الموضوع: أى سؤال أو استشارة فى طب العيون

المشاركة الأصلية كتبت بواسطة heidi

لو سمحت يادكتور ..انا عملت كشف نظارة جديد بعد سنة من القديم ..ولما الدكتور قاس لي كل عين لوحدها قعد يغير لي العدسات لحد ما ضبط كل عين علي عدسة بس لما جيت اشوف بالعدستين مع بعض حسيت بزغلله ..بسبب الشمال فقعد يغير العدسة كذا مرة بس الزغلله مش راحت ..والظاهر ان هو زهق فقال عادي الزغلله دي اسمها astigmatism والعين هتظبط نفسها والزغلله هتروح بعد كذا يوم ..انا دلوقتي بقالي يومين عامل النظارة وعندي الزغلله في عيني لسة ..فهل لدكتور كلامه صحيح العين هتتظبط لوحدها علي النظارة الجديدة والزغلله هتروح بعد شوية ولا اروح اكشف عند دكتور تاني مع العلم ان انا كان عندي استجيماتيزم قبل كده وكل سنة لما كنت بكشف كان بيطلع لي النظارة من غير زغلله ...ارجو المساعدة يادكتور بسرعة ..

وملحوظة كمان ان انا كل عين لوحدها في عدستها الرؤية واضحة من غير زغلله لكن الاتنين مع بعض بيعملو زغلله ....و انا لابسها زي الدكتور ماقال لي لحد ماتتعود ..بس خايف يكون في خطر علي عيني

وصف المشكلة دى فى رأيي مالوش غير سبب واحد هو الأرجح ، و هو ان المسافة بين العينين مش مضبوطة صح ، و بالتالى بؤرة العدسة مش مضبوطة قدام العين و ده بيسبب الشكوى دى ..

طبعا لو استمريت لى كده العين بتجهد و ممكن تسبب صداع و زغللة ، الأفضل اعادة قيلس المسافة بين العينين و مطايقتها للنظارة و تصليحا اذا كان فيه اختلاف.
ده أقوى سبب ، ممكن يكون فيه اسباب تانية بس بلاش نفتح مشاكل جديدة و احتمالاتها اضعف من غير ما نشوف السبب ده أولا

و تحياتى