يا جماعه انا محتار جدا يا ريت حد يجاوبنى على اسئلتي

اول حاجه انا عاوز اعرف هل السيارة اللى بتكون 1100 سي سي ما تنفعنيش وانا عاوز العربية عشان شغلي وانه فيه تعامل مع شركات وممكن يكون سفر مره كل اسبوع لاسكندرية مثلا كمثال مثلا ادامى زى العربية هيونداي اى 10 ناس بتخوفنى من ال 1100 بس مبدايا انا مش من هواة الجري على الطريق والكلام ده انا اخرى ممكن امشي على 110 كيلو بس انا عاوزها للمصلحة وسالت عن سعر العربية الكاملة 62000 الف فول اوبشن مع واحد اير باج
كنت سالت قبل كده قالو بي 67 الف بس سالت معرض تانى قالى 62000 ناشونال موتورز
هو كمان سعرها مناسب ليا بس هل ال 1100 ده ما يستحملش مثلا سفر مره كل اسبوع هل زى ما ناس بتقولى انه في الحر بيولع هل زى ما بيقولو ان العربية بيكون عمرها الافتراضي اقل وسيء في اعادة البيع ارجو افادتي لانه هيتوقف عليه حجات كتير

الماروتى ال800 سى سى ال3 سلندر بتسافر وبترجع وبتجرى وبتشد كمان.

ومفيش حاجة اسمها فى الحر بيولع يعنى التبريد فى المواتير الصغيرة وحش والمواتير الكبيرة كويس ؟؟؟ لا طبعا :36_7_4[1]:

وتقدر تدخل على منتدى هيونداى وتلقى نظرة

دة انت لو سافرت بال 128 كل يوم اسكندرية مش هتسخن

ازاي بقى عربية جديدة تسخن و بعدين و انت ماشي على الطريق السريع الهوا بيخبط قدام العربية بيسرع عملية التبريد

بس المشكلة ان التكييف في 1100 سي سي هيأثر على سحب العربية بس مش مهم عشان انت هتمشي على سرعة 100 و مش هتزيد و لا هتقل

ربنا يكرمكو يا جماعه على ردودكم الحلوه دى وكده ان شاء الله هستقر عليها العربية كعفشه ناعمه وتقفيلها جيد لانها تقفيل كوري حتى التكييف جيد وزى ما حضرتك قولت انا ما بجريش ولا بحب الجري

توكل على الله وصلى استخارة
بس فية اتنين ناشونال موتورز
واحد بيجيب عربيات خليجى و مش موزع (ش الطيران)
و واحد موزع اللى فى مكرم عبيد
هما كويسين و محترمين انا اشتريت فيرنا منهم

فعلا شريف هو اللى في مكرم عبيد اللى روحت ليه ربنا يخليك يا جميل على ردك

بص انا شايف بال62000 ممكن تزود الفين اوتلاتة وتشتري فيرنا موتور1600 وسحبها حلو وعائلية اوووووووي عكس i10
والرائ في الاول وفي الاخير ليك انت

النقطه اللي في ال1100 Cc ان سحب العربيه هايتئثر بالتكييف كتير فخلي بالك من النقطه ديه
الفيرنا ال1600 طبعاً احسن كتير لو ينفع تزود و تجبها