انا لسه جديد في موضوع السواقة
وبتعلم على عربية مانويل وسعات اوتوماتيك
بس شايف انه في فرق شاسع في سهولة السواقة بينهم
وانا ناوي اشتري عربية ان شاء الله قريب
بس محتار هل اجيبها مانويل ولا اوتوماتيك
عرض للطباعة
انا لسه جديد في موضوع السواقة
وبتعلم على عربية مانويل وسعات اوتوماتيك
بس شايف انه في فرق شاسع في سهولة السواقة بينهم
وانا ناوي اشتري عربية ان شاء الله قريب
بس محتار هل اجيبها مانويل ولا اوتوماتيك
بص يا باشا
أنا لما جيت أجيب العربيه فضلت المانيوال و بس أحيانا بحس أني نفسي أكون جبت الأوتوماتك
فا أنا شخصيا بنصحك بالأوتوماتك
بس صحيح أنت بتفكر في عربيه إيه ( علشان أحيانا بتفرق يعني )
لو بتسوق كتير في وسط الزحمة و عايز تريح دماغك من النقل في الغيارات / هات أوتوماتيك
لو بتسوق في طرق مفتوحة كتيرة /لازم لازم لازم تجيب مانوال
لا يبقي في الحاله دي أنصحك بالمانيوال
انا واحد صاحبي معاه لانسر قديمه ( 2002 تقريبا ) كانت بتاعت والده و أوتوماتيك و مع ذلك السحب بتاعها وحش جدا جدا جدا يعني علي الرغم انها 1600 و انا عربيتي اللي هيا 1300 بتطلع منها من غير أي مجهود خالص من غير ما تحس أساسا و لو شديت جامد مش هتلحقني كمان
و لما سألته ليه قالي في مشكله في النقل أو حاجه كده
فأنا أنصحك بالمانيوال
انا شخصيا لحد دلوقت بافضل المانوال لانى من المدرسة القديمة بتاعة ان المانوال بيديك تحكم فى السيارة أكتر .... رغم ان دلوقت الاوتوماتيك تطور جدا جدا جدا
عامة المستقبل كله اتوماتيك
المانيول متعة القيادة
اللى عايش جوة القاهرة مافيش متعة
يبقى الراحة والسهولة الاتوماتيك
اوتوماتيك اريح
المانيوال افضل بالنسبة لقيادة السيارات وكلمة القيادة تحمل معاني كثيرة
لكن للاسف في مصر مفيش حاجةاسمها قيادة في حاجة اسمها زحمة وقرف وتمشي متر كل عشر دقايق ومحتار بين انك تفضل ع ااول وتعلق رجلك ع الدبرياش ولا تفضل كل شوية تنقل بين النقلة الاول والمور
انصحك بالاتوماتيك ..