ممكن اعرف منكم ايه الافضل من حيث كل شئ البونتو ام السينا ولو حد يقدر يقارلنا بين الاتنين يبقى الف شكر ليه
عرض للطباعة
ممكن اعرف منكم ايه الافضل من حيث كل شئ البونتو ام السينا ولو حد يقدر يقارلنا بين الاتنين يبقى الف شكر ليه
شكلا البونتو احلى كتير طبعا بس شبابى و مش بتاعة عائله
البونتو احلي بكتير بجد بس دا يتوقف علي احتياجاتك ليها لو عايز عربيه شبابيه او عائليه ؟
يا باشا انت بتتكلم ف اية طبعا البونتو سوا كانت شبابية او لاسرةفهي مناسبة جدا ويكفي انها ايطالي وليست برازيلي ك السيينا وبعدين السينا ضيقة مش واسعة والله المستعان وربنا يوفقك:satelite:
البونتو افضل وشبابية اكتر
مشكورين جدا يا شباب بس انا اعرف انى السينا 2001 ايطالى وكمان فى عيب مخوفنى فى البونتو حكاية انها 64 حصان وانها مبتسحبش بعد 100 تجميعها بطئ لو ممكن حد منكم يقدر بفهمنى
خد بالك الأتنين تحفة بس لو السيينا 1600 يبقي قطع غيارها نااار
أما البونتو قطع غيارها حنيينه تقريبا قطع غيارها نص السيينا
وشكرا
طب محدش يعرف قطع غيار البونتو والسينا
السلام عليكم
أنا ممكن أأقولك علي البونتو علشان عندي
مثلا الفانوس الأمامي 300
الديسك والأسطوانة 550
طقم بوجيهات بالسلوك بتاعته 180
أكصدام امامي 400 وممكن تجيبة أستعمال نضيف من الوكاله أرخص من كدة بالنص تقريبا (أنت وشطارتك)
تيل فرامل أمامي وخلفي 220
وعلي العموم حضرتك ممكن تتصل بالكيلاني وهو هايفيدك بكل حاجة
ودة رقمة 25758439 أو 25799069
وربنا يوفقك بس برضة لو هتختار سيينا يبقي خليك في ال 1400 cc لأن قطع غيارها أرخص من ال 1600
والسلام عليكم
مشكور يا امان طب ممكن اعرف البونتو عمله معاك ايه وايه اخبار سحبها وتكيفها وثباتها يعنى كويسه وواسعه من جوه قولى كده ايه اخبارها معاك
السيينا عربية ممتازة برضه انا مجرب 1400 و ماشاء الله جميلة جدا
طب متعرفش تكيف السينا عامل ايه وقطع غيارها ايه نظامه
السلام عليكم
الأستاذ الفاضل ahmed1_com البونتو دي من العربيات الرائعه من كلام ده عن تجربة بالنسبة للسحب ممتاز بسم الله ما شاء الله وبالنسبة إن كانت واسعه فأنا شايفها كويسة بس ملحوظه أن تلاته في الكنبة كتير علي العربية وخصوصا لو كانو من الوزن التقيل
علي فكرة العربية اللي معايا موديل 2000 وأنا كنت لسه شاريها بقالي 3 شهور بس بفضل الله جميله جدا ومتنساش بالنسبه انك لو هتسافر مع الأسرة مصيف مثلا فالشنطه بتاعتها مش هاتسعفك
قطع غيارها رخيصة نسبيا بالنسبه لمثيلاتها من السيارات
وأنا بتعامل مع ميكانيكي أستاذ متخصص في الفيات والألفا روميو
بس قبل ما تشتري شوف حاله الموتور ودي أهم حاجة
وعلي فكرة معظم البونتو هتلاقيها مرشوشة وده نظرا لأن معظم اللي بيسقوها ستات :funny34d:
ولو أحتجت أي حاجة أنا تحت أمرك يا باشا
ربنا يوفقك بس انا بحب البونتو طبعا اكتر شكلها اجمل
مشكورين يا شباب بس انا كنت عايز منك يا استاذ SmartMega
كنت جايب عربيتك بكام وهل ممكن البونتو تمشى ببنزين 80 ولا لا وايه اخبارها فى استهلاك البنزين
أنا كنت جايبها ب 40الف
ومش ممكن تمشي ببنزين 80 طبعا لأن كله شوائب وقرف وده بيأثر علي سحب العربيه وهايخليها مخنوقة
وبالنسبة لأستهلاك البنزين موفرة جدا والحمد لله وخلي باللك برضة أن رجليك إذا كانت تقبله أو خفيفة علي الدواسة فدة برضة ليه دور في معدل أستهلاك البنزين