اشتريت عربية اوبل ومتضايق جدا ياريت حد يساعدنى بسرعة

يا جماعة انا اشتريت اوبل فيكترا موديل 2000
العربية 1600 سى سى مانيوال
ماشى العربية نظيفة جدا جدا جدا
بس فيها حاجات بسيطة مضيقانى جدا جدا
المهم الاول يا ريت محدش يخوفنى من اللى هقوله :120146b
الاول مش عارف الدريكسيون تقيل شوية حس انة تقيل دة عادى ولا فى حاجة
تانى حاجة الفيتيس عندى فى الاول يطلع عادى جدا لما تيجى تجيب التانى بيزعق لازم علشان تجيب التانى و ميزعقش معاك تمور الاول وبعد كدة وانت وبعد ماتشيل رجلك من على الدبرياش تدوس تانى وانت بتدوس تجيب التانى يعنى قبل ما تكمل بقيت الدوسة بتاعت الدبرياش تكون جيبت التانى يعنى فى نص الدوسة لازم تكون جيبت التانى

انا خايف جدا ياريت محدش يخوفنى اكتر

اولا الباور
زيت الباور اتأكد منه شوف مستواه
ولو زيت الباور مش مظبوط شوف السير

تانى حاجه من ناحيه الفتيس على التانى
دى اطلع بيها على ميكانيكي احسن علشان ممكن يكون البيضه بتاعه الفتيس مبوشه

الف شكر على سرعة ردك
طب ياباشااا التكلفة هتكون اد اية تقريبا علشان اعمل حسابى

فى بس أقتراح بخصوص الباور الأول.....حضرتك شوف ضغط الهوا فى الكاوتش.....لو قليل ممكن متشفوش بعينك ويحسسك أن الدركسيون تقيل

اولا فى ناس كتير اول اما تركب الاوبل عموما بتعلق على الباور ان هو تقيل بالنسبة طبعا لليابانى
لكن بردة لازم تتاكد من الحجات الى الك عليها الاعضاء زى زيت الباور وضغط الكاوتشات
لكن مش 128 يعنى مع احترامى لها
بس دة اول انطباع هاتخدة
بالنسبة للفتيس بسيطة ان شاء الله مفيش حاجة تخوف احلى حاجة فى العربية دى ان قطع غيارها بتعيييييييييييييييييييييي يييييييييييييييييش
اوى اوى اوى وحمالة اسية بس مش معنى كدة ان انت تبهدلها يعنى اوعى احسن لو شوفتك ممكن ________________
انت فاهم بقى
واهلا بيك فى العصابة الى باذن الله هاتحرر فلسطين

الف شكر على الردود يا جماعة الواحد مش عارف يعمل اية من غيركم المهم الفتيس احسن انا متعكنن جدا بسببه

الف الف شكر على الردود اهى دى العصابات ولا بلاش
والله العربية بجد جميلة جدا بس اللى معكنن عليا هو الفتيس
طب الحل اية او تكلفتة فى حدود كام

بص ياباشا بسيطة إن شاء الله انت راكب اة قبليهاء لان العربيات الالمانى عمومان فى البور والدبرياج حاجة تنية خالص وبالنسبة للدبرياج ممكن تكون فى مجموعة انا مش فاكر اسمهاء بتبقاء ما بين الدبرياج والفتيس وعلى الاغلب بوشت ممكن تزيتهاء وممكن تغيرهاء هى فى حدود 100 150 جنية بس لازم لازم لازم تروح لحد فاهم عشان ميغرئكش

بص انا الاول كنت راكب تويوتا البور فى فرق جامد جدا بين العربيتين
انا ان شاء الله النهاردة او بكرة هبص على زيت البور و هازوده او اغيرة
المشكلة انا خايف ان يكون فى حاجة جلمدة فى الفتيس

بص يا باشا لا قدر الله لو فيها تغيير طلمبه الباور ب 350 جنيه و الفتيس تقريبا 1200 بس ان شاء الله ما يكونش فى تغيير و لا حاجه
بس انا طلمبه الباور غيرتها قبل كده فى الاوبل بتاعتى 3 مرات و كل الصنايعى قالتلى فعلا ان الطلمبه بتاعتها حساسه جدا و بتتحرق من اقل حاجه

:36_7_4[1]::confused::120146b

طب انت منين يا باشا واحنا ندلك علي حد موثوق فيه قريب منك تقدر تتعامل معاه ؟؟:verygood:

يا مان بكتر الاراء اطلع على ميكانيكي يكون شغال فى الجديد وياريت لو فى الالمانى ولو غلبت اطلع على اقرب وكيل صيانه وهو يشوفهالك

انا من العبور
وياريت حد يقولى على مكانيكى نظيف بتاع اوبل

معلشش انا حغلس و اسال سؤال برا الموضوع ممكن تقولي حضرتك جبتها بككام و ايه مواصفتها انا اسف بس اصلا انا بدور و عايز اعرف الرينج:satelite:

الف مبرووك على العربية بس معلش جبتها بكام

اعتقد ان الباور مفيش خوف منه .. اخره مشكلة في الزيت أو السير او حتى في الطرمبة ..
لكن الفتيس عايز شوية صبر وماتتسرعش وتغيره .. ممكن يكون زيت الفتيس أو الغوايش أو عصاية الفتيس ..
وممكن ميكونش فتيس خالص !! ممكن العيب من اسطوانة الدبرياج أو الديســك ! طالما الغيار (بيزعق) معاك .. وأنا أرجح ده

بس ازاي مجربتش العربية كويس قبل ماتشتري
على العموم ده مايعبش العربية .. بس كان ممكن تنزل في السعر مع صاحبها

الف شكر على الردود و المساعده
انا العربية وقفيت عليا ب 65
والله يا باشااا انا جربت العربية قبل ما اخدة وكانت زى الفل ومكنش فيها اى حاجة بس لما جيب بيها عملت الحركة دى اكنها مستنية لما اشتريها

اطلع علي الحرفيين واسئل علي بلية بتاع الفتيس....

دا دكتور الحرفيين في الفتيس ... بالذات للفيكترا والعربيات التقيلة... مكانة ناحية ميدو بورفورمانس.

مهما كان العيب فى الفتيس ان شاء الله امره سهل
بس روح لحد بيفهم
مومو راجل دماغه عاليه واكيد عارف الراجل ده كويس
لو تعرف تروحله يبقى تمام

اقتباس:

---

المشاركة الأصلية كتبت بواسطة zizo50001

الف شكر على الردود و المساعده
انا العربية وقفيت عليا ب 65
والله يا باشااا انا جربت العربية قبل ما اخدة وكانت زى الفل ومكنش فيها اى حاجة بس لما جيب بيها عملت الحركة دى اكنها مستنية لما اشتريها

---

مش مستنية ولا حاجة بسيطة ياباشا بس انت خلى حد يبصلك عليهاء يكون كويس انا ممكن اوديك للمكنيكى بتاعى فى كذا واحد بصراحة كويسين بس انت تجبلهم قطع الغيار بس انا قلى اعرفهم فى مدينة نصر وفى حوالى 6 منهم 3 كويسين 3 مبيفهموش حاجة
1 فى السابع وراء الشبراوى وانا برجحهولك عشان ايدة كويسة وفاهم وحط كذا خط تحت الحتة دية
2 فى واحد عند ربعة بس حراق شوية وبياخد وقت طويل
3 فى واحد فى مكرم عبيد ودة هيعملك شغل حلو اوى بس هياخد فلوس كتير
انا اتعملت مع الثلاثة وإن شاء الله تطلع حاجة بسيطة متقلقش هى بس تاخد العين بس

اولا مشكلة البور اتحلت كان محتاج زيت و حطيت زيت النهاردة وبقى كويس جدا

المشكله فى الفيتس ياريت حد يكتبلى رقم تليفونات الناس دى
وياريت يا مومو تكتب رقم التليفون بتاع الراجل بتاع الحرفين والف شكر ليكم

<a href="http://www.flickr.com/photos/34570209@N06/3212272016/" title="Opel_Astra_OPC_front_20080306 by sa3dawy, on Flickr"><img src="http://farm4.static.flickr.com/3129/3212272016_4062ac2126.jpg" width="500" height="323" alt="Opel_Astra_OPC_front_20080306" /></a>

كنت اقصد ارد فى مكان تانى ...
اسف جداا

من عضو جديد جدا
ارجو قبولى معكم واتمنى ان اكون خفيف الظل انا راكب رينو موديل قديم شويه ( فى التسعينيات ) ونفسى اركب فيكترا فهل هناك موديل سنه معين ابعد عنه ؟
وهل هناك حاجه معينه فى سيارات الاوبل اسـأل عليها قبل الشراء ؟
مع عميق الشكر والاحترام لكل من يتكرم بالرد

اقتباس:

---

المشاركة الأصلية كتبت بواسطة hosamerfan

من عضو جديد جدا
ارجو قبولى معكم واتمنى ان اكون خفيف الظل انا راكب رينو موديل قديم شويه ( فى التسعينيات ) ونفسى اركب فيكترا فهل هناك موديل سنه معين ابعد عنه ؟
وهل هناك حاجه معينه فى سيارات الاوبل اسـأل عليها قبل الشراء ؟
مع عميق الشكر والاحترام لكل من يتكرم بالرد

---

بيقولوا تبعد عن فكترا 1600 اوتوماتك
لو عاوز اوتو خليك فى ال 2000 سىسى

واحسن حاجة للكشف على العربيه تاخدها على التوكيل وهو هيعمل كشف كامل

اية يا جماعة فين ارقام التليفونات

ده ميكانيكي ممتاز فى مصر الجديدة فى تقاطع دمشق مع بيروت بعد تريديكو الصياد (ميدان الجامع) و إسمه أسامة السويسي ، هو نفسه كان راكب أوبل فكترا فى يوم من الأيام.محترم وأمين جدا وبيفهم ولو فيه حاجة مش تبعه يقولك وما يفتيش بس حراق شوية.
رقمه0124477868
هو بيشتغل بعد واحدة الظهر

طيب لو مؤشر البنزين مخرف و مهيس و عبيط و اهبل و خانقنى
حله اية يا باشاوات

يا محمد يا طنانى :) اعتقد ده عادى جدا لعربية بقالها 14 سنة, و الطلمبة كهربه, فى العربيات القديمة خالص, يمكن ميحصلش كتير, بس انا برده عندى نفس العيب, مؤشر النزبن ملوش دعوة بالبنزين, او للدقة ساعات بيكون قريب, و ساعات بيخرف, بمعنى انه يشاور على بنزين اقل كتير من اللى فيها, وبعد شويا يرجع تانى

زيزو سبحان الله انا عندى بظبط موضوع الفتيس ده, انا جبت قريب اوبل فكترا 1996 و بتزعق على التانى, هاقولك انا بعمل ايه,
اولا مبنقلش على التانى و الار بى ام عالى, انقل على التانى بدرى شوية,
تانى حاجة متنتش النقلة, عسقها فى النقلة براحة و ببطئ

دا ميمنعش انك تدور على حد يصلح العيب, بالنسالى انا كشفت عند اكتر من حد, كلهم قالولى العصاية مبوشة, فى المهندس محسن اللى فى فيصل قلى غير العصاية , هات واحدة استيراد هتكون تقريبا 400 جنيه, و واحد ميكانيكى تانى قاللى اظبطهالك بس انا مستريحتلوش, لان بعد مسالتو هتعمل ايه بظبط, و هتاخد منك قد ايه وقت؟ قاللى حسب, هنشوف, ممكن تتظبط علطول و ممكن تاخد وقت, فا قلت صباح المصالح و الفتى و قلتله, هاشوف ايه اللى هعمله, وربنا يسهل, وسبته.

اقتباس:

---

المشاركة الأصلية كتبت بواسطة tananybasha

طيب لو مؤشر البنزين مخرف و مهيس و عبيط و اهبل و خانقنى
حله اية يا باشاوات

---

ممكن برده تعمل حاجة تانية, انك تصفر العداد, وتفول بعد 300 كم كدة ان شاء الله متكونش دخلت فى الريزيرف او المنطقة الحمرا على العداد, اسفل التانك

يا باشا انا راكب طيارة
100 كم فى الصفيحة على اقصى تقدير
ايه رأيك
افك العوامة واغيرها واريح نفسى

انا عربيتى 1600 و بتعمل 150 كم فى الصفيحة, بما ان عربيتك 2000 متحرقش و تفرك كتير علشان البنزين مش رخيص لو مشيت 90 100 ده احسن استهلاك للبنزين, و برده المخالفات, انا لسه راجع البيت كنت ملشى على المحور و الفلاش بتاع العربيات اللى على الجنب دول ضرب فى عينى, و لبست مخالفة مع انى متعود انى اجرى اجرى و اول ما اشوف عربية المرور افرمل لحد ماوصل ل90 بس انهاردة وانا بفرمل و قبل حتى ميكون بينى و بين العربية 100 متر لقيت الفلاش ضرب فى وشى, مرة تانية يا محمد جرب تفول و صفر العداد و امشى بحد اقصى 100 كم و قولى اذا لسا الستهلاك كتير, انا بعتبر ان لستهلاك عربيتى كتير برده, بس انا شايف ان اغلي مشاويرى فى وسط البلد و مشى فى الزحمة و محور او دائرى يعنى فوق ال 120 ودا برده بيستهلك كتير.

انت تقريبا بتتكلم فى ماستر دبرياج سفلى اللى هو بليه الدبرياج هم الاتنين حاجه وحده بس الاول حاول تاخدله هواء بس ياريت تقولنا الاول السحب عامل ايه 0181861139 ده تليفونى