عاوز القول الفصل في زيت العربية

**saidbakr** · 15-01-2009 05:23 PM

انا عندي عربية شاهين موديل 97 و عندي و هي زيرو، و دايما باستخدم زيت إسو إكسترا و من سنة 97 لغاية دلوقتي و انا في الغالب بغير الزيت على 2500 او حتى 3000 و ساعات قليلة قوي بيوصل 4000 كم. سمعت من حوالي اسبوعين واحد بيقولي ده ما ينفعش خالص، لأن إسو إكسترا آخره 1000 كم و بس.

لكن يا جماعة انا بقالي أكثر من 10 سنين ماشي على النظام ده و لا الماكنة فوتت و لا حاجة و الأكتر من كدة إن ساعات كمان ما كونيش بغير الفلتر الا كل حين ومين (مرة قعد الفلتر حوالي 4 سنين ما تغيرش يعني من 97 لغاية 2001 لما غيرته أول مرة)

العربية لغاية دلوقتي عاملة 136 الف كيلو و في شهر نوفمبر 2008 اللي فاتت كان عمرها معايا 11 سنة بالتمام. و العربية 1400 سي سي.

بناء على ده كنت عاوز أعرف الرأي الفني الصواب في موضوع الزيت ده، لأني بصراحة حكاية الكيلومتر بتاعت تغيير الزيت دي انا موش شايفها منطقية لو بصينا عليها لوحدها من غير أي عوامل تانية.

**shanodaa** · 15-01-2009 07:02 PM

طيب 4000 كيلو بتعمله في اد ايه

**saidbakr** · 16-01-2009 12:18 AM

المشاركة الأصلية كتبت بواسطة shanodaa

طيب 4000 كيلو بتعمله في اد ايه

ممكن أعملهم في 3 شهور او شهرين و نص على حسب.

**ahmed1981** · 16-01-2009 10:06 AM

المشاركة الأصلية كتبت بواسطة saidbakr

بناء على ده كنت عاوز أعرف الرأي الفني الصواب في موضوع الزيت ده، لأني بصراحة حكاية الكيلومتر بتاعت تغيير الزيت دي انا موش شايفها منطقية لو بصينا عليها لوحدها من غير أي عوامل تانية.

وأنا معاك في هذا الكلام
تغيير الزيت يكون في حال إنك كشفت على لزوجته وطلع مستهلك
ممكن بعد 1000 كلم وممكن بعد 4000 كلم
المهم نبص على الزيت لو محتاج تغيير نغيره

لكن المشكلة إن مش كل واحد عنده القدرة على إنه يبص على الزيت ويحكم بجودته أو بحاجته للتغيير
لذلك ليكون الناس في دائرة الأمان بينصحوا بتغييره على فترات أقل
فلو إنت عندك فكرة كويسة وتقدر تحكم على الزيت من خلال وضع نقطة منه بين إصبعيك فهذا هو الصحيح
لكن لو الواحد معندوش فكرة يبقى يخللي نفسه في الأمان ويغير على مراحل قصيرة