ارجو الافاده ايهما افضل وايه اخبار قطع الغيار من حيث سعرها وي وجودها عند غير التوكيل خصوصا المازدا علشان انا قلقان من الموضوع ده مع انها عربيه عجباني جدا
عرض للطباعة
ارجو الافاده ايهما افضل وايه اخبار قطع الغيار من حيث سعرها وي وجودها عند غير التوكيل خصوصا المازدا علشان انا قلقان من الموضوع ده مع انها عربيه عجباني جدا
أولا فرق السعر بينهم مش قليل الا لو كنت بتتكلم عن لانسر 2008
مازدا احسنهم اداءا و اكثرهم شياكة (فى رأيي)
لكن اسوأهم فى قطع الغيار و الصيانة (من حيث الفلوس يعنى) و مضطر تلتزم بالتوكيل
لانسر الأفضل فى القيمة مقابل السعر + قطع الغيار و الصيانة
كورولا أحسن توكيل فى ال3
من الاخر
لو فرق السعر و تكاليف الصانة فى التوكيل و كمان سعر اعادة البيع مش فارق معاك يبقى مازدا
لو عايز أحسن قيمة يبقى لانسر
لو مش عاجباك لانسر يبقى كورولا
طبعا المازدا أحسن في الأداء بكثير من اللانسر و الكورولا أما عن قطع الغيار رغم أرتفاع أسعارها و لكن معمرة جدا عن الآخرين و لو تحسبها حتلاقي إنك بتوفر سعر المصنعية لأن مثلا تيل الفرامل بيتغير علي 80 ألف تقريبا شوف حتكون غيرت تيل الفرامل في اللانسر حوالي مرتين أنا غيرت للانسر علي 35 ألف أما بالنسبة للتوكيل و الصيانة أنا معنديش معلومات عنها لأني عارف إن غبور هو الوكيل الرسمي و لكني لم أجد أي مازدا في صيانة أبو رواش
لو اداء عالي يهمك مازدا
لو عمر افتراضي وبرستيج واعادة بيع عالية وقطع غيار متوفرة كرولا
لو هاماك ياباني وكماليات كتير واعادة بيع كويس وتمن رخيص كتير بس ام انتشار يبقي لانسر
اقتباس:
لو اداء عالي يهمك مازدا
لو عمر افتراضي وبرستيج واعادة بيع عالية وقطع غيار متوفرة كرولا
لو هاماك ياباني وكماليات كتير واعادة بيع كويس وتمن رخيص كتير بس ام انتشار يبقي لانسر
بالظبط زي ما كريم قال لأن كل واحده بتتميز عن التانيه بشئ غير الأخرى
والمقارنة بينهم ترجع لأحتياجاتك زي ما كريم ذكرها كده بالظبط
الاخ كيوبيد اهلا بيك :)
انا علي فكره رديت عليك علي نفس السؤال في منتدي التويوتا و ادخل علي اللينك دا و شوف يمكن كلامي يفيدك :wink: :wink: :wink: :wink: :wink: :wink: :wink: :wink: :wink:
http://www.nilemotors.net/Forum/view...ghlight=#53045
انا مش ببيع انا لو فكرت في البيع مش قبل 10 سنين بس انتو ايه رايكو في التوكيل بتاع مازدا سواء سونيستا او اي كان لو حد اتعامل معاه واسعار قطع الغيار ايه بنسبه كام لي كام معي الانسر او الكورولا
متفق معاك تماما فى الرد دا + الثلاث عريبيات عمرهم الإفتراضى عالىاقتباس:
المشاركة الأصلية كتبت بواسطة karim_monir
بس لو حضرتك فعلا مش ناوى تبيع غير بعد 10 سنين يبقى رأى الشخصى لو فى مكانك حاجيب المازدا طبعا