استفسار بخصوص البوجيه الرفيع للانوس

عرض للطباعة

15-01-2009, 04:55 PM
maged

استفسار بخصوص البوجيه الرفيع للانوس

الميكنيكى ركبلى اربع بوجيهات njk الطقم الرفيع اللى بيبقى كل بوجيه فى علبه لوحده وقالى ان النوع ده الكترونى ولاحظت بعد استخدام العربيه ما يلى
ان السحب اصبح ممتاز جدا
ان استهلاك البنزين زاد بدرجه ملحوظه ولسه هتأكد
وكنت عند نافع بتاع قطع الغيار والبائع عنده بسأله على البوجيهات الرفيعه للانوس قالى غلط على وش السلندر
وبتحرق بنزين جامد وتعمل مشاكل للانجكشن ولو كان الخواجه عايز ينزلها ببوجيهات الكتونى او رفيعه كان نزلها
دلوقتى سؤالى ليكم هل فعلا فى ضرر من استخدام البوجيهات دى
مش هاين عليا ارميهم واجيب العادى لان سحبهم حلو
لكن لو كان فى خطوره اكيد هجيب العادى
15-01-2009, 05:12 PM
maged

على فكره البوجيهات واحد شمعه فقط
15-01-2009, 05:41 PM
samirayad

شوف يا أخى ...البوجيهات ببساطة شديدة وظيفتها ...توليد الشرارة اللازمة لاحتراق خليط الهواء والبنزين الموجود باسطوانات الحريق....واللى بيتحكم فى كمية البنزين هو وحدة التحكم الالكترونى....بناءا على الاشارات اللى واردة لها من الحساسات المختلفة..التى تتحكم فى عملية الحريق......وتقاس كفاءة البوجيهات ....بمدى سهولة الادارة للمحرك...واتتظام دورانة...وكذلك بمدى توفيرها للبنزين المستهلك....بمعنى أنة كلما كان استهلاك البزين فى الحدود الاّمنة بعد تغيير البوجيهات فهذا دليل على كفاءتها......من الاّخر شوف الاستهلاك بعد تغييرها وقارنة بالحالة السابقة.....
15-01-2009, 06:58 PM
shanodaa

طيب استهلاك البنزين عامل معاك ايه لو استهلاك طبيعي خليهم راكبين
وممكن حضرتك تحط المشكله في قسم الدايو والاستاذ محمد يرد عليك علشان هو خبير في الدايو
15-01-2009, 11:40 PM
maged

شكرا يا جماعه للاهتمام انا امبارح فولت بنزين وناوى امشى لحد 200 كم وسط البلد خلصت منهم 125 كم وباقى 75 كم وافول تانى واشوف اخدت كام شكرا
16-01-2009, 12:12 AM
samirayad

اقتباس:

المشاركة الأصلية كتبت بواسطة maged

شكرا يا جماعه للاهتمام انا امبارح فولت بنزين وناوى امشى لحد 200 كم وسط البلد خلصت منهم 125 كم وباقى 75 كم وافول تانى واشوف اخدت كام شكرا

برضة يا أخى مفيش حاجة اسمها البوجيهات من أى نوع غلط على وش السلندر ....دا كلام بياعين....لأن الحاجة الوحيدة اللى غلط على وش السلندر هو الارتفاع الزائد فى الحرارة....وطالما الحرارة فى الحدود الطبيعية يبقى مفيش خوف على وش السلندر
16-01-2009, 12:24 AM
eng_mkhalaf

يا جماعة الموضع ببساطة كالتالى -
البوجيهات الألكترونى دية أسم بيطلق على البوجيهات الأريديوم اللونج لايف وميزتها العمررررررررر الطويل بس مش حاجة تانية يعنى ممكن يديك لحد 100 إلف لو موتور العربية كويس
أنا عربيتى بينزل منها موديلين 1- 2000 أربعة سيلندر و 2500 6 سيلندر
الأربعة سيلندر بوجيهاتها العادية 3 شعلة لكن 6 سيلندر بوجيهات أريديم لونج لايف بتاعت ngk وأنا لما غيرتهم كانوا على 73 وخارجين كويسن بس أنا محبتش أطول عليهم أكتر من كدة
وللعلم البوجيهات دية غالية أنا جايب الواحد ب 35 ريال بعد الخصم يعنى حوالى 50 جنية مصرى وأكتر
**** موضوع الأريديم معمول علشان حاجة واحدة بس وهيا التلوث البيئى لأن تأكل الألكترود بطىء جدا عن الشمعات العادية وبكدة الأحتراق بيكون عالطول كامل يعنى بينفع البيئة وبيخلى أداء العربية كويس عالطول.
**** كل الأريديم شعلة واحدة
**** لو أنت قصدك على البوجيهات دية يبقى بكدة أنا وضحت ليك الصورة كاملة
ودة لينك البوجيه على الشركة الأم
http://www.ngksparkplugs.com/product...m.asp?mode=nml
16-01-2009, 08:34 PM
moby

البوجيه السن الرفيع فى اللانوس بتهرب كهرباء من ناحية سلك البوجيهات لأن الزنبة النحاس اللى بتركب فى سلك البوجيه رفيعة عن العادى وده بيخليها تهرب كهرباء من عند السلك..وهذا عن تجربة
16-01-2009, 11:36 PM
maged

شكرا للردودكم جميعا
البوجيهات اللى انا ركبتها مش الأريديم لانها مش غاليه بس هى مجرد سن رفيع
بالنسبه لتهريب الكهرباء انا فتحت الكبوت والسياره شغاله فى مكان مظلم مساءً لم ارى اى شرز او شراره تخرج من الاسلاك وكمان كلام الاستاذ ممدوح بيقول ان الزنبه النحاس اللى بتركب فى سن البوجيه ضيقه ومش واسعه ومش هتهرب كهرباء
17-01-2009, 08:38 AM
moby

اقتباس:

المشاركة الأصلية كتبت بواسطة maged

شكرا للردودكم جميعا
البوجيهات اللى انا ركبتها مش الأريديم لانها مش غاليه بس هى مجرد سن رفيع
بالنسبه لتهريب الكهرباء انا فتحت الكبوت والسياره شغاله فى مكان مظلم مساءً لم ارى اى شرز او شراره تخرج من الاسلاك وكمان كلام الاستاذ ممدوح بيقول ان الزنبه النحاس اللى بتركب فى سن البوجيه ضيقه ومش واسعه ومش هتهرب كهرباء

عزيزى
أنت لم ترى التهريب لأنه من الداخل لكن لو خلعت سلك البوجيه بعد فترة من الأستعمال ستجد الذنبة عليها كربون أسود دليل حدوث شرارة عند الزنبة لأن السلك واسع عليها وده بيأثر على البوبينة مع الوقت....
17-01-2009, 11:36 AM
maged

شكرا للاهتمام
ارجوا من الادارة نقل الموضوع الى قسم الدايو حتى يمكننى عرض المشكككككله هناء ربما نصل الى مدى صحة او خطا استخدام البوجيهات الرفيعه فى اللانوس وشكرا للادارة
17-01-2009, 10:40 PM
maged

انا فولت بنزين تانى النهارده وحسبت الاستهلاك لاقيت الصفيحه مشتنى 175 لتر فقط وسط البلد طبعا ده استهلاك عالى بسبب البوجيهات
لكن بسبب السحب الكويس ناوى اخليهم راكبين شويه وبعدين اغيرهم
وشكرا لكل من شارك فى الموضوع