نعمل ايه عند استلام الزيرو من غبور؟

**migomax** · 25-01-2009 08:43 PM

المشاركة الأصلية كتبت بواسطة MEMES

اسحب كلامى وأعتزر بس انا اتنرفزت شويه لانى فرحان بالعربيه لكن فى الاول و فى الاخر احنا كلنا اخوات واعت>ر كمان للمهندس فادى لانى فهمت منه الموضوع على الخاص وكل الحكايه سوء تفاهم.
مره أخرى اكرر اعتزارى للجميع عامه وللمهندس فادى خاصه .

أولا مبروك على العربية وربنا يبعد عنك مخاطر الطريق..

ثانيا انت الحقيقة كنت كريم جدا في أخلاقك وفي ردودك..

من حقك تزعل لأن كلمات الأخ فادي كانت ثقيلة حبتين حتى لو كانت هزار.. والحقيقة علشان احنا كلنا هنا أخوات وبيجمعنا مع بعض منتدى يعتبر أقوى منتدى عربي وكلنا فاخورين بيه..
فياريت الأخ العزيز فادي يوضح المقصود من رسالته للجميع..
علشان ما نعملش زي المثل اللي بيقول ضربني في شارع وصالحني في حارة..

**MEMES** · 25-01-2009 10:05 PM

المشاركة الأصلية كتبت بواسطة dogma

عموما مبروك على العربية

هيا الجيتز اختيار حلو بس متنفعش معايا عشان مش عائلية
بس ايه اخبار مركز الخدمة في السويس ممكن تعمل عنده كل انواع الصيانة بصراحة انا اكسل اروح مصر كل محب اعمل حاجة في العربية

اهلا بك تانى مره وبكل أهل السويس بلدياتى
هما فى المعرض طمنونى انى ممكن اعمل الصيانه فى مركز ابو غالى فى السويس (بالمدينه الصناعيه)بس معرفش حدودهم ايه فى الصيانه.
بس انا روحت وشوفت المركز بنفسى(كويس جدا

) وان شاء الله ربنا يوفقنا جميعا والف مبروك مقدما

بس حضرتك حجزتها لون ايه؟؟؟

**MEMES** · 25-01-2009 10:09 PM

المشاركة الأصلية كتبت بواسطة migomax

أولا مبروك على العربية وربنا يبعد عنك مخاطر الطريق..

ثانيا انت الحقيقة كنت كريم جدا في أخلاقك وفي ردودك..

من حقك تزعل لأن كلمات الأخ فادي كانت ثقيلة حبتين حتى لو كانت هزار.. والحقيقة علشان احنا كلنا هنا أخوات وبيجمعنا مع بعض منتدى يعتبر أقوى منتدى عربي وكلنا فاخورين بيه..
فياريت الأخ العزيز فادي يوضح المقصود من رسالته للجميع..
علشان ما نعملش زي المثل اللي بيقول ضربني في شارع وصالحني في حارة..

الله يبارك فى حضرتك وكلامك مالوش رد غير المثل
(من عاشر القوم) وانا بتعامل فى المنتدى مع احسن ناس والمنتدى بأعضائه (اللى زى حضرتك

) كسب احترامه وقيمته.

الف شكر لزوقك

**dogma** · 25-01-2009 10:50 PM

اهلا بيك
متشكر على ردك انا لسة محجزتش الاكسنت انا في مرحلة التردد اللي اكيد انتا عارفها
ادعيلي استقر على حاجة

**MEMES** · 25-01-2009 11:04 PM

انصحك اولا بصلاه الاستخاره
ثانيا اكتب الموضوع فى نقط وحدد احتياجاتك من العربيه وأسأل( بنفسك) عن أسعار قطع الغيار وأسئل اللى مجربين العربيه
وفالاول والاخر لازم انت تكون مقتنع بيها ماتجبهاش عشان اراء الناس .
وان شاء الله ربنا يوفقك.