ياترى المياه اللى بتحطها للرادياتير عادية ولا زرقا ولاخضرا ولا بتحط اضافة للمياه العاديه
عرض للطباعة
ياترى المياه اللى بتحطها للرادياتير عادية ولا زرقا ولاخضرا ولا بتحط اضافة للمياه العاديه
أنا فى الويرا مياه ملونه
أما ال 131 مياه عادية من الحنفيه يعنى -- بس هو غلط --
انا ححكيلك علي حاجه وفتها بعيني و بعدين احكم انت
كنت مره معايا 505 و كنت بعمل لها طقم صباب و شنبر المهم كنت مودي و السلندر يتزود(بيكون اتاكل من الميه ف بيزودوه بانتيمونيا او حاجه زي كده)
لقيت ايه عند الراجل اللي بزود عنده؟؟
لقيت وش سلندر بتاع عربيه نوبيرا او ليجانزا الراجل اللي بعمل عنده الوش بساله بقوله دي عربيات لسه جديده لحقت تعمل عمره او كده؟قالي لاء دا صاحب العربيه دي كان بيزود لها ميه من الحنفيه ف و السلندر (أفّع ) يعني باظ تخيل ان الحديد ما استحملش الميه اللي انا و انت بنشربها؟؟؟؟ههههه
و قالي علي حل كويس اوي و عملته في معظم عربياتي من يوم ما قالي عليه و هو ان فيه ميه بتتباع عند الناس اللي بيشتغلو في قطع غيار النقل التقيل اسمها ميه ردياتير و دي بتتباع بالسنتي بتجيب 10 سنتي و تحطها علي الميه العاديه و دي بتخ في وش السلندر و المناطق اللي بتتاثر و بتعمل عليها طبقه زي مع كده تخلي الميه ما تاثرش فيها و عموما برضه الميه الخضرا كويسه
أولا :- يجب أن نعرف ما هي المياه الملونه وماهي الأضافات التي تضوع على المياه العاديه
وأنا من واقع خبرتي البسيطه أعرف نوعان من المياه الملونه ونوعان من الأضافات التي توضع على المياه العاديه
النوع الأول هو المياه الخضرا:-
وهذا النوع عباره عن مياه مـُقطره (أي لا يوجد بها أي نسبة من الأملاح) ومضاف عليها مادة تمنع الصدأ ولا تتفاعل مع المعدن إياً كان نوع هذه المعدن وهذه المياه مفيده جدا لانها تمنع الصدأ والتاكل نهائيا وهذا يرجع لكون المياه مـُقطره في الاساس ولفضل الماده الخضراء
النوع الثاني المياه الزرقاء :-
وهذا النوع من المياه هي مياه مـُقطره (أي لا يوجد بها أي نسبة أملاح) ومضاف عليها مادة لا تتفاعل مع الحراره ولا تزيد من حرارة الماء الموجود في الرايداتير وانا شخصيا أفضل هذا النوع من المياه لأن الصدأ لن يأتي للأجزاء المعدنيه الداخليه ولن يحدث تأكل طالما أن المياه مـُقطره وليس بها أي أملاح مما يجعلني أستفيد من الماده المبرده والمياه المانعه للصدأ هذا على أن تكون دائرة التبريد محكمة الغلق ولا يدخل هواء للرايداتير أبدا (أي أن الغطاء يجب أن يكون محكم الغلق ولا يوجد تنقيط)
المواد التي تضاف إلى المياه العاديه (وهي عباره عن كميه صغيره لا تصل إلى نصف لتر) :-
هذه المواد يوجد منها نوعان نوع أخضر مانع للصدأ ونوع أزرق مـُبرد
وكلا النوعين جيدين ولكن إن تم أضافتهم إلى مياه عاديه من الحنفية (بشوائبها والأملاح الموجوده فيها) فسوف نخسر كثير جدا من فاعليات هذه المواد
إذن عليك عند إستخدام هذه المواد المضافه أن تبجث عن مياه مقطره لكي تضعها في دائرة التبريد (وسوف تجد أنها مـُكلفه) لذلك أنصحك بالمياه الملونه على حسب أختيارك
وملحوظه هامه جدا :- لا تضع مثل هذه المياه أو المواد في دائرة التبريد (الرايداتير) وهو به أي نوع من أنواع التسريب او المشاكل وذلك لكي لا تهدر المياه هبائا وتجد أنها سوف تصبح عبأ مالي عليك لذلك أصلح دائرة التبريد أولا (إن كان بها مشاكل) وأبدأ في أستخدام أيا من هذه الأنواع
وليوفق الله الجميع
كلامك سليم 100% يا بايو :)
بس أحب أوضح للأخ حازم إن الوش إللى قفع ده عشان إللى زود الماء زود و الماتور سخن و العربية دايره :)
لكن مش عشان حط ماء من الحنفيه عمل كده خالص:)
أحب أضيف إضافة بسيطة لكلام أستاذ هانى (تسلم إيدك )
أن المادة التى تحافظ على مستوى درجة الحرارة
هى مادة الإيثلين جليكول
وتكون مضافة بنسب معينة
وتفقد المياه الملونة كفاءتها بعد سنة من التشغيل
ولذلك ينصح بتغييرها سنويا فى بداية كل صيف
لا يا باشا انا عارف كويس انه لما بتزود مياه للعربيه و العربيه سخنه و انت مبطلها الجوان بتاع وش السلندر بيضرب و الو يقفع بس الراجل فعلا قالي كده انه باظ من الميه بتاع الحنفيهاقتباس:
كلامك سليم 100% يا بايو
بس أحب أوضح للأخ حازم إن الوش إللى قفع ده عشان إللى زود الماء زود و الماتور سخن و العربية دايره
لكن مش عشان حط ماء من الحنفيه عمل كده خالص
اقتباس:
المشاركة الأصلية كتبت بواسطة hanyfarrag
أنت إللي تسلم يا ريس على تفاعلك وأشتراكك في الموضوعات المفيده
معلومه مفيده حقا وانا كنت اجهلها بالفعل ويجب أن ينتبه الأعضاء إلى ذلك الأمر ويراعوا تغيير المياه كل عامكود:أن المادة التى تحافظ على مستوى درجة الحرارة
هى مادة الإيثلين جليكول
وتكون مضافة بنسب معينة
وتفقد المياه الملونة كفاءتها بعد سنة من التشغيل
ولذلك ينصح بتغييرها سنويا فى بداية كل صيف
مصطلع (أفع) ده مصطلح بنستخدمه احنا هنا في مصر تشبيها بالعيش المئفع (يعني العيش إللي وشه بيبقى منفوخ وعالي عن الرغيف نفسه)
وأحنا بنستخدم المصطلح ده في حكاية وش السلندر عشان بيحصلو الأنتفاخ ده عندما تكون السياره ساخنه ويتم أضافة مياه من بارده (بالنسبه لدرجة حرارة الموتور) يعني بدرجة حرارة المياه بتاعت الحنفيه
يبقى في أحتمالين يا أستاذ حازم
إن الراجل كان يقصد إن صاحب العربيه حط مياه من الحنفيه والعربيه سخنه ومن غير ما تكون دايره
أو
الأحتمال الثاني (وأنا ارجحه)
إن الرواسب الموجوده في المياه بتاعت الحنفيه تراكمت وسببت ذلك التفقيع لأنها سدت دورة مياه التبريد
واكبر مثال عاوز أصور لكم الفلتر إللي عند والدي في البيت كل ما نيجي ننظفه كل شهر بيبقى عامل ازاي (والله مش هاتصدقوا إن الصور دي حقيقيه ولا المياه دي أحنا بنشربها)
أما بالنسبه للفلتر عندي في البيت الحمد للـ لله بنظفه كل 6 شهور وبينزل منه حاجات بسيطه مش زي غللي عند والدي أبدا وده راجع لعدة أسباب منها إن البيت عادي كل مواسيره بلاستيك وإن المنطقه إللي أنا ساكن فيها منطقه جديده تماما ولذلك لا يوجد العوامل إللي بتخللي المياه بتوصل للدرجه القذره دي
هو ممكن برضه يا استاذ هاني مش عاوز اقولك انا انصدمت ازاي يوميها الكلام دا كان 2002 كده و العربيه كانت لسه جديده خالص و متهيالي برضه الاحتمال التاني اللي قولته ممكن يكون مظبوط بس حاجه غريبه اوي انا كان عندي 125 و 132 و 131 و 505 و عربيات كتييييييير ركبتها عمري ما حطيط ميه غير من الحنفيه و كانت مايه كويس جدا و كانت ساعات العربيه بتقعد اكتر من خمس سنين معانا (ال125 قعدت 17 سنه و ال132 19 سنه) اشمعني الجديد يحصل فيه كده؟؟