تجربتى مع الكاوتش

**أشرف فتحى** · 15-01-2009 09:01 PM

السلام عليكم .....حبيت بس اقول للى ناى يشترى كاوتش جديد انا لفيت كتييييييييييييييييييييييي ير جدا جدا واخدت راى ناس كتير جدا قبل ما اشترى وقريت كل حاجه تقريبا اتكتبت عن الموضوع ده وده بس يا جماعه لانى هاغير 4 فرد مره واحده يعنى حوالى الف جنيه مره واحده ده غير ان بياع الكاوتش مش صريح وعاوز يبيع اللى عنده والباقى يبقى اى كلام انا معايا فيرنا وكان فيها كاوتش لاسا تركى وبصراحه كان هايل جدا وبدلته ب جود يير بولندى وهى برضه ممتازه ولكن يعيبها انها ناشفه شويه وبالتالى غير مريحه فنصيحتى للى هايغير يجيب كاوتش طرى على قد ما يقدر

**Nile_Storm** · 15-01-2009 09:22 PM

شكرا جزيلا اخي علي تجربتك و اتفق معاك و اعتقد ان انسب نوع للفيرنا من كلام بعض الفيرناويه هو الكومهو

**Dr_Smart** · 15-01-2009 10:55 PM

وعليكم السلام ورحمة الله

بس حضرتك ماذكرتش ايه اللي خلاك تختار الجوديير البولندي بعد كل اللفه دي ؟

واخبار الاسعار كان ايه ؟

والف مبروك

**أشرف فتحى** · 17-01-2009 08:46 PM

والله يا اخ احمد لاقيت انه ماركه محترمه وبتنزل مع ماركات جامده زى الشروكى وفى اغلب معدات النقل الثقيل غير انها من اكبر الشركات الامريكيه فى المجال ده الى جانب ان الكل اكد انها بتعيش فترات طويله
وعلى فكره هى مش ارخص ماركه لان الفرده الواحده ب 250 جنيه بعد 265 والميشلان التايلاندى ب 310 والبردج ستون ب 360 يابانى والماكسس من 215 الى 250 والهانكوك ب260 والكومهو ب250 والبريللى ب245 تركى والدانلوب والفولدا ب245 اندونيسى والgt ب255

**memo.memo** · 18-01-2009 01:57 AM

السلام عليكم ممكن اسال حضرتك على المقاس اللى حضرتك جبته وشكرا

**AHMEDCAR** · 18-01-2009 12:03 PM

المشاركة الأصلية كتبت بواسطة Nile_Storm

شكرا جزيلا اخي علي تجربتك و اتفق معاك و اعتقد ان انسب نوع للفيرنا من كلام بعض الفيرناويه هو الكومهو

+11111111111
او اى نوع كاوتش كورى يكون طرى

**AHMEDCAR** · 18-01-2009 12:04 PM

المشاركة الأصلية كتبت بواسطة memo.memo

السلام عليكم ممكن اسال حضرتك على المقاس اللى حضرتك جبته وشكرا

الفيرنا لو الجنط 13 بيكون المقاش 175/70

و لو 14 بيكون 185/60

**ehabradwan** · 18-01-2009 12:06 PM

كلام سليم انا جبت الكومهو وهو فعلا طري و مناسب جدا

**أشرف فتحى** · 19-01-2009 12:31 AM

على فكره يا جمتعه الخير انا حصل معايا التالى بعد ما خلاص قلت ان الكاوتش ده طبيعته كده (الجود يير يعنى ) حسيت ان السحب بتاع العربيه مش عاجبنى وانها مش مضبوطه لكن ولانى كنت حاطط نيتروجين فى الكاوتش مارضيتش ازود ولا انقص هوا وفى النهايه رحت اضبط هوا لقيت ان بتاع النيتروجين ضابط على 26 تصوروا وطبعا اختلف الحال وبقى عال العال والحمد لله