السلام عليكم ورحمه الله وبركاته
يا جماعه انا الحمد لله روحت احجز جيتز من عند غبور عمارات العبور وبصراحه المقابله والموظفين والنظام اسوء من بعض (حاجه تكسف)الموظف بيتنك اوى كانى هاخد العربيه صدقه المهم لسه بطلع فلوس الحجز دخلت واحده بتتخانئ لانها من الصبح بترخص العربيه اللى استلمتها من عندهم وطلع الورق ناقص حاجه كده اسمها ختم الاعتماد ولازم مش عارف تروح تتختم منين وحوار رخم!
انا سبت المعرض بادب وهربت وبعدين شفت فى البورشور عنوان فرع تانى عند نادى هليوبليس وده قريب منى لانى من السويس وبصراحه فرق كبير جدااااااااا بين الفرعين من المقابله والادب والساقع والسخن والحمد لله حجزت وان شاء الله استلم من عندهم زى ما وعدونى.
السؤال هو اعمل ايه لما استلم ؟ بييجى ايه مع العربيه؟ واوراقها ايه؟
ياريت اصحاب الخبره الهيونداويه الجدعان يفيدونى.