الموضوع: أى سؤال أو استشارة فى طب العيون

المشاركة الأصلية كتبت بواسطة toteman

المقاسات العالية و ده مش مهم ، المهم انك بالنظارة تجيب 6/6 لكل عين

ايوة يعنى انا كده كده مش داخل الجيش ي شكرا يا دكتور
وعلى فكرة انا العين الشمال مش بتجيب 6/6 اخر مرة كشفت الدكتور قالى العين الشمال ضعيفه وده اخر كشف ليها لآنى بعد لبست النظاره اللى بتبقى فى العيادات ديه وظبطلى الكشف اللى طلع على الكمبيوتر اليمن شوفت بيها كل الدواير الشمال شوفت بيها اول اربع صفوف بس
يعنى الكبيره ديه اللى بتبقى فوق وتحتها 3 بس
وشكرا اوووووووووووى يا دكتور شريف

لو كنت بتلبس النظارة من سن صغير فالمفروض ما يبقاش فيه ضعف كده فى الشمال الا لو كنت و انت صغير مش منتظم فى لبس النظارة و لكن برضه مش بالشكل ده ، لأن كده تبقى الشمال فيها كسل يا اما المقاس بتاعها مش مضبوط و هنا السؤال المهم هو ، هل كان فيه وقت لما كنت بتلبس النظارة الشمال بتجيب كل العلامات زى اليمين ولا لأ؟
لو دايما الشمال بتقف عند الحد ده يبقى فيها مشكلة (احتمال فى الشبكية فى مركز الأبصار) و لكن لو كانت بتجيب العلامات فى وقت ما و دلوقت لأ يبقى احتمال المقاس مش مضبوط او حاجة جدت فى العين (مثلا تأثير قصر النظر على مركز الأبصار)
يا ترى هل تفتكر الدكتور اللى قال لك العين الشمال آخرها كده حط لك عدسة فيها ثقب صغير جدا امام الشمال ولا لأ؟؟
فى انتظار الرد
و تحياتى

المشاركة الأصلية كتبت بواسطة Sharky

هو أنا داخل على الـ 30 سنة
و بشتغل على الكمبيوتر كتير

كده سنك صغير على نظارة القراءة
مشكلتك انك بتعمل near work كتير بعينيك و ده ممكن يعمل شد فى العضلة الداخلية للعين و حله هو الوقاية منه و دى سهلة جدا ، طريقة الأمريكان بيسموها قاعدة العشرين :
كل عشرين دقيقة من الشغل القريب ، ارفع عينك منه و بص على حاجة على بعد عشرين قدم او اكثر ، لمدة عشرين ثانية
يعنى كل ثلث ساعة بص بعينك على حاجة بعيدة (آخر الطرقة ، من الشباك او البلكونة) و انت فى مكانك لمدة نصف دقيقة
طريقة ممتازة و فعالة:10D5C8~1107:
و تحياتى

المشاركة الأصلية كتبت بواسطة ringoo84

للأسف الشكوى مش واضحة قوى ، ممكن يكون فيه مقاس فى العين دى بتاخد وقت على ما تضبطه بعد الصحيان ، ممكن يكون فيه التهاب يسيط مزمن (حساسية مثلا) و اكتر فى اليمين فتعمل شوية افرازات تتجمع مع النوم و لما تصحى بتاخد وقت على ما تروح ، ممكن تكون العين بتبقى مفتوحة شوية و انت نايم فبيحصل جفاف و تبقى مزغللة لغاية ما تصحى و تبتدى ترمش و الدموع تتفرد تانى على سطح العين ، ممكن حاجات كتير فأحسن حل هو الفحص لتحديد سبب الشكوى

شكراااااااااا على التوضيح يادوكتر وانا فعلا بتكون عنيه شبه مفتوحه وانا نايم فعلا فهكشف زي محضرتك بتقول اضمن ..............
وشكراااااا على اهتمام حضرتك مره ثانيه ........

ممكن استعمال مرهم قبل النوم لتجنب الحالة دى
مش عارف مسموح لى اكتب اسماء علاج ولا لأ لذا ارجو مراسلتى على الخاص لكتابة اسمه لك

المشاركة الأصلية كتبت بواسطة elhdry2000

دكتور شريف بعد ازنك عايز اعرف مكان كويس اشترى منة عدسات تكون محترمة وبسعر كويس وياريت لو تقلى على نوع معين

المشاركة الأصلية كتبت بواسطة elhdry2000

معلش يا دكتور هتعبك معايا

مافيش تعب ولا حاجة لكن برضه مش عارف مسموح لى ذكر اماكن او انواع ولا لأ
ياريت الأدارة تفيدنا فى كده ، و برضه يمكن مراسلتى على الخاص للرد على هذا السؤال
تحياتى للجميع