بفكر اشتري ميجان ومحتاج شوية تشجيع :)

السلام عليكم
انا محتاج اجيب عربية ضروري لان شغلي بقي في القرية الذكية في الاول فكرت اجيب لانسر1600 علي اساس انها ارخص عربية ياباني ومنتشرة وكده بس سعر اول فئه فيها في الاتوماتيك وصل 114 الف!!!! فطبعا قرفت منها لانها من جوة مفهاش اي رفاهية او كماليات المهم بدات افكر طب ما ازود شوية واجيب رينو ميجان العربية اللي من اول يوم نزلت وشكلها عجبني مووت ومليانة كماليات بس بصراحة انا مقلق من شوية حاجات
1) موضوع الصاج الفيبر ده انا من قرايتي هنا فهمت انه ميزته انه بيمتص الصدمة ويبعدها عن باقي الاجزاء بس انا ليا سؤال يا تري في الاحتكاكات اليومية بتاعت شوارع المحروسة والخبطات الخفيفة (حد ريح علي العربية مثلا) هو احسن ولا الصاج العادي؟؟ وسهل يتكسر يعني ولا لا؟؟ وانهي اجزاء بالضبط في العربية اللي فيبر وسعرها غالي ولا لا؟
2) الاعتمادية الحمد لله طبعا بفضل الموقع ده في اشاعات كتيرة وضحت حقيقتها عن الميجان بس انا لسه برده حاسس من الكلام ان فيه حاجات كتيرة بتتغير في العربية ديه مع الوقت وانا في رايي اهم حاجة في عربية جديدة ان الواحد يقدر يعتمد عليها من غير ميبقي قلقان ان ممكن فجاة تعطل او حاجة تبوظ بسرعة فياتري ايه اخبار الاعتمادية بتاعت الميجان خصوصا لو حد بقالها معاه كذا سنة

معلش طولت عليكم بس موضوع اختيار العربية ده يجيب الجنان ونفسي انجز بقي :)
شكرا مقدما

اقتباس:

---

المشاركة الأصلية كتبت بواسطة heema78

السلام عليكم
انا محتاج اجيب عربية ضروري لان شغلي بقي في القرية الذكية في الاول فكرت اجيب لانسر1600 علي اساس انها ارخص عربية ياباني ومنتشرة وكده بس سعر اول فئه فيها في الاتوماتيك وصل 114 الف!!!! فطبعا قرفت منها لانها من جوة مفهاش اي رفاهية او كماليات المهم بدات افكر طب ما ازود شوية واجيب رينو ميجان العربية اللي من اول يوم نزلت وشكلها عجبني مووت ومليانة كماليات بس بصراحة انا مقلق من شوية حاجات
1) موضوع الصاج الفيبر ده انا من قرايتي هنا فهمت انه ميزته انه بيمتص الصدمة ويبعدها عن باقي الاجزاء بس انا ليا سؤال يا تري في الاحتكاكات اليومية بتاعت شوارع المحروسة والخبطات الخفيفة (حد ريح علي العربية مثلا) هو احسن ولا الصاج العادي؟؟ وسهل يتكسر يعني ولا لا؟؟ وانهي اجزاء بالضبط في العربية اللي فيبر وسعرها غالي ولا لا؟
2) الاعتمادية الحمد لله طبعا بفضل الموقع ده في اشاعات كتيرة وضحت حقيقتها عن الميجان بس انا لسه برده حاسس من الكلام ان فيه حاجات كتيرة بتتغير في العربية ديه مع الوقت وانا في رايي اهم حاجة في عربية جديدة ان الواحد يقدر يعتمد عليها من غير ميبقي قلقان ان ممكن فجاة تعطل او حاجة تبوظ بسرعة فياتري ايه اخبار الاعتمادية بتاعت الميجان خصوصا لو حد بقالها معاه كذا سنة

معلش طولت عليكم بس موضوع اختيار العربية ده يجيب الجنان ونفسي انجز بقي :)
شكرا مقدما

---

انا برده عايز حد يرد على الاسئلة دى تانى لانى بفكر اشتريها بس مش دلوقتى تضامنا مع الحملة :120146b
كلها 3 شهور او 4 بالكتير .
انا زيك قرفت من ال لانسر عربية 1300 سى سى ب 95 الف :36_6_3[1]:
وانتشار مريع :B4_237:
هصبر معاك واشوف الاجابات

حضرتك الميجان دى لازم تكون عايزها و حاببها علشان تقتنع بيها
و لاحظ إن سعر إعادة البيع واقع بالنسبة لحاجة زى الكورولا و اللانسر على وجه التحديد
بالنسبة للاعتمادية...تقصد بيها إيه ؟؟؟
هل خايف لا تعطل منك و انت ماشى على الصحراوى مثلا ؟؟؟
على فكرة...فيها كمبيوتر أعطال....فى بعض الأعطال اللى ممكن ينبهك ليها قبل ما تحصل....
زى لو درجة حرارة الفتيس ارتفعت لكستوى ينذر بالخطورة...بتكتب لك رسالة تحذير لتتجنب حدوث المشكلة قبل وقوعها....
أفتكر دى تكنولوجيا عالية قوى مش موجودة فى الفئة دى من العربيات و على الأقل لمن هن فى سنها...
بالنسبة للفيبر اللى مقلق منه هو فى الرفارف الأمامية فقط....ميزته فى الخبطات الخفيفة اللى الصاج بيترد على البارد فيها إنه لا يتأثر بها.....لكن الخبطات اللى بتحتاج سمكرة و دهان فهو بيتكسر و ثمنه 1350 جنيه....
نصيحة....أى عربية جديدة ميجان أو غيرها ضرورى تكون مأمن عليها تأمين شامل...بتبقى على الأقل مطمئن إن لو لا قدر الله حصل حاجة مش هتلاقى نفسك متورط فى موقف مش ظريف خصوصا إن أسعار القطع غالية أوى
و على كل لو كان العربية فيها مشكلة...فالوحوش هنا أجمد من أتخن technical support فى الدنيا
و التوكيل يعتبر من أحسن ...إن لم يكن الأفضل بين توكيلات هذه الفئة من السيارات
لو فيه استفسار عن حاجة معينة ....احنا هنا بنعتبر القسم زى البيت و كلنا اخوات....
حضرتك ممكن لمزيد من الإيضاحات تتابع المواضيع فى اللينك ده
http://www.nilemotors.net/Nile/showthread.php?t=53133

و أهم شىء الراحة النفسية و الاستخارة

بصوا يا شباب

الأجزاء الفيبر اللى فى العربية هى الأكصدامين والرفرفين الأماميين فقط
الفيبر فى المواقف العادية من وجهة نظرى أحسن.....ليه ؟؟؟؟
لأنه أكثر ليونة من الصاج وبالتالى بلغة السوق بياخد و يدى.....يعنى لو ترييحة أو حكة بيدخل معاهم لجوة وبيطلع تانى لبرة....و حصلت معايا 4 أو 5 مرات......وبنزل ملقيش حاجة أكتر من تجريح فى الدهان..............الحمد لله.
العربية لو حد منكم له نصيب أنه يجيبها أن شاء الله مش هيندم عليها.
مو 2005 كان فى بعض المشاكل أتحلت فى مو 2006 و أنت طالع.......وحتى مشاكل 2005 مكنتش بتبان فى كل العربيات.
وبعدين لو حد منكم أشتراها زيرو......معاه ضمان 3 سنين أو 100 ألف كم على العربية......والصيانة بتاعتها زى الفل وخدمة العملاء برضه.......بتكلمهم فى حالة أن عندك مشكلة....بيحولوك على مهندس مختص تحكيله المشكلة......لو العربية بتمشى ومفيش قلق هيقولك أعمل كذا مثلاً و تعالى على التوكيل.....لو عاوز حد يجييلك هيبعتولك حد برضه.....ده لو حصل حاجة أصلاً.

أنا عن نفسى حصل معايا فى 3 سنيين ونص موقفين الأتنين متعلقين بالمشاكل اللى كانت فى مو 2005.....والمرتين بيبعتولى حد بيحل المشكلة والعربية بتكون زى الفل بعد ساعة أو أقل من مكالمتى.

أستنوا ردود ناس تانية معاها مو 2006 أو 2007 أو 2008 ويقولولكم حصل معاهم أيه.

أنا كنت في نفس حيرة حضرتك و بعد فترة طويلة من البحث قررت إني أجيب العربية و دلوقت أنا بخلص في واحدة موديل 2006
أما بالنسبة لسؤال حضرتك عن حكاية الفيبر أحب أقول لحضرتك إن الرفارف الأمامية و الإكصدامات بس هي الفيبر و ده له ميزة رهيبة في الحوادث لا قدر الله و بخلاف ذلك بالنسبة للحكات العادية بتاعت وسط البلد و كده أحب أقوللك إنه أحسن من الصاج لإنه مرن مثلا الخبطة البسيطة اللي تخليك تروح تسمكر سمكرة بسيطة و ترش في حالة الرفرف الصاج في حالة الفيبر و لا حاجة أو بالكتير بعض الخدوش لكن مثلا الخبطة الجامدة اللي تبهدلك رفرف صاج هتكسر الفيبر بس ده في نقطتين إيجابيين:
1-الرفرف ب 300 - 450 جنيه بره التوكيل يعني لما تغيره هتفضل عربيتك زي الجديده بدل ماتجيب الرفرف الصاج المتبهدل و تنفخه من أول و جديد
2-الرفرف بيمتص الصدمة تماما و بيبعد الخبطة عن الباب و بكده الباب مش بيضر نهائي

ثانيا بالنسبة لسؤال حضرتك عن اعتمادية العربية فأحب أقول لحضرتك إن العربية قمة في الإعتمادية طول ما إنت محافظ على صيانة العربية كل 10000 كيلو في التوكيل ده غير إعتمادية التوكيل نفسه و خدمة ال hot line من التوكيل عشان الطوارئ
وربنا يوفقك لما فيه الخير يا رب و نشوفك من كبار وحوش الميجان قريبا

اقتباس:

---

المشاركة الأصلية كتبت بواسطة احمد عبدالله

ثانيا بالنسبة لسؤال حضرتك عن اعتمادية العربية فأحب أقول لحضرتك إن العربية قمة في الإعتمادية طول ما إنت محافظ على صيانة العربية كل 10000 كيلو في التوكيل ده غير إعتمادية التوكيل نفسه و خدمة ال hot line من التوكيل عشان الطوارئ
وربنا يوفقك لما فيه الخير يا رب و نشوفك من كبار وحوش الميجان قريبا

---

أحمد باشا إنت جبت من الاخر

و أنصحك تقرأ اللينك دا حتعرف كل حاجة عن الميجان

http://www.nilemotors.net/Nile/showthread.php?t=24062

اولا شكرا لكل الناس اللي ردت
بجد قسم الرينو هنا الناس الي فيه ذوق جدا وبحس فعلا انهم اخوات زي ما قال الاخ chato_eg وانا فعلا حابب الميجان جامد وبحب جدا التكنولوجيا الجديدة وموضوع الكمبيوتر اللي بيتفاعل مع سواق العربية لذيذ جدا وبصراحة حسيت باحساس مختلف لما دخلت قعدت في الميجان عن اي عربية تانية مش عارف ليه بالضبط

انا قصدي يالاعتمادية نسبة الاعطال بتاعتها (مع المحافظة علي الصيانة طبعا) يعني الواحد لو عمل اللي عليه هل عمر الاجزاء المختلفة بتاعتها طويل زي مثلا الالماني والياباني وكده ولا اقل شوية(انا كنت برده بفكر في السيات الكوردوبا عشان اعتمادية الالماني العالية)
ومعلش كنت عاوز اسال برده علي التسارع بتاعها لاني بحب جدا الاحساس بتاع سحب العربية وبحب اسحب بيها جامد (لو الشارع يسمح طبعا) فايه اخبارع السحب في الميجان خصوصا لو حد يقدر يقارنه بالمازدا 3 او سيات كوردوبا
وربنا يكرم وانضم للوحوش قريب ان شاء الله :)

ما تقلقش من موضوع الأعطال ده خالص....

مادام صياناتها فى مواعيدها و بقطع أصلية ( خصوصا فيما يتعلق بالموتور و الكهرباء ) و داخل التوكيل أو مراكز الخدمة المعتمدة...يبقى امشى و انت فى كامل الأمان.....

على فكرة الكوردوبا و إن كان الموتور و الفتيس من فولكس....فده لا يعنى إنها ألمانى و إلا كان بقى ثمنها زى الجيتا مثلا...أو لو هى فى نفس المستوى يبقى ماكنش حد اشترى الجيتا....

جودة الصناعة الأوروبية عموما لا يعلى عليها..... و هى لا تقل بأى حال عن نظيراتها من الأوروبى

ممكن تلاقى هنا على فكرة توضيح للصورة و إزاى شخصية الصانع الفرنسى تختلف عن الألمانى
http://www.nilemotors.net/Nile/showthread.php?t=46062

من ناحية السحب...هى مش بطيئة...لكن ليست بإنطلاقة السيارات اليابانية الأخف وزنا خصوصا من الثبات...لكن بمجرد بلوغ سرعة 100 كم/س هتفرق فى ثبات الانطلاق و الثبات على خطوط مستقيمة أو منحنيات...بالرغم من إن السيارة مرتفعة عن الأرض...
أعلى من كل نظيراتها اليابانيات و كمان أعلى من الأسترا (شوفتهم الاتنين واقفين جنب بعض قدام رصيف )
و فى المواقف الحرجة هاتشكر ربنا على حاجات زى ال ABS وال EBD
أنا أعتقد إن المازدا صالونها أضيق من الميجان...و الميجان (السيدان) على كل شنطتها واسعة جدا

لكن فى الآخر لازم تكون مقتنع بما تقدمه السيارة و متفهم لشخصيتها المختلفة عن المنافسات

اقتباس:

---

المشاركة الأصلية كتبت بواسطة chato_eg

حضرتك الميجان دى لازم
و على كل لو كان العربية فيها مشكلة...فالوحوش هنا أجمد من أتخن technical support فى الدنيا

---

:satelite:
:Ta_clap[1]::Ta_clap[1]::Ta_clap[1]:

بالنسبة للأعطال متقلقش ان شاء الله لو بتحافظ على الصيانة الدورية

بالنسبة للفيبر فا الأخوة اظن ردو

بالنسبة للسحب فا بصراحة هية فى الطلعة مش اوى بس مجرد ما تنقل تانى حتلاقيها بتسحب كويس

بس يعنى فى الطلعة انا بقولك مش جامدة

بس انا مرة واحد صاحبى قالى دية الميجان تعبانة و هوة كان معاة اوكتافيا A4 (هوة اوتوماتيك و انا اوتوماتيك +انى كان معايا 2 غيرى و هوة كان لواحدة ) و كنا فى الساحل و طبعا فى القرية فية طرق فاضية كتيير

و شدينا مع بعض من الثبات لغاية سرعة 60 - 70 تقريبا

مش عاوز اقولك انة اتعقد و والله مكنت جايب الدواسة للأخر لأن كانت دواسات العربية تحتها و اتنرفزت و اخدت بالى اول ما دست انها مجتش للأخر بس الحمد لله مكسفتنيش و طلعت منة الحمد لله و من ساعتها عمرى ما سمعتة بينطق معايا عن الميجان ولا شد العربية :)

بمناسبة الكلام عن أمان الميجان

النهاردة كنت عند مهندس ميكانيكا أعرفه و فاتح ورشة قريب من الحرفيين.

وأنا معاه جاله واحد صاحبه معاه ميجان واخد خبطة فى باب السواق....تشوفها من برة تحس أن الباب متدمر.....
الميجان كانت عربية المهندس ده وباعها لصاحبه.....بيقولى أنا كان معايا Bmw E46 ( اللى هيه مو 2000 وأنت طالع ) و أتخبطت نفس الخبطة.....الباب أتدمر....و سمع فى القايم بتاع العربية....و أضطر أنه يرش القايم.
الميجان بسم الله ما شاء الله الباب وهو متدمر مخبطش ولا ريح على أى حاجة وبيفتح ويقفل عادى جداًًًًًًًًًًًً.......ختى المهندس ده كان مستغرب أنه بيبفتح.....و شاورلى على الميجان وقالى " أدى العربية اللى بيقولو عليها ورق......دى لو كانت عربية تانية مكنش الباب فتح و كان ممكن تسمع فى القايم كمان.......لو العربية الورق كده تبقى زى الفل "

اتكل على الله و هات ميجان و ان شاء الله نباركلك قريب

طيب لو لاقيت واحدة 2006 او 2005
مستعملة يعنى
ممكن تعمل كام واكشف عليها ازاى ولو كشفت فى الوكيل هياخد اد ايه ولازم احجز قبلها باد ايه .؟؟؟

ولو حد يقولى رينج ال 2005 وال 2006
البانوراما يعمل كام بالتقريب يبقى كتر خيركم :B4_237:

البانوراما مو 2005 الى 2006 لو حالة نضيفة هتعمل فى حدود من 75 الى 85 حسب الموديل والحالة والكيلومتر.

التوكيل بياخد كشف ميكانيكا 330 و سمكرة 220 يعنى 550
وتحجز قبلها ب 3 أو 4 أيام

حضرتك هتلاقي فرق الثمن بين 2005 و2006 بسيط جداااا وفعلا دلوقتي هتلاقيها في الرنج الي احمد باشا قالك عليه ...............لان الاسعار نزلت جااااااااامد انا كان من اسبوع قدامي عربيه ميجان 2008 مثبت سرعه وبانوراما ب 90 الف .........
ومتقلقش خاااااااااااااااااالص من الميجان وربنا يعملك الي فيه الخير والعربيه لو حضرتك هتشتريها وانت بتقول هخاطر واجبها هي تستاهل المخاطره ...........

اقتباس:

---

المشاركة الأصلية كتبت بواسطة Ahmed A.Maksoud

البانوراما مو 2005 الى 2006 لو حالة نضيفة هتعمل فى حدود من 75 الى 85 حسب الموديل والحالة والكيلومتر.

التوكيل بياخد كشف ميكانيكا 330 و سمكرة 220 يعنى 550
وتحجز قبلها ب 3 أو 4 أيام

---

تسلم ياباشا على سرعة الرد السعر كويس جدا :w6266d

اقتباس:

---

المشاركة الأصلية كتبت بواسطة ringoo84

حضرتك هتلاقي فرق الثمن بين 2005 و2006 بسيط جداااا وفعلا دلوقتي هتلاقيها في الرنج الي احمد باشا قالك عليه ...............لان الاسعار نزلت جااااااااامد انا كان من اسبوع قدامي عربيه ميجان 2008 مثبت سرعه وبانوراما ب 90 الف .........
ومتقلقش خاااااااااااااااااالص من الميجان وربنا يعملك الي فيه الخير والعربيه لو حضرتك هتشتريها وانت بتقول هخاطر واجبها هي تستاهل المخاطره ...........

---

الحقيقة ياباشا انا قريت المواضيع اللى عليها هنا فى المنتدى ومطمن ليها جامد :ma(36):
بس هصبر كدا كام شهر مش دلوقتى تضامنا مع الحملة :120146b واكون جهزت البواكى !:36_6_3[1]:

بالنسبة لموضوع الحملة......العربية ثمنها مش مغالى فيه فعلا مقارنة بالسوق.....
عندك مثلا اللانسر سعرها زى الميجان و الكورولا و السيفيك يمكن أكتر

ولو بصيت على العريبات الألمانى الأغلى أمثال الفيكترا و ال A5 مش هتلاقى حاجة تستاهل الفرق الكبير فى الفلوس

لو على تجهيز البواكى....شد حيلك و ربنا معاك...بس خاللى بالك دى آخر سنة ليها....
فى أوروبا بيبيعوا الميجان Iii دلوقتى...الله أعلم ممكن يجى دفعات تانية و أعدادها إيه...خصوصا إنى سمعت إن مصنع تركيا مقفول اليومين دول بسبب الأزمة العالمية

اقتباس:

---

المشاركة الأصلية كتبت بواسطة chato_eg

بالنسبة لموضوع الحملة......العربية ثمنها مش مغالى فيه فعلا مقارنة بالسوق.....
عندك مثلا اللانسر سعرها زى الميجان و الكورولا و السيفيك يمكن أكتر

ولو بصيت على العريبات الألمانى الأغلى أمثال الفيكترا و ال A5 مش هتلاقى حاجة تستاهل الفرق الكبير فى الفلوس

لو على تجهيز البواكى....شد حيلك و ربنا معاك...بس خاللى بالك دى آخر سنة ليها....
فى أوروبا بيبيعوا الميجان Iii دلوقتى...الله أعلم ممكن يجى دفعات تانية و أعدادها إيه...خصوصا إنى سمعت إن مصنع تركيا مقفول اليومين دول بسبب الأزمة العالمية

---

العربية تمنها مش مغالى فيه مقارنة بعربيات تانية
وبالنسبة للشكل الجديد اعتقد انه مش هينزل مصر قبل 8 شهور كدا مثلا :36_7_4[1]:

وحوش الرينو هو فيه فرق جامد بين كشف التوكيل على العربيات المستعمله و كشف الميكانيكى المختص فى الرينو ؟

اقتباس:

---

المشاركة الأصلية كتبت بواسطة ringoo84

حضرتك هتلاقي فرق الثمن بين 2005 و2006 بسيط جداااا وفعلا دلوقتي هتلاقيها في الرنج الي احمد باشا قالك عليه ...............لان الاسعار نزلت جااااااااامد انا كان من اسبوع قدامي عربيه ميجان 2008 مثبت سرعه وبانوراما ب 90 الف .........
ومتقلقش خاااااااااااااااااالص من الميجان وربنا يعملك الي فيه الخير والعربيه لو حضرتك هتشتريها وانت بتقول هخاطر واجبها هي تستاهل المخاطره ...........

---

يا تري العربية الميجان ديه خلصت ولا لسه معروضه للبيع؟؟ ولو لسه ممكن تقولي اوصلها ازاي؟؟
شكرا

2008 بانوراما بالسعر ده مش ممكن؟؟؟؟
أنا بدور بقالي فترة

اقتباس:

---

المشاركة الأصلية كتبت بواسطة popeto

وحوش الرينو هو فيه فرق جامد بين كشف التوكيل على العربيات المستعمله و كشف الميكانيكى المختص فى الرينو ؟

---

أيوة طبعاً فى فرق........الميكانيكى العادى هتلاقى عنده لابتوب يدخل بيه يشوف العربية فيها مشاكل أيه؟؟؟ طبعاً لأ