الموضوع: خش شوف سعر الالنترا بتاع النهاردة

المصرى هتغلى!
والله يا ايمن باشا الواحد مش عارف يعمل ايه
الواحد كان فاكر ان سعر العربية نزل عشان قلة البيع
لكن واضح ان السبب انها موديل 2008 وبيحاولو يخلصو الخزين اللى عندهم
يلا وكمان الحملة بتاعت خيلها تصدى مش جايبة هماها
انا كان حلمى اجيب قريبا النترا اتوماتيك اول فئة خليجى
بس واضح انو هيتأجل شوية

خلوها تصدي وموديلها يعدي

المشاركة الأصلية كتبت بواسطة mahmoudzaied

انا من نص ساعة اتصلت بمعرض عندنا فى بنها
شغال فى انواع كتير من العربيات منهم مصرى وفيه خليجى وفى الاتنين
على فكرة المعرض ده انا مشترى منو اللانسر بتاعتى الخليجى
المهم سألتو على سعر الالنترا
قالى
1- مانيول (مصرى ) ب 96 الف
(جميع الكماليات + ضمان - سى دى) طبعا من غير فتحة وجنط وكمان (موديل 2008 )
2- مانيول (خليجى) ب 101 الف
(جميع الكماليات + سى دى الاصلى مالى الفتحة كلها) من غير ضمان ولا جنط ولا فتحة سقف ( بس موديل 2009)
3- اتوماتيك (مصرى ) ب 103.5 الف
(جميع الكماليات + ضمان + سى دى) زى المانيول
فى الكماليات وكمان (موديل 2008)
4- اتوماتيك (خليجى) ب 111 الف (دى بقى اللى تحفة
(جميع الكماليات + جنط + فتحة سقف + سى دى الاصلى ) من غير ضمان (موديل 2009)
وفيه حوار دا بينى وبينو كالاتى:
قلتلوهوا ليه الخليجى اغلى من المصرى رغم ان المصرى بضمان
قالى الخليجى الاوبشنز بتاعتو اعلى وكمان موديل 2009
قلتلو على كدة بقى المصرى لما ينزل 2009 هيبقى اغلى من كدة
قالو الله مش عارف بس التوكيل منزلش 2009 لحد دلوقتى عشان ظروف قلة البيع وكمان عشان يخلص الخزين القديم
وقلتلو تتوقع تغلى قالى احتمال تبقى فى رنج 92 لحد 98 الف
قلتلو دا رنج كبير اوى
ضحك وقالى انت مستعجل على ايه كلها شهر ولا حاجة وينزل 2009 وساعتها تعرف السعر وبعدين عندك الخليجى احسن بكتير من المصرى لكن لو عربية تانية زى الاوكتافيا هقولك خد المصرى ومتخدش الخليجى
قلتو الاوكتافيا مش موضوعنا وخلص الكلام وقفلت
بس بصراحة انا مش متفائل بكلام الراجل وحاسس ان موديل 2009 المصرى ممكن يكون اغلى
عموما انا قلت اوصل اللى اعرفو
واسف جدا جدا على التطويل

السلام عليكم
ممكن اعرف المعرض ده بيبع تقسيط او لا
وهل بيبيع فيرنا؟

يا اخواننا انا وصلت لسعر 102500 جنيه للاوتوماتيك فهل ده سعر كويس وللا فى اقل من كده ؟