ناوي على الكوبيه و عايز المشورة

**konboshti** · 17-01-2009 08:26 AM

انا نويت و بدور على كوبيه 2005 بعد ما شفت العربية و ركبتها و حسيت انه بالرغم من رخصها ككوبيه الا انها بتدي احساسا مختلف عن اي عربية تانية سقتها قبل كده

المهم في الموضوع انني ناوي اني اقعد بيها 5ّالى8 سنوات على الاقل و ناوي اظبت فيها شغل جامد (عربية عمر) و بالتالي مش مهم قوي موضوع ان بيعها تقيل بالنسبة لي قوي على الاقل خطة خمسية

انا بقى بشوف معروض منها من اول 75 لغاية 88 الف و بصراحة كل الف ليها تمن
يعني حالة ام 88 دي عاملة 40الف كم و صيانة توكيل و مفيهاش خدش

لكن انا حاسس ان علشان بيعها تقيل فممكن اخللي ال88 دول مثلا 83 ! هل ده اعتقاد شخصي ولا العربية دي توبها ايه بالظبط؟

السؤال برضه علشان اكون محدد اكتر: هل مجال الضغط على سعرها مع البائع كبير ام انها ماسكة سعرها عند الرقم ده؟

مع العلم انها في زمانها كانت من ام 130الف بلبل

حد يساعدني

**konboshti** · 17-01-2009 08:35 AM

معلش سؤال تاني:

انا طبعا عايز اشتري حتة سليمة بنسبة 90% لأني ناوي تبقى عشرة عمر
طب اروح بيها لفين يكشفولي عليها و يفلوهالي حتة حتة و تقرير كامل بجد مش هجص؟

و شكرا لكن من سيشارك

**adel1414** · 17-01-2009 08:36 AM

المشاركة الأصلية كتبت بواسطة konboshti

لكن انا حاسس ان علشان بيعها تقيل فممكن اخللي ال88 دول مثلا 83 ! هل ده اعتقاد شخصي ولا العربية دي توبها ايه بالظبط؟

السؤال برضه علشان اكون محدد اكتر: هل مجال الضغط على سعرها مع البائع كبير ام انها ماسكة سعرها عند الرقم ده؟

مع العلم انها في زمانها كانت من ام 130الف بلبل

حد يساعدني

اولا اختيارموفق يااخى لانى من اشد المعجبين بهذه السيارة بالنسبة بقى للسعر فاقدر اقوللك انك تقدر تنزل فيها زى منتا عاوز برااااااااااااحتك انت وشطارتك بقى وهى سيارة مش ماسكة نفسها باختصار لانها كوبيه يعنى باب واحد يعنى عربيق تانية للاسرة يعنى لشاب فمع كل دة مش اى حد بيشتريها الافئة معينة بالتحديد وسيبك من زمان ان شاالله كانت بمليون دا البى ام ياراجل فى سنتين تخس 120الف يبقى الكوبية ماسكة نفسها والله انا من 5شهور كنت بسال تاجر مش واحد عادى يعنى على سعرها قاللى لو نظيفة اوى2005 تعمل70الى75 بالكتير فياريت تاخدباللك ومتخليش حبك وانبهارك بالعربية يخسرك الوفاااااات والله يوفقك

**konboshti** · 17-01-2009 08:57 AM

شكرا للرد

و انا شفت من ام 72 75 الف برضه بس الحالة مش قد كده سواء من الخارج او من الداخل لأن اغلبها استخدام شاب و غالبا عاملة مليون كم

و انا عايز عربية تبقى my baby يعني عايزها في منتهى النضافة علشان ناوي اراعيها و اصرف عليها عدة صوت ب10000 كمان و زينون يعني بتكلم في 12 13 الف كمان و مش عايز آخد حاجة 60 او80% حتى....لازم تكون بنت ناس من الآخر علشان تعمر و متتعبنيش معاها

فمش مشكلة لو دفعت كام الف زيادة مقابل اني آخد حاجة زيرو لكن انا فعلا اللي محيرني هل مهما كانت الحالة فده مش مبرر انه يطلب فيها 88؟

و طبعا لازم في كل الاحوال اروح لحد متخصص علشان ينفضهالي نفضة تمام علشان ابقى متأكد من الحالة 100%

**konboshti** · 17-01-2009 04:57 PM

مفيش اي افادة كمان؟

**adham_ibrahim** · 17-01-2009 08:52 PM

bos ya me3alem ana ma3aya coupe 2005 bardo gaybha men 3 senen el 3arabia mashallah 7elwa awi bas we enta betgebha zai ma2olt heya este3mal shabab fa lazem tero7 el tawkel beha 3ashan ykshefo 3aleha betdfa3 150 bydok tare7' 7ayatha men sa3et matwaladet law heya betro7 el tawkel tetsala7 henak we y2esolak el motor beta3ha we kol 7aga we ydok report kaman be el 7agat eli lazem tet3'ayar feha rabina ybareklak feha mokadaman we law 3awez ai 7aga 2ol ana 7afez el 3arabia zai esmi belzabt ;)

**myself112** · 22-01-2009 02:00 PM

انا كنت ناوى انا كمان على الكوبيه ان شاء الله ,كنت عايز اسالك هو التوكيل بتاعها ده فين لانى مش من القاهرة ..
ولو نزلت سوق العاشر ينفع اطلع بيها علشان اوديها التوكيل يكشف عليها ولا الأ لانى بسمع انك فى السوق بتشترى وانت واقف ....
و بعد اذن حضرتك ان كنت عايز صورة للعربية من جوة وصورة للتابلوه وحاجة اخيرة انا سمعت ان الكنبةضيقة جدا يعنى مينفعش حد يركب وراه انا كنت عايز رايك فى الكلام ده ...
واسف لو كنت بطلب حاجات كتير ...

ومتشكر جدا على كل حال ..........

**حماده المصري** · 22-01-2009 06:15 PM

الكوبيه عربيه سبور لازم الكنبه الي ورا لازم تكون ضيقه

بس عربيه تحفه وثبات ومتور لزيز برضو

عموما ممكن تهز العربيه الى ب 88 تحاول تنزلها 4 ولا 5 الف جنيه

هتبقة زي الفل

واهم حاجه العربيه تبقى نضيفه عشان متصرفش عليها

تكشف طبعا في التوكيل تكشف على الشاسيه في قسم الهياكل

والماتور والعفشه في قسم الصيانه ومدام ليها ملف في التوكيل

اطلب ملف العربيه منهم هتعرف بقى الصيانات اتعملت امت والعربيه عامله كام الف كيلو

وخلي بالك من رقم الكليومترات في العربيه والرقم الموجود في اخر صيانه

عشان مره صاحبي اشترى عربيه اوبل عامله 75 الف كيلو
ولما طلع ملفها من التوكيل اكتشف انها عامله صيانه ال 100000

**ahmed_h_g** · 23-01-2009 12:18 AM

ليه ماسك فى الكوبيه ؟ الثمن اللى معاك تقدر تصرفه فى أنواع أحسن كتييييير وعلى ثمن طاقم الصوت والزينون تبقى زيرو كمان ؟
يعنى معاك ثمن زيرو وهتدوخ نفسك مع المستعمل وترجع تندم؟ وندمك هيكمل لما تيجى تبيع (هيونداى) وسعرها و............
خصوصا ان سوقها ميت جدا
ليه ؟؟؟؟