تركيب العمود المتحرك للدريكسيون في اللانوس
أمبارح كنت في القاهرة لعمل بعض الاعمال وبعد ما انتهيت منها قولت لما أنزل مدينة الحرفيين أشوفها لأني كنت عمري ما رحتها المهم أنبهرت بها وبالورش والمحلات ال بتبيع الاستيراد حاجة عظيمة جدا وقررت أني أسأل علي طارة الدريكسون المتحركة لان عربيتي لانوس2 هاف اوبشن لقيت واحد أسمه ايمن الجعفري أعطاني أقل سعر وهو350جم للطارة كاملة وللعمود المتحرك فقط 180جم ووافق أنه يعطيني العمود بالفبرة بتاعته بعكس باقي المحلات ال أعطتني أسعار من400الي500جم المهم جاب طارة دريكسيون للانوس ال فابريكة1600c.c وفكها ولقينا فيها أيرباج وكانت طالعة من عيني الطارة الصراحة بس انا مش عايز أغير في شكل العربية وبعدين أنا طارتي ومفاتيحي جديدة المهم خليته يركبهالي في العربية والنتيجة رأئعة وروحت رايح لاضبط الزوايا لأطمئن وكله بقي تمام