أى سؤال أو استشارة فى طب العيون

**Dr.SherifMansy** · 21-05-2010 10:41 AM

المشاركة الأصلية كتبت بواسطة curbis

طيب أنا برضه كنت عاوز أسأل عن pure vision في مصر وسعرها لو سمحت

تم الرد على الخاص يا عزيزى

**MRBEBO** · 09-06-2010 09:54 PM

ازيك يا دكتور ... يارب تكون بخير

ممكن حضرتك تفيدني في الموضوع ده

http://www.nilemotors.net/Nile/155726-a.html

او لو حضرتك تحب اعمل ملخص هنا زي ما حضرتك تشوف انا تحت امرك

**Dr.SherifMansy** · 10-06-2010 07:36 AM

المشاركة الأصلية كتبت بواسطة mrbebo

ازيك يا دكتور ... يارب تكون بخير

ممكن حضرتك تفيدني في الموضوع ده

http://www.nilemotors.net/nile/155726-a.html

او لو حضرتك تحب اعمل ملخص هنا زي ما حضرتك تشوف انا تحت امرك

مافيش مشكلة خالص..

ان شاء الله ادخل عليه و ارد عليك باذن الله.

**D . a .\ AYMAN** · 15-06-2010 02:07 AM

ممكن سؤال كمان ؟

دلوقتي لميس بنتي بقالها كام يوم بتصحى وعينها الشمال معمصة جامد جدا لدرجة إنها ساعات مش بتعرف تفتحها لغاية مانغسلهلها

هية عندها 4 سنوات

كان الموضوع ده حصلها برضه من فترة وكان رد الفعل مننا أنا ووالدتها هو تغيير ملاءات سريرها يوميا وكنت بحطلها قطرة ليكويفيلم من نفسي ... قلت أهي حاجة تنضف وترطب شوية على الأقل فضل الموضوع لمدة أسبوع أو أقل تقريبا لغاية ما راح أول مرة

دلوقتي رجع تاني نفس الموضوع ... تنصحني أعمل إيه

وأكرمك الله وأعزك في الدنيا والآخرة .. آمين

**Dr.SherifMansy** · 16-06-2010 02:56 AM

المشاركة الأصلية كتبت بواسطة sangmi

السلام عليكم يا دكتور
لو سمحت ليا سؤال
أنا أول مرة أعمل عدسات نظارة أنتى رفلكشن كنت الأول بستعمل عدسات بيضاء عاديه
المهم أنا دلوقتى لما بلبسها حسيت أن الأشياء مش لونها ابيض بحس انها على أصفر شويه
هل العدسات الأنتى رفلكشن بتبقى كده ولا دا عيب فى العدسات والمفروض انها تفضل بيضاء زى ما هى ؟؟؟؟؟؟؟؟؟؟؟؟
رجاء الإفاده

المفروض ان الأنتيريفليكشن مش بتأثر على اللون ، الحكاية دى عادة بتحصل لو حضرتك عامل ان العدسات تكون فوتوبراون فهل ده موجود مع الأنتيريفليكشن ؟؟

قى انتظار ردك

و تحياتى

**Dr.SherifMansy** · 16-06-2010 03:15 AM

المشاركة الأصلية كتبت بواسطة N.Y.S.M.A

ممكن سؤال كمان ؟

دلوقتي لميس بنتي بقالها كام يوم بتصحى وعينها الشمال معمصة جامد جدا لدرجة إنها ساعات مش بتعرف تفتحها لغاية مانغسلهلها

هية عندها 4 سنوات

كان الموضوع ده حصلها برضه من فترة وكان رد الفعل مننا أنا ووالدتها هو تغيير ملاءات سريرها يوميا وكنت بحطلها قطرة ليكويفيلم من نفسي ... قلت أهي حاجة تنضف وترطب شوية على الأقل فضل الموضوع لمدة أسبوع أو أقل تقريبا لغاية ما راح أول مرة

دلوقتي رجع تاني نفس الموضوع ... تنصحني أعمل إيه

وأكرمك الله وأعزك في الدنيا والآخرة .. آمين

الأستاذ أيمن ، أهلا وسهلا بحضرتك فى أى وقت

و ألف سلامة على أمورتنا لميس ، ربنا يحفظها و يحفظكم جميعا

بالنسبة لوصف حضرتك فهو للأسف مش كامل و لكن اعتقد انى اقدر أكمله ، اعتقد ان العماص اللى بيقفل عينها بيكون لونه أصفر و أحتمال يكون أخضر ، و احتمال كبير يعدى العين التانية ، و ممكن حضرتك و والدتها تلقطوا منها العدوى ، لو الصورة زى اللى انا قلتها فده غالبا بيكون التهاب مخاطى صديدي و بنسميه MPC (أختصار Muco Purulent Conjunctivitis) و ده أحد اأمراض العيون الشائعة فى الصيف ، و أحيانا بيكون مسبوق بحاجة تقلل المناعة زى دور برد او التهاب فى اللوزتين مثلا قبله بكام يوم او اسبوعين حتى ، و ممكن يكون بسبب ذبابة مثلا ، المهم ان اسبابه كتيرة و صعب نحدد السبب بعينه ، و لكن الحمد لله عادة بيكون دور بسيط باذن الله

بالنسبة لقطرة ليكويفيلم فللأسف مالهاش دور هنا خالص غير اننا ممكن نعتبرها غسيل ميكانيكى للعماص فقط.

المفروض فى رأيي انن ندى لميس العلاج التالى :

Tobrex Eye Drops
قطرة للعينين 5 مرات يوميا

Fucithalmic Eye Ointment
مرهم للعينين قبل النوم يوميا

ياريت نبدأ لها العلاج لو الصورة اللى كملتها سليمة ، و لو الصورة مختلفة ياريت حضرتك تكملها لى.

و بالشفاء و العافية لأبنتنا لميس بأذن الله.

و تحياتى

**Dr.SherifMansy** · 16-06-2010 03:32 AM

المشاركة الأصلية كتبت بواسطة n.y.s.m.a

هوة فعلا العماص اللي بيتكون عندها لونه أصفر .. ولكنها لم تصب بأي أدوار برد أو زكام قبله

بالنسبة للمرهم بيتحط إزاي .. بداخل العين نفسها ؟

جزاك الله خيرا

مافيش مشكلة لو ما جالهاش برد ، دى احد النظريات و انا باعدد الأحتمالات ليس الا.
بالنسبة للمرهم ده بالذات فممكن نعتبره زى قطرة لزجة شوية ، و بالتالى نحط نقطة فى كل عين قبل النوم زى القطرة بالضبط.

ياريت بس الفوطة و كيس المخدة الخ الخ يتغلى كل يوم لأنه معدى جدا ، و المنديل اللى نمسح لها بيه العماص نرميه فى الباسكت بره الشقة ، لأن لو رميناه فى الباسكت اللى فى غرفتها او اى باسكت جوه الشقة ممكن تيجى ذبابة و تقف عليه و توزع الميكروب على كل اللى فى البيت ، فخلينا فى الأمان احسن ، عادة بيكون ميكروب بسيط و لكن سريع الأنتشار ، فلازم ناخذ حذرنا منه.

مع تمنياتى لها بالشفاء باذن الله تعالى.

و تحياتى

-

الموضوع: أى سؤال أو استشارة فى طب العيون

LinkBack

أدوات الموضوع

عرض

-

-

-

-

-

-

المواضيع المتشابهه

استشارة بيع سيارة والدتي و سؤال حد يعرف شهر عقاري فيه كمبيوتر ؟؟

سعر موتور العيون ؟؟؟

العيون الناعسة !!!

سؤال ليه تويوتا 1993-1997 اغلى من الموديل العيون اللى بعده ؟

قصه تدمع لها العيون

الكلمات الدلالية لهذا الموضوع

المفضلات

المفضلات

ضوابط المشاركة