الموضوع: ما هى السرعة القصوى لنوبيرا والانوس؟

واحد بعربية بي ام الفئة الخامسة الجديدة استفزني علي طريق مصر اسكندرية وراح معدي جنبي زي السهم ، حسيت ان كرامتي اتبعترت وقلت ازاي بي ام تسبق نوبيرا 2008 ؟؟؟؟، دا ظلم وقله احترام وقلت في نفسي لازم اعرفه مقامة
عنها ورحت مسقط تالت ومعديه عند 170 وساعتها كنت مبسوط اوي وما كنتش عارف انا باطنطط من الفرحة ولا من المطبات، بس هوا سخن زيادة وراح طاير وكانه كان علي التاني مثلا

وعنها وانا وراه لحد 200 كلم وبعدين قلت كفايه كده حرام اعقده في عيشته واوريله مقامه لحسن يتعقد ولا حاجة وتركته يختفي كالسراب في الافق البعيد تاركا بداخلي شعورا بال 128 المعدل ام سبويلر وجنوط استانلس