أى سؤال أو استشارة فى طب العيون

**Dr.SherifMansy** · 29-08-2010 03:43 PM

المشاركة الأصلية كتبت بواسطة ahmedlion

الدكتور الفاضل شريف منسى استفدت كثيرآ من قرائتى لردودك القيمة طوال ال 40 صفحة :)
فجزاك الله خير الجزاء
فى احدى الصفحات وجدت سؤال عن علاج العين الكسلانة قبل سن التاسعة ..
لكن عندى سؤال اذا سمحت .. هل هناك علاج للعين الكسلانة بعد سن 21 سنة ؟
ام ان هذا لا يمكن ؟؟

شكرا لك

و الرد على سؤالك هو للأسف حتى الآن لا يوجد علاج للعين الكسلانة بعد سن 21 سنة ، و بعد اذن حضرتك فى نفس الصفحة التى بها سؤالك الآن و هى رقم 40 و بالتحديد فى المشاركة رقم 395 ستجد شرحا لكيفية حدوث الكسل بالعين و رد على سؤال مشابه.

و تحياتى

**ASKAFRAWY** · 29-08-2010 03:48 PM

المشاركة الأصلية كتبت بواسطة Dr.SherifMansy

الزغللة اللى تزيد مع لحركة عادة سببها اختلال ضغط الدم او فقر الدم (الأنيميا)

احتمال التهاب الجيوب الأنغية وارد و لكن لا بد من التأكد من الضغط و تحليل الدم ايضا.

الوجع اللى حضرتك بتقول عليه ممكن يكون بداية التهاب ميكروبى ، بلاش البريزولين ، و لو فضل الوجع او زاد فى هذه الحالة بيكون الفحص افضل ، و ان لم يمكن ذلك فاستعمل قطرة مضاد حيوى زى

Tobrex eye drops
قطرة للعين 4 مرات يوميا

و بلغنى الوضع ايه

و الف سلامة على حضرتك

و تحياتى

الف شكر لاهتمام حضرتك...الحمد لله الوجع راح...انا بصراحة لم اراجع طبيب للعيون لكن عرفت ان كان فيه ورم بسيط فوق العين و هو السبب الوجع دة و محسسنى ان فيه حاجة بداخل العين نفسها.
بالنسبة للزغلله متواصلة معايا (انا الحمد لله كنت بعانى من ضغط منخفض من فترة طويلة 110/70)لكن حاليا الوضع احسن كتير و الضغط الحمد لله طبيعى 124/80
بالنسبة لتحليل الدم انا بصراحة لسة ما عملتوش انا اخر مرة كانت من سنة عملت صورة دم كاملة(complete blood picture) وكان طبيعى الحمد لله....
يعنى ممكن فعلا حساسية الانف او التهاب الجيوب الانفيه تسبب زغلله العين

**Ahmed.Ali** · 01-09-2010 02:52 PM

هو عياده حضرتك فين بالظبط

**zkralla** · 01-09-2010 04:05 PM

اكتشفت انحراف بعين ابنى الشمال
الانحراف ناحيه الانف وهو بسيط بس لو بصيت كويس بيبان ( انحراف للداخل مش للخارج )
سنه الان 3 سنين
معرفش الموضوع لسه جديد ولا احنا الى مكناش واخدين بالنا
عاوز اعرف ايه الى ممكن اعمله واحسن مكان ممكن اوديهلوله ( اسمع ان فيه دكاتره عيون بيتخصصوا فى الحول بس )
أنامن القاهره - المعادى -
ومعلش كنت عاوز اسأل حضرتك كمان
هو فيه اجهزه لتشخيص الحول بدقه

**D . a .\ AYMAN** · 05-09-2010 11:38 PM

الموضوع ده جالي على الميل وقلت آخد رأي سيادتك فيه وهل هو صحيح فعلا ,, أم هو نوع من خداع البصر

وإيه هو أساسه العلمي إن وجد

أنا بصراحة ماجربتوش

ماذا تفعل عندما تفقد نظارتك الطبيه

د.عثمان بن محمد العمر

استشاري أول طب وجراحة العيون وعمليات الليزك

نائب رئيس الجمعية السعودية لطب العيون

قد يفقد الشخص نظارته الطبية وهو في الصحراء أو في مكان بعيد وليس معه نظارة بديلة ولا يمكن أن يبصر الطريق للعودة إلى المدينة ولا يوجد من يقود سيارته

بدلا منه عند ذلك يمكنك عمل (نظارة) مؤقتة تستطيع أن تبصر بها الطريق بشكل جيد بحيث يمكنك قيادة سيارتك ولكن بحذر.

خذ قطعة من الورق مستطيلة الشكل من غلاف كرتون المناديل الورقية التي لا تكاد تخلو منه أي سيارة وقم بوضع قطعة الكرتون أمام عينيك بحيث تغطي كامل العينين والجزء الذي بينهما

وقم بثقب الجزء الذي أمام كل عين بعدة ثقوب كل ثقب قطره لا يتجاوز مليمتر واحد وبين كل ثقب والآخر مسافة 2 – 3 مليمترات وبعدد لا يقل عن 20 ثقبا أمام كل عين.

بعد ذلك قم بوضع الكرتون المثقب أمام عينيك وثبته بالطريقة المناسبة عند ذلك سوف تتحسن الرؤية لديك من 70 - 80 % وسوف تتمكن من رؤية الطريق بشكل جيد

ولكن يجب الحذر من رؤية جوانب الطريق وفي المنعطفات. رافقتكم السلامة.

وجزاك الله خيرا مقدما يادكتور

**Dr.SherifMansy** · 06-09-2010 03:25 PM

المشاركة الأصلية كتبت بواسطة askafrawy

الف شكر لاهتمام حضرتك...الحمد لله الوجع راح...انا بصراحة لم اراجع طبيب للعيون لكن عرفت ان كان فيه ورم بسيط فوق العين و هو السبب الوجع دة و محسسنى ان فيه حاجة بداخل العين نفسها.
بالنسبة للزغلله متواصلة معايا (انا الحمد لله كنت بعانى من ضغط منخفض من فترة طويلة 110/70)لكن حاليا الوضع احسن كتير و الضغط الحمد لله طبيعى 124/80
بالنسبة لتحليل الدم انا بصراحة لسة ما عملتوش انا اخر مرة كانت من سنة عملت صورة دم كاملة(complete blood picture) وكان طبيعى الحمد لله....
يعنى ممكن فعلا حساسية الانف او التهاب الجيوب الانفيه تسبب زغلله العين

فى بعض الأحيان ممكن ، و الف سلامة على حضرتك

و تحياتى

**Dr.SherifMansy** · 06-09-2010 05:48 PM

المشاركة الأصلية كتبت بواسطة pepo5100

شكرا لردك يا دكتور
اولا بليس النظاره المقاس القديم هو اللي مريحني
بالنسبه لمقاس العدسات
اليمني : P -6.5
b.c :8.60 / dia 14.2 oc 33
اليسري :p -5.5
b.c :8.60 / dia 14.2 oc 65

ده اللي مكتوب علي علب العدسات والعلب لما جبتها كانت علب زجاج زي الادويه ومتبرشمه
نوعها clear vision صنع امريكا لمده سنتين
ياريت توضحلي العيب منين من فضلك
وشكرا علي مجهودك

احتمال ال 0.5 درجة الزيادة فى العين اليمين يكون هو السبب فى الصداع

العدسات لى بس ملحوظتين عليها

النوع مش من الماركات المشهورة ، مش قصدى وحش ، و لكن عادى ، و بالتالى القاعدة هنا ان مادام اول ما لبستها كانت مريحة يبقى مافيش مشاكل.
النقطة التانية ان مافيش حاجة اسمها عمر العدسة سنتين ... سنة واحدة فقط بأقصى حد.

يبقى اعتقد ان المشكلة كلها فى الزيادة فى المقاس فى اليمين فقط ، و الله اعلم.

و تحياتى

**Dr.SherifMansy** · 06-09-2010 05:53 PM

المشاركة الأصلية كتبت بواسطة hazemhany

اولا شكرا يا دكتور شريف ع الموضوع الهايل ده

ثانيا انا والدي عنده 58 سنة عنده جلوكوما متقدمة اكتشفناها تقريبا سنة 2000 ..عمل عملية عشان تخفيف الضغط في عين واحدة سنة 2001 وكان خايف ع العين التانية ففضل انه ميعملهاش وبيستخدم لحد دلوقتي قطرتين وبيحطهم بصورة يومية وهما Xalatan و Cosopt والدكاترة قالولو امشي عليهم مدي الحياة ..بس للاسف الرؤية عنده اتدهورت جامد في اخر سنتين تحديدا من 2008 والمجال البصري بتاعه اتأثر بنسبة كبيرة تكاد تكون 90 % ومبقاش يشوف الحاجة غير لو قدام عينيه مباشرة لا يمين سنه ولا شمال سنه ....المشكلة الرئيسية انه اهمل الموضوع من ساعة ما عمل العملية وافتكر ان القطرات دي هتثبت الضغط ومجال الرؤية بتاعه ... دلوقتي يا دكتور التصرف يكون ازاي عشان نحافظ ع البقية اباقية من نظره ..وشاكر ليك جدا

للأسف المرحلة اللى هو فيها اسمها الرؤية الأنبوبية او Tubular Vision و دى معناها ان للأسف 9/10 العصب اتأثر بشدة ، و للأسف الجزء اللى بيفقد من الأعصاب لا يمكن تعويضه ، و بالتالى لابد من التحرك السريع للحفاظ على ما تبقى.

لازم و بأسرع وقت الكشف و قياس ضغط العينين و تحديد ما اذا كان هناك حاجة لزيادة مرات او تغيير او اضافة العلاج لإيقاف التدهور الحادث فى مجال الأبصار نتيجة ارتفاع ضغط العين الغير متحكم فيه.

الموضوع عاجل جدا جدا جدا..

و تحياتى

الموضوع: أى سؤال أو استشارة فى طب العيون

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استشارة بيع سيارة والدتي و سؤال حد يعرف شهر عقاري فيه كمبيوتر ؟؟

سعر موتور العيون ؟؟؟

العيون الناعسة !!!

سؤال ليه تويوتا 1993-1997 اغلى من الموديل العيون اللى بعده ؟

قصه تدمع لها العيون

الكلمات الدلالية لهذا الموضوع

المفضلات

المفضلات

ضوابط المشاركة