يا وحوش لو هاروح ابص على ميجان 2005
المفروض اخد بالى من ايه؟
و ايه اساسيات حالة الميجان
عرض للطباعة
يا وحوش لو هاروح ابص على ميجان 2005
المفروض اخد بالى من ايه؟
و ايه اساسيات حالة الميجان
إكشف عليها فى التوكيل
اتصل ب 16202 و احجز ميعاد
هتقضى النهار كله هناك
لكن فى الآخر بيطلع لك تقرير مفصل عن كل صغيرة و كبيرة فى العربية
و لو كانت بيتعمل لها صياناتها هناك هيطلع لك كل تاريخها كمان
ده أسلم حل
أنا مش فاكر التكلفة كام بصراحة...لكن إسأل لما تتصل بيهم
خد رقم الشاسيه أو الرقم العلى الإزاز وسأل بيه فالتوكيل على الصيانات
ولو خلاص ستقريت على وحدة بس لسة الآن ممكن تعمل الهاني نصح بيه فالتوكيل
الكشف في التوكيل على الميكانيكا و الكهربا ب 330 جنيه
والسمكرة لوحدها ب 220 جنيه من الأخر الكشف الشامل 550 جنيه أنا رأيي الشخصي إكشف ميكانيكا و كهربا بس في التوكيل
اكشف عليها فى التوكيل يا باشا
انا كنت بشترى واحدة وخلاص بخلص فيها والراجل قايلى مش مرشوشة ولا اى حاجه وبتاع
المهم روحت كشفت فى التوكيل ب 550 جنية
طلعت اترشت قبل كدا .. وبيطلعلك ريبورت كامل بكل اللى العربية محتاجة
هوا مشكلته بس انك بتسلم العربية على 9 كدا تطلعلك على 2 الظهر
بس بجد صدقنى موضوع التوكيل دا مهم جدا جدا جدا .. هوا غالى شوية لكن انت مش بتدفع مبلغ قليل برضه ..
بس قبل ما تروح التوكيل اتأكد منها بصفة عامه اذا كانت حلوه وكدا خلاص تمام .. يبقى عليك و على التوكيل عشان يبقى زيادة إطمئنان
لو انت شاكك فيها حبتين او 3 حبات ! يبقى ممكن تصرف نظر شويه لو مش عايز تدفع كل شوية فلوس الكشف
وربنا يوفقك يا باشا
ربنا يخليكوا يا جماعة على الافادة
معلش و كنت عايز اسال هى السعر الطبيعيى علشان ميضحكش عليا
لكل من
1.ميجان سيدان 2005 و هل فى منها مانيوال (range من كام لكام) حالة كويسة
2.ميجان hb 2005 ونفس مساحة الصالون ولا مديئه (range من كام لكام)
معلش يا وحوش طولت عليكوا بس مستعجل علشان اللى فى البيت بيفكروا يشتروا اوبترا زيرو و انا مصمصم على الميجان 2 او الجولف 4
انا اسف طولت عليكا تانى:shyy::shyy:
عليك وعلى التوكيل......متستخسرش 550 جم
المانيوال 2005 هتلاقيها فى رنج ال 70 لو حالة كويسة
الهاتش باك نفس السيدان فى كل حاجة ألا الشنطة.....باقى المقاسات زى بعض
ماتحرمش منكو يا وحوش
بس انا فى واحد قلى ان ال hb مفيش غير فى range ال80 و انت طالع بس انا راى السيدان احسن على الاقل مش حاحتاج اغيرها قريب
بس بيتهيائلى يا استاذ احمد ان الميجان 2 2005 مانيوال بتبقى قليلة جدا صح ولا عادى؟اقتباس:
المشاركة الأصلية كتبت بواسطة Ahmed A.Maksoud
فعلا قليلة قوىاقتباس:
المشاركة الأصلية كتبت بواسطة blackman
بس اصلى انا عمرى ماسوقت ستبترونيك فا خايف اجيب عربية ادمرها
طيب مسوقتش أتوماتيك ؟
الستبترونيك عبارة عن أنك بتجيب الفتيس على الشمال وبتنقل بأيدك زى المانيوال بالظبط بس من غير ما تدوس ولا دبرياج ولا فرامل ولا أى حاجة.
أنا لما اشتريت الميجان عمرى ما كنت سوقت لا أوتوماتيك عادى ولا ستيبترونيك.....
و لا حتى قعدت جنب واحد سايق أوتوماتيك...بالكتير كنت قاعد فى الكنبة اللى ورا.....
الموضوع سهل أوى...هما عشر دقايق على ما اتعودت على إن مافيش دبرياج و هى بتنقل لوحدها...و أسبوع على ما اتعودت رجلى على حساسية العربية و امتى بتنقل .....
ال Step-Tronic هو تحكم يدوى فى توقيت النقلة لأعلى....و هى ممكن تتحكم فى توقيت النقلة الأدنى ( الغيار العكسى )....فى حالة إن السرعة نزلت كتير عن المعقول بالنسبة للغيار الحالى هى بتعمل Shift-Down
ما تقلقش خالص.....الموضوع سهل جدا
ثق فى الميجان.....واستمتع بالرحلة :b4_033:
ربنا يخليكوا يا وحوش
فالوحوش قالولك المفيد ويارب نباركلك عليها قريب وفعلا موضوع الاستب ترونيك عادي جداااااا وميقلقش وربنا يعملك الي فيه الخير.........
بص خليك فى الميجان و سيبك من الأوبترا و الجولف مع احترامى للجولف و ربنا يوفقك و لو هتجيب ميجان دور على واحده بانوراما 2006 افضل فى حدود 85 لو حالتها كويسه
نفس الكلاماقتباس:
المشاركة الأصلية كتبت بواسطة mbisar
لان ال 2006 فى حاجات عدلوها عن 2005 وبقت احسن