مشكله في تدوير السيارة ارجوكم سعدوني يا اصحاب الفليشيا

السلام عليكم ورحمة الله وبركاته
الحمد لله تم حل مشكلة تأخير التدوير بتغير جلد الرداخ والحمد لله بدور من اول تكه
بس للاسف ياخواني في مشكلة تانيه ممكن تكون منتشرة بس معقداني
وهي لما باجي الدور العربية وطبعا بتكون برده لما ادور العربية بتدور عادي بس لازم اديها سنة بنزين بسيطه برجلي بعد ما بتدور لو شلت رجلي العربية بتبطل علي طول وعدادالrbm بينزل للصفر وتبطل ولازم ادور من اول وجديد طبعا قلت عادي ادوس شوية بنزين بعد ما ادور وعلي الrbm علي 2.5 او 3.0 واعد مثلا 10 ثواني اجي اشيل رجلي تبطل برده فين وفين لاما تسمع الكلام ومتبطلش ممكن اعد اعمل الحكاية دي لمده خمس دقايق مثلا عشان ارفع رجلي وتبقي العربية مزبوطه ومطبطلش طبعاعملت محاولات كتير من ضمنها التكريك قبل التدوير بس مفيش فايده يا تري ايه الحل مع العلم ان العربية بتسخن ببطء غريب حتي الصبح وبتبرد بسرعة في نفس الوقت بمعني لو خرجت بيها رحت مشوار واركنها مش اكتر من ساعة ونص ارجع اعمل نفس الموال ممكن اه وممكن لاء بس برده الموضوع ده جديد ومكنش باين في الاول خالص فيا تري الساده الاعضاء رايكم ايه في الحوار ده عشان انا فعلن مدايق وهل هو طبيعي او مشكلة عادية وحلها ايه بعد اذنكم مع العلم ان في شوبة حاجات زبطها في العربية معلرفش ليها علاقة او لا وهي كاالأتي

1-ساعات كانت بتبطل اول ما اهدي وطبعا بكون دايس دبرياج علي الاخر وبطبطل برده مفيش فايده وصلحته بتنضيف البخاخ ومشيت بعديها زي الفل وأتضح البنزين الي كنت حاطه كان سيء
2-كان في ترشيح زيت بسيط في بعض الجوانات فغيرتهم ومعاهم فلتر البنزينوجلد الرداخ
3 بعد التغيير الي حصل في رقم 2 رجعت مشكلة رقم واحد وحسييت فعلن انها بتبرد بسرعةوتم تصليح المشكلة بزبط السلانسيه الي كان واطي شوية وتنضيف البك .

4-غيرت الراياتير عشان كان مخروم بواحد صيني جيدبس معتقدش ليه علاقة

5-في صوت في الشكمان زي تصفير صو صو كده لما العربية بتكون اتزبطت وسخنت مصهين عليه الصراحة

6- العربية تعتبر بحالة ممتازة جدا والحمد لله بشهادة اكتر من صديق وميكانيكي ماشيه 59000 الف كيلوبس هي فليشيا موديل97


معلش انا عارف اني رخمت المرة دي اوي بس انا حبيت اطول عشان الي يقرأ المشكله يكون عرف كل حاجه بدل ما يكرر الرد للسؤال واتعبة معايا وانا الصراحة مبحبش اتعب حد بس مطر انا اسف جدا

وفي النهايه بكرر اسفي جدا

والسلام عليكم ورحمة الله وبركاتة

عندى نفس مشكلتك بس العربيه لو كاركتلها مرتين تلاته قبل التدوير و انا بادور ادوس بنزين لحد نص الدواسه تدور كويس و الشكمان يضرب كام صاروخ ورا بعض و تدور كويس .. انا برضه مش عارف ايه المشكله يا ترى البنزين مرطب و فيه ميه و لا فلتر البنزين عايز يتغير و لا ايه .. بس هى مش بتبطل تانى بعد ماتدور معايا

انا انصحك بتغيير طقم الكهرباء

1- المشكلة ان شاء الله بسيطة اوي روح لحد ميكانيكي بس يكون متخصص في الكاربيراتير وقولو عايز اظبط شفاط الماكينة وده طبعا ضروري جدا في الشتاء لأن الزيت بيبقى ثقيل اوي فلازم الـ rbm يكون عالي عشان متبطلش العربية وبعد ما يفك الزيت وتسخن العربية تكون انتهت وظيفة الشفاط (السخان) بس متعملشي كده الا لما تتأكد من البوجيهات انها سليمة الأول .
2-ان العربية تبطل لما تهدي دي مشكلة الـ rbm واطي عايز يعلي شوية ودة الاحتمال الاول والاكيد والـ rbm المظبوط من 8. : 1 والاحتمال التاني تنفيس في جلد السيرفو (الطقية) بس استبعدو دلوقتي لما تشوف الاحتمال الاول وقولي ايه الي حصل.
3- صوت في الشكمان زي تصفير صو صو ده بأذن الله هيكون المنافول بتاع الشكمان عايز يتربط وده احتمال ضعيف والاحتمال الاكيد بأذن الله هو شداد الماكينة الجلد بتاعو بايظ وده ميتصلحش وده تمنو 65 جنية والصوت ده بتسمعو لما الماكينة بتتهز ممكن تهزها بأيدك وهي مبطلا وهتسمع الصوت بتاع التصفير.
ارجو ان اكون قد جاوبت علي كل اسألتك ولو في اي مشاكل اخري انا تحت امرك وتليفوني معاك وهكون سعيد جدا لو اتصلت بيا .

اقتباس:

---

المشاركة الأصلية كتبت بواسطة ahmedromance

1- المشكلة ان شاء الله بسيطة اوي روح لحد ميكانيكي بس يكون متخصص في الكاربيراتير وقولو عايز اظبط شفاط الماكينة وده طبعا ضروري جدا في الشتاء لأن الزيت بيبقى ثقيل اوي فلازم الـ rbm يكون عالي عشان متبطلش العربية وبعد ما يفك الزيت وتسخن العربية تكون انتهت وظيفة الشفاط (السخان) بس متعملشي كده الا لما تتأكد من البوجيهات انها سليمة الأول .
2-ان العربية تبطل لما تهدي دي مشكلة الـ rbm واطي عايز يعلي شوية ودة الاحتمال الاول والاكيد والـ rbm المظبوط من 8. : 1 والاحتمال التاني تنفيس في جلد السيرفو (الطقية) بس استبعدو دلوقتي لما تشوف الاحتمال الاول وقولي ايه الي حصل.
3- صوت في الشكمان زي تصفير صو صو ده بأذن الله هيكون المنافول بتاع الشكمان عايز يتربط وده احتمال ضعيف والاحتمال الاكيد بأذن الله هو شداد الماكينة الجلد بتاعو بايظ وده ميتصلحش وده تمنو 65 جنية والصوت ده بتسمعو لما الماكينة بتتهز ممكن تهزها بأيدك وهي مبطلا وهتسمع الصوت بتاع التصفير.
ارجو ان اكون قد جاوبت علي كل اسألتك ولو في اي مشاكل اخري انا تحت امرك وتليفوني معاك وهكون سعيد جدا لو اتصلت بيا .

---

شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا

مش عارف اقول لحظرتك ايه شكرا جدا
انا كلمت الميكانيكي بتاعي قلي تقريبا نفس الكلام عشان هو لما غير جلد الرداخ علي RPM وزبطه تقريبا علي 80 بس قلي ان الكربيراتير محتاج تنضيف عشا ن متنضفش قبل كده
وموضوع السيرفو المخروم الي في الطقيه ده فين ووظفته ايه ولو لقدر الله بايز بيتغير بجديد وايه نظامه غالي ولا رخيص؟
وبرده اخر مرة زبطت الفرامل وغيرت التيل بتيل تركي مش حلو وبسمع صوت هوا لما بضغط هي شغالة بس الدواسه ناشفة وبيكون الصوت بتاع الفرامل واضح وانا مدور وبكرك فرامل والعربية واقفه ده هواء زيادة ولا ايه مع العلم ان المساتر سليمة ولسه كاشف عليه والزيت سليم ومش ناقص

اما بالنسبة للبوجيهات هي بقالها اربع شهور بس واحد ضرب منهم وغيرته بواحد عادي بس كلهم شغالين فأغيرهم بأنهي نوع عادي ولا تلاته شامع وبالمرة تيل الفرامل الكويس غير الصيني والتركي اجيبه منين وبكام والنبي تقولي مكان غير الوكالة

وشكرا جزيلا وانا والله مش عايز ازعجكك ولو الموضوع طارء انا شاء الله هكلمك علي طول

بص يا باشا مفيش حاجة اسمها السيرفو بايظ لأنو عمرو ميبوظ الا لو اتكسر او اتشرخ واللي يقولك السيرفو بايظ مبيفهمش حاجة لأنو لو بيبوظ مكنشي الخواجة نزل له حاجة اسمها طقم اصلاح سيرفو (قطع غيار محتويات السيرفو) ده اولا وفي الغالب ان الطقية مقطوعة او ناشفة لو سليمة وناشفة توفيرا للمال بتجيب بودرة تلك بتاعة الاطفال وبتبدرها بيها عشان تطرى ده اولا وبتحط بدل الشحم عشان التلين اللي بداخلة مرهم ترميسيين بتاع العين عشان المرهم احسن من الشحم في السيرفو اما اذا كانت بايظة لقدر الله بتشتري واحدة تانية بـ 35 :45 جنية بس لازم اللي يعملك الكلام ده يكون واحد خبير اوي اوي في السيرفو عشان مش اي واحد بيصلحه صح لو معرفتش حد تروحلو ممكن تكلمني وانا هقولك علي واحد جامد اوي في السيرفوهات بس هو في العاشر من رمضان .

اقتباس:

---

المشاركة الأصلية كتبت بواسطة ahmedromance

بص يا باشا مفيش حاجة اسمها السيرفو بايظ لأنو عمرو ميبوظ الا لو اتكسر او اتشرخ واللي يقولك السيرفو بايظ مبيفهمش حاجة لأنو لو بيبوظ مكنشي الخواجة نزل له حاجة اسمها طقم اصلاح سيرفو (قطع غيار محتويات السيرفو) ده اولا وفي الغالب ان الطقية مقطوعة او ناشفة لو سليمة وناشفة توفيرا للمال بتجيب بودرة تلك بتاعة الاطفال وبتبدرها بيها عشان تطرى ده اولا وبتحط بدل الشحم عشان التلين اللي بداخلة مرهم ترميسيين بتاع العين عشان المرهم احسن من الشحم في السيرفو اما اذا كانت بايظة لقدر الله بتشتري واحدة تانية بـ 35 :45 جنية بس لازم اللي يعملك الكلام ده يكون واحد خبير اوي اوي في السيرفو عشان مش اي واحد بيصلحه صح لو معرفتش حد تروحلو ممكن تكلمني وانا هقولك علي واحد جامد اوي في السيرفوهات بس هو في العاشر من رمضان .

---

خلاص ان شاء الله هنضف الكربيراتير بكرة وغير البوجيهات وهسأل البميكانيكي علي السرفو ده

عندى نفس المشكلة فى فيليشيا 96 مجننانى وحلها باقعد دايس بنزين 5 دقايق على 20 rbm رغم تنظيف الكاربراتير وضبط كهربا وحاجات كتير بس انا متهايئلى السبب انى اول ما اشترتها فى الصيف ميكانيكى طيب شوية قالى قص سلك التشوك اللى بيسخن العربية لوحدها لانه بيتسهلك بنزين على الفاضى وانت سخن بنفسك قلت ماشى .. و فى الصيف ما فيش مشكلة حسيتها بس فى الشتا متعذب يا ترى حد يعرف تصليح التشوك ده سهل ولا صعب هل مجرد لحام السلك خلاص اتصلح ولا لازم نعمل اعادة تقسيمة كهربا من تانى مش عارف يا ريت حد يكون عنده الرد

الشفاط اللي بيسخن العربية لوحدو ملهوش دعوة بتقسيمة الكهرباء كل اللي عليك الحم السلك اللي قطعتو وهو عموما شغال بضغط المياه اعمل كده وجرب الاول لو منفعشي قولي وأنا هقولك تعمل ايه بالتفصيل .

اقتباس:

---

المشاركة الأصلية كتبت بواسطة zyadahmed

عندى نفس المشكلة فى فيليشيا 96 مجننانى وحلها باقعد دايس بنزين 5 دقايق على 20 rbm رغم تنظيف الكاربراتير وضبط كهربا وحاجات كتير بس انا متهايئلى السبب انى اول ما اشترتها فى الصيف ميكانيكى طيب شوية قالى قص سلك التشوك اللى بيسخن العربية لوحدها لانه بيتسهلك بنزين على الفاضى وانت سخن بنفسك قلت ماشى .. و فى الصيف ما فيش مشكلة حسيتها بس فى الشتا متعذب يا ترى حد يعرف تصليح التشوك ده سهل ولا صعب هل مجرد لحام السلك خلاص اتصلح ولا لازم نعمل اعادة تقسيمة كهربا من تانى مش عارف يا ريت حد يكون عنده الرد

---

الشفاط اللي بيسخن العربية لوحدو ملهوش دعوة بتقسيمة الكهرباء كل اللي عليك الحم السلك اللي قطعتو وهو عموما شغال بضغط المياه اعمل كده وجرب الاول لو منفعشي قولي وأنا هقولك تعمل ايه بالتفصيل .

السلام عليكم
الحمد لله طلع التشوك سليم بس البكات كانت وسخة والعربية اتزبطت وتحت التجربة