عرض للطباعة
الاخوة خبراء السيارات باعتباري في المقدر جديد عايز اعرف هيا حكاية معدل دي حاجة كويسة ولا.....
انا تقريبا عارف يعني ايه بس سمعت ناس بتقول ان معدل دا يعني ان العربية اتلعب فيها و دي حاجة مش كويسة و بعدين انا كنت فاكر ان المعدل دا في الفيات فقط و ال128 تحديدا طلع ان المعدل دا ممكن يبقى في اي ماركة لدرجة اني لقيت واحد عارض فولفو موديل تمانينات و بيقول معدل تسعينات و بعدين هو المعدل دا يرفع سعر الربية ؟
كل عربية ليها مواصفات أصلية بتنزل بيها من المصنع و أي تغيير أو تعديل في أي جزء من السيارة سواء هيكل خارجي أو موتور بيبقى أسمه (تعديل) ولو إن المقصود بكلامك على ما أعتقد تعديل في الموتور وبلغة السوق بيقولوا معدل اللي حضرتك بتسأل عليها وبيبقى غالباً مغير موتور من موتور قديم لموتور أحدث بالنسبة لسؤالك الأخير إذا كان التعديل بيرفع السعر ولا بيقلل السعر فده يتوقف على نوع التعديل أولاً ومدي ملائمة التعديل لمكونات السيارة يعني لو التعديل معمول صح وعند شركة تعديل مش عند (عوكل الجن ) يبقى دة يرفع سعر السيارة أما لو متعدلة عند أشخاص غير متخصصين في التعديل بكل تأكيد بتقلل السعر وعموماً نصيحة لوجه الله حاول بقدر المستطاع الأبتعاد عن أي سيارة بها تعديل بالذات تعديل الموتور وبشكل عام العربية المعدلة في السوق المصرية مش من السهل أعادة بيعها بسعر جيد وبالذات لو تعديل خارجي وأسهل حاجة هيقولهالك ( شيل اللي ركبته خده معاك ) .