنا شركة زجاج والمونيا فى المعصره لو تعرفها لو انت بعيد عننا ادينى المقسات بالتقريب وانا هقلك هيتكلف كام علشان محدش يضحك عليك بس وانا هفهمك كل حاجه بس لازم الموصفات والالمونيا نزززززززززززلت جامد فى السعر فا لا تقلق انا هقلك سوء بئه بالرخام بالأزاز مرسوم عليه بالصنفره كل حاجه

---

لو الالمونيا نزلت قلنا متر الالمونيا شببيك القطاع العادى بقى حولى كام اخر سعر كنت اعرفة كان 350 ج

اقتباس:

---

المشاركة الأصلية كتبت بواسطة toteman

يا مستر hn_kamal
حضرتك منين احناعندنا شركة زجاج والمونيا فى المعصره لو تعرفها لو انت بعيد عننا ادينى المقسات بالتقريب وانا هقلك هيتكلف كام علشان محدش يضحك عليك بس وانا هفهمك كل حاجه بس لازم الموصفات والالمونيا نزززززززززززلت جامد فى السعر فا لا تقلق انا هقلك سوء بئه بالرخام بالأزاز مرسوم عليه بالصنفره كل حاجه

---

شكرا لحضرتك
انا فى مدينة نصر
مقاسات المطبخ تقريبا 3.2*3م
أنا متخيل أن الجزء اللى حيكون عليه المطبخ الالومنيوم بالمتر الطولى 3.2م + 3 م يعنى تقريبا حرف L

اقتباس:

---

المشاركة الأصلية كتبت بواسطة qqqq

لو الالمونيا نزلت قلنا متر الالمونيا شببيك القطاع العادى بقى حولى كام اخر سعر كنت اعرفة كان 350 ج

---

قطاع السعد يعملو دلوقتى 280 يجنيه للمتر ملون وانضف اكسسوارات

اقتباس:

---

المشاركة الأصلية كتبت بواسطة hn_kamal

شكرا على الاهتمام لكل المشاركات
ياريت رقم التليفون أو العنوان

---

حاضر هادور لك على رقمه وبمجرد ما الاقيه هاقولك
بس العنوان ده معرفوش لاننا بنتصل والمهندس هو اللي بيجي والصنايعيه بتوعه

بص يا سيدي
انا عملت مطبخ الوميتال حكايه
عند واحد اسمه العالميه في شارع السودان جانب ميدان لبنان في المهندسين

كأنك عامله عند قبنوري
ممتاز
واسعاره زي السوق بره
وشغلهم وتقفيلهم نضيييييف جدا

اقتباس:

---

المشاركة الأصلية كتبت بواسطة ahmodium

بص يا سيدي
انا عملت مطبخ الوميتال حكايه
عند واحد اسمه العالميه في شارع السودان جانب ميدان لبنان في المهندسين

كأنك عامله عند قبنوري
ممتاز
واسعاره زي السوق بره
وشغلهم وتقفيلهم نضيييييف جدا

---

ممكن تليفونه لو امكن

بص حضرتك ... فى راجل فى فيصل فى شارع العشرين.
الراجل ده كان شغال فى قبنورى وسابهم وفتح ورشة بتاعته ... أنا عملت عنده مطبخ ألوميتال من 4 سنين وشوية أهو وماشاء الله المطبخ زى الفل ... وجبته من كام شهر عملى تند فى البلكونات .
إسمه الحج فتحى وموبايله 0123471014

شكرا للاهتمام أنا اتصلت بالحاج فتحى وقاللى ان سعر المتر المسطح 800 جنيه للالوان العادية و 1000 جنيه للخشبى
(بدون الرخام)
ياتري حد عنده فكرة عن ان السعر ده مناسب ولا لأ؟ وايه المواصفات اللى الواحد ياخد باله منها عند الاتفاق

اقتباس:

---

المشاركة الأصلية كتبت بواسطة ahmodium

بص يا سيدي
انا عملت مطبخ الوميتال حكايه
عند واحد اسمه العالميه في شارع السودان جانب ميدان لبنان في المهندسين

كأنك عامله عند قبنوري
ممتاز
واسعاره زي السوق بره
وشغلهم وتقفيلهم نضيييييف جدا

---

ممكن أعرف حضرتك كنت عامله بكام المتر
أو رقم التليفون بتاعهم لو امكن

أى مشاركات اخري

فى انتظار ردود اخرى

السلام عليكم
والله فى شركة اسمها الاسراء دول ناس محترمين جدا
وعندهم تصاميم جميله جدا
المهندس المسئول اسمه الاستاذ مصطفى غريب السواح
تليفونه 25087305
0101916711
0181916711

شكرا للاهتمام بالرد
ياريت عنوانهم لو سمحت

اى مشاركة اخرى

عنوان الشركه
عمارة 4 اطلس - امام السوق القديم - المقطم
بس الصراحه مش عارف الفرع الاصلى بتاعهم فين
ت محل 25087305
0101916711
0181916711
هما ليهم ايميل بس مش مكتوب على الكارت
لو عديت عليهم هبقى اجيبهولك ان شاء الله

طيب معلش ممكن سؤال قد يكون بديهي لناس..
هو المطبخ ال"خشمنيوم" حاجة تانية غير المطبخ الألومنيوم اللي بتتكلموا عليه؟؟؟

ياريت حد يشرح لي لو في فرق بينهم

اقتباس:

---

المشاركة الأصلية كتبت بواسطة Goodle

طيب معلش ممكن سؤال قد يكون بديهي لناس..
هو المطبخ ال"خشمنيوم" حاجة تانية غير المطبخ الألومنيوم اللي بتتكلموا عليه؟؟؟

ياريت حد يشرح لي لو في فرق بينهم

---

لا هو نفسه الالمونيوم لكن مادة الفيبر المستخدمة بتكون شبيهة بالخشب في رسمتها
والمطابخ الالمونيوم الحديثة بتكون الاطارات بس المونيوم والحشو مادة الفيبر
لان قبل كدة كنت بشوف مطابخ كلها المونيوم
طبعا الحديث اجمل والفنش بتاعه احسن بكتير