محتاج المساعده من فضلكم بخصوص النوبيرا

**ramylanos** · 16-01-2009 04:55 AM

بلاش نوبيرا اوتوماتك كانت مع واحد صحبي وبهدلته اخر بهدله قدام عيني

**samirayad** · 16-01-2009 07:49 AM

المشاركة الأصلية كتبت بواسطة goofy_in_love

موديل 2002 و عامله 90 الف كم كامله اوتوماتيك فابريكه من الداخل و السقف و الشنطه و الكبوت فابريكه و راشه الجنبين نضافه " زي ما بيقول صاحبها " هوا بيقولي حالتها ممتازه و طالب فيها 47500 و طبعا هيبقي في كلام تاني يعني لما اشوفها بس انتوا ايه رايكم في موضوع الاوتوماتيك دا بجد انا خايف قوي منه

شوف....أنا شايف ان المواصفات كويسة والسعر برضة كويس(ويمكن يكون قليل عليها)....بس أنا حاسس(دا مجرد احساس)...حتلاقى العربية صاحبها شاب صغير وعلى طول شغال الله ينور نظام ...كيك داون.....لو كان بالطريقة دى ...العربية حتلاقى فيها فتيس والسعر اللى أنا شايفة قليل دة على أساس انك حتنزل منة لسة....ماهو الا سحب رجل......وفى الحالة دى أنا بقولك ابعد عن حيحه(على رأى عادل امام).....بس لو كان صاحب العربية الآن راجل عاقل ومالوش فى نظام الكيك داون وخلافة وأنت عارف سلوكة فى القيادة ..ممكن هنا تفكر فى العربيةعلشان كدة يا أخوانا أنا دايما أقول لأصدقائى والمعارف بأن دراسة السلوك والأمانة وطريقة المحافظة على السيارة عامل مهم جدا جدا....عند عقدك العزم على شراء سيارة مستعملة بوجة عام.......ناهيك عن الحالة الفنية للسيارة....لأنة ببساطة شديدة الواحد مش حيدفع الشىء الفلانى فى شراء سيارة والاّخر يقوم يلف بيها على الصنايعية ويدوووووووووووووووخ بيها......ياريت تكون الصورة واضحة دلوقتى.....تحياتى

**goofy_in_love** · 16-01-2009 08:29 AM

هيا الصوره واضحه و كل حاجه بس الراجل ببساطه مش شاب هوا تقريبا 36 سنه او اكتر شويه و هوا شخصيه محترمه و مهندس في مكان معروف جداااا و حاجات تبع الوزراء و كدا اكتر من كدا انا معرفش لاني مش صاحبي و لا جاري يعني فانتم تنصحوني بايه ؟

**samirayad** · 16-01-2009 08:38 AM

المشاركة الأصلية كتبت بواسطة goofy_in_love

هيا الصوره واضحه و كل حاجه بس الراجل ببساطه مش شاب هوا تقريبا 36 سنه او اكتر شويه و هوا شخصيه محترمه و مهندس في مكان معروف جداااا و حاجات تبع الوزراء و كدا اكتر من كدا انا معرفش لاني مش صاحبي و لا جاري يعني فانتم تنصحوني بايه ؟

روح يا أخى شوف العربية....وارفعها اللاطمئنان على الأساسات....وجربها فى الدورانات لأختبار الكبالن واختبر التوجية بتاع العربية.....وخد معاك ميكانيكى كويس وابن حلال من طرفك واديلة مبلغ كويس ..علشان لو فيها حاجة يقولك عليها....ولك القرار بعد ذلك.....وجرب السحب زى ماقولت لك من قبل

**ahmad--ezzat** · 16-01-2009 08:54 AM

لالالالا بلاش النوبيرا الاتوماتيك
ياراجل دى لو زيرو الواحد بيتردد
بلاشششششششششششششششششششششش شششش
ابعد عن حيحااااااااااا على راى العضو samirayad ههههه

**samirayad** · 16-01-2009 09:49 AM

المشاركة الأصلية كتبت بواسطة Ahmed20_08nubira

لالالالا بلاش النوبيرا الاتوماتيك
ياراجل دى لو زيرو الواحد بيتردد
بلاشششششششششششششششششششششش شششش
ابعد عن حيحااااااااااا على راى العضو samirayad ههههه

أعمل اية .....أنا شايف الأخ/ميال للعربية.....ومفيش مانع من الكشف والتروى قبل أخذ القرار

**goofy_in_love** · 16-01-2009 09:58 AM

بجد انتوا خلتوني اتردد جامد قوووووووووووووووي

**goofy_in_love** · 16-01-2009 10:05 AM

طيب ممكن حضرتك تقولي المشاكل اللي ممكن تكون بتحصل في الفتيس بتاعها ؟ لو عندك علم بيها يعني ؟ و الا هوا مجرد السمع و شكراااا

**samirayad** · 16-01-2009 10:12 AM

المشاركة الأصلية كتبت بواسطة goofy_in_love

طيب ممكن حضرتك تقولي المشاكل اللي ممكن تكون بتحصل في الفتيس بتاعها ؟ لو عندك علم بيها يعني ؟ و الا هوا مجرد السمع و شكراااا

ممكن قبل الشراء ...تتفق مع البائع وتروح تعمل كشف على منظومة المحرك والفتيس بجهاز تحيد الأعطال(Scanner(.....علشان تبقى مطمن قبل الشراء......وعموما عليك بدعاء الاستخارة