ممكن هنا نشارك الخبرات فيما تم فى صيانة سياراتنا اللانسر..
يعنى كل اللى عمل صيانة عند كام ألف يقول لنا عملوا له إيه فى عربيته..
فى أول ألف تم تغيير الفلتر والزيت وتربيط العفشة...
إيه اللى تم معاكم فى ال 10000و 20000و أكتر؟؟
عرض للطباعة
ممكن هنا نشارك الخبرات فيما تم فى صيانة سياراتنا اللانسر..
يعنى كل اللى عمل صيانة عند كام ألف يقول لنا عملوا له إيه فى عربيته..
فى أول ألف تم تغيير الفلتر والزيت وتربيط العفشة...
إيه اللى تم معاكم فى ال 10000و 20000و أكتر؟؟
والله يا باشا أنا شخصيا عملت الألف الأولى عند الرواس وعمله فيها زي ما قولت بالظبط.
وبعد كده قررت اني مش هعمل صيانه تاني في المراكز غير كل 20 ألف أو لو فيه حاجه مستعصية:)
بس أنا عامل بالعربية لحد دلوقتي 12000 في شاهرين فعلشان كده بعمل تربيط عفشة كل 5000 وبغير الزيت وفلتر وفلتر هواء كل 8000 وبغير مكان الكاوتش كل 10000 لأني شايف ان استخدامي ليها شاق شوية:).
وفي العشرين زي ما قولت هروح أكشف على الفرامل والعربية كلها في مركز بوش.
إيه يا جماعة محدش بيعمل صيانات بعيدا عن الكاتالوج ولا ايه؟؟؟؟؟؟؟؟؟؟؟؟؟؟؟؟
انا عن نفسي في صيانة الألف غيرت الزيت والفلتر في بنزينة شل اللي على الأتوستراد جبت الزيت ب 215 الترا والفلتر ب 25 والمصنعية 5 جنيه وربط عفشة عند عفشجي عندنا ب 10 جنيه العربية دلوقتي عاملة 5000 كيلو ومستني لغاية 8000 علشان أغيرزيت وفلتر وأكشف على تيل الفرامل لكن فعلا موضوع التوكيل ده أنا شايله مكن دماغي خالص لأسباب كثيرة .