-
فابيا - بونتو - 206
المقارنة بين
اسكودا فابيا مينى 1400 cc
فيات جراند بونتو 1400 cc
بيجو 206 سيدان 1400 cc
لو سمحتم نقارن من حيث كل حاجة لانهم فئة سعرية متقاربة او يمكن واحدة و دة الى محيرنى
بس اهم حاجة بالنسبة ليا انا عاوزة اعرف انهى احسن واحدة من حيث الاعتمادية للموتور و قوة الصاج و الطلاء بالاضافة الى الامااااااااااااااان دى حاجة مهمة و نوع الفرامل و جودة التقفيل.
وشكرااا جداااا لكل من سوف يشارك
-
-
اسكودا فابيا ميني او جراند بونتو
لكن البيجو لأ
بس علشان التوكيل و قطع الغيار اقولك خليكي في السكودا احسن خصوصا اني ركبتها و كانت حلوة فعلا
-
طيب ازا غيرنا المقارنة و خليناها بين السكودا فابيا و الجراند بونتو وشيلنا البيجو 206 كدة تبقى فى صالح مين الموتور الالمانى ولا الموتور الايطالى .؟؟؟؟؟!!!!!!!!!!!!!!!!
حيرانة جداااا و انهى تقفيل وانهى امان وكل حاجة
-
اقولك اركبي الاتنين و شوقي انتي مرتاحة لمين اكتر
و اعملي صلاة استخارة
لو فيه فرق حتبقى حاجات بسيطة و مش حترجح كفة واحدة عن التانية
بس للامانة الجراند بونتو من جوا احلى من السكودا فابيا ميني
بس لو انا جبت هجيب السكودا علشان انا بحس بامان في الماركة ديه
انا عندي سكودا فيفوريت و سكودا اوكتافيا A5
وباذن الله لما الاسعار تنزل علشان حملة خليها تصدي
هجيب السكودا فابيا ميني بس ال1600
-
انا بصيت دلوقتي
لقيت الجراند بونتو واخده خمس نجوم في اختبار الامان الفابيا واخدة اربعة مش حاجة يعني
توكيل السكودا افضل من الفيات
توافر قطع غيار السكودا افضل من الفيات
سعر اعادة البيع للسكودا افضل
الخامات المستخدمة للجراند بونتو في الداخل افضل
الشكل انا في رايي الاتنين حلوين
الاعتمادية الاتنين برضه جامدين
بس اللي انا متاكد منه ان لو ميكانيكي نضيف ممكن يشتغل فيالفابيا
اما الجراند بونتو الله اعلم
لو في اي استفسار انا في الخدمة
ححاول اعمل مقارنة منهم شاملة بليل باذن الله لاني خارج دلوقتي
واكيد فيه اعضاء تانية حيحاولوا يفيدوكي
وشكرا
-
الجراند بونتو و الفابيا
شيلى البيجو خاااالص من حساباتك(ماتور ضعيف-شكل قديم)
اعتقد شكل الفيات احلى ورياضى اكتر
السعر فى صالح الفيات
الفابيا افضل فى حاله انها فول اوبشن
-
مرسى جداااا على الردود بس هوا نوعالفرامل المستخدمة فى الاتنين ايه Abs And Ebd ؟؟؟
بس محتاجة ردود اكتر علشان اعرف اقرررر
و هل فعلا الفابيا مواتيرفولكس و يهما توفيرا للبنزين
-
-
الاتنين لا يعلى عليهم
و الاتنين فرامل abs و عوامل الامان عالية جدا فيهم
الجراند بونتو طيارة عربية بتجرى بشكل رهيب
سيبك من اللى يقول موتور ضعيف انا العربية مع صاحبى و جاب بيها 180 مكنتش مصدق
غير انها ستابل جدا
طبعا الفابيا امكانياتها اعلى فيها حاجات مش موجودة فى الفيات زى التكيف الـ بيخلى نص العربية بارد و النص التانى سخن و موتور فلوكس فاجن
الاتنين اروع من بعض
و السعر واحد! يعنى اى واحدة هتشتريها منهم هتكون ممتازة
عن نفسى لو اشتريت هشترى الفابيا لان الهورس باور اعلى 86 و البونتو 77 مش فارق كبير بس هيفرق معاى :)
Content Relevant URLs by
vBSEO 3.6.0 PL2