الموضوع: نعمل ايه عند استلام الزيرو من غبور؟

المشاركة الأصلية كتبت بواسطة mo7a_mo7a

الف الف مبروك
ويارب يديك خيرها وتامن شرها
طبعا الورق اهم حاجة عقد البيع وشهادة الجمارك
هي بصراحة ليها مسطلح بس انا مش فاكره حاجة زي شهادة الفراج المركي او مستند الافراج الجمركي
ومحضر استلام السيارة وانت بتكتب فيه اي ملاحظات انت شايفها او عيوب علشان يعملوهالك وان شاء الله ميكنش فيها عيوب

انا كان ليا سؤال يا ريت لو تجاوبني عليه
الخليجي الالنترا شفته بكام؟

الف شكر لحضرتك ولزوقك (واسف على التأخير)
موضوع سعر الخليجى موجود هنا
http://www.nilemotors.net/Nile/showthread.php?t=55252

المشاركة الأصلية كتبت بواسطة Amrrr

ألف مبروك ياباشا ويكفيك شرها
اللي حصل معايا بالظبط :
رحت يوم ماقالولي العربية جت وتعالى استلمها بكرة - ودا بعد الميعاد اللي حددهولي ساعة الحجز يومين بس-
رحت في اليوم المطلوب ومعايا حاجات هما طلبوها مني اهمها كان بوليصة التأمين عشان القسط وحظر البيع وطبعا ورقك وبطاقتك ورخصتك
كان المفروض آخد العربية واروح بين السرايات عشان موضوع الافراج دا بس مارحتش بيها عشان بوليصة التأمين طلعت بموديل 2007 وهي كانت 2008 فطبعا رحت أعدل البوليصة ولما عرفوا في المعرض اني هروح وسط البلد عشان أعدل البوليصة وأحاول أجيبها في نفس اليوم قالولي خد ورق العربية وبالمرة وفر وقتك وخلص مرور بين السرايات وخد الافراج وتعال بكرة استلم واطلع رخص على طول وفعلا عملت كدة واستلمت تاني يوم ورخصت وخلصت على عشرة ونص الصبح الحمدلله الرخصة والنمر وكله
طبعا الحوار دا عشان القسط وحظر البيع يعني لو كاش او قسط من غير حظر بيع هتاخد عربيتك وتروح بين السرايات ومنه على المرور اللي انت تبعه وخلاص على كدة

على فكرة كل دا كان في غبور - عمارات العبور بس هو من سنة ونص كان غير مانت قلت خالص وكان كويس والله وزي الفل
وبرضة كنت بأسمع ناس داخلة تتخانق وتهلل بس ماليش دعوة لما بيطلبوا حاجة معينة بأعملها وهما التزموا معايا ما عدا ميعاد التسليم اتأخر يومين تلاتة على الميعاد المتفق عليه ساعة ما حجزت
ومرة تانية مبروك على العربية

الف شكر على الافاده الوافيه الجميله ديه بس هو لازم مشوار بين السرايات ده!!!!!

المشاركة الأصلية كتبت بواسطة tamer51177

ألف مبروك ياريس ، ربنا يباركلك فيها

الله يبارك فى حضرتك

المشاركة الأصلية كتبت بواسطة sahin_1996_133

ياباشا الف مبروك
ربنا يديك من خيرها ويبعد عنك شرها
المهم ياباشا انا زيك كده انا استلمت عربيتى يوم الحد الي فات من غبور ابو رواش بس انا اشترتها كاش وبصراحة الناس زي الفل هما الى كلمونى وقالولي تعالى استلم العربية على فكرة انا مدفعتش مقدم حجز قلت استنى المهم انا رحت دفعت الفلوس وقلولى لو عايز شهادة البايانات والإعتماد ادفع 50 جنيه واحنا هنخلصهملك وفعلا سلمونى بعد 3 ايام المبايعة وعليها الإعتماد وشهادة البيانات وصورة من الإفراج الجمركي وورقى خلصان بس انا لحد دلوقتى مرخستش ادعيلى

ربنا يباركلك يا باشا ,بس انا اللى حصل معاى لغايه دلوقتى مخوفنى قالولى العربيه موجوده منها 3 فى فروع مختلفه وحمسونى وبعت عربيتى بسرعه وكلمت استشارى المبيعات عشان أكد عليه فوجئت بيه تانى يوم يقولى انهم كلهم اتباعوا!!!
طب ليه ياعم ماحجزتليش واحده والا ال3 كانت اشتغاله!
المهم مفيش غير انى استنى لغايه 02/15
بس خايف يكون التوكيل مش صادق فى مواعيد التسليم!