التصريح المؤقت بياناته اتمسحت

**أشرف العدوي** · 17-01-2009 01:42 PM

انهاردة الصبح و انا بقلب في التابلوه لقيت التصريح المؤقت بتاع العربية
بفتحه اتصدمت مافيهوش و لا كلمه
المعطر بتاع العربية جه عليه و مسح كل بيناته بالكامل
مش عارف اعمل ايه
انا هجدد التصريح يوم 25/2/2009
بس ايه الي ممكن اعمله دلوقتي
هل ينفع استخرج بدل تالف
ياريت المشورة
و دي صورة التصريح بعد المسح

**eino666** · 17-01-2009 01:58 PM

المشاركة الأصلية كتبت بواسطة HeMa_LanCeR

لو عارف البيانات اكتبها وريح دماغك

اوعى تكتب حاجة ده يبقى تزوير فى وثيقة رسمية
و اى ضابط هيعرف على طول من حالة الشهادة المهلكة والخط والحبر الجديد وهاتروح فى داهية وسين وجيم وتبقى قضية تزوير رسمى مالهاش حل
اخطف رجلك المرور وطلع بدل تالف احسن لك

**أشرف العدوي** · 17-01-2009 02:01 PM

انا بقول برده اروح اسلم نفس في المرور احسن
لاني حتى لو كتبت البيانات الاختام مش موجودة
البقعتين الي لونهم ازرق دول حما ختم النسر بس لما شم المعطر طار
المشكلة مرور فيصل ده زي الزفت زحمة بطريقة بشعة
هبقى اخد يوم اجازة و اروح
بس ليا سؤال
هو ممكن التصريح ده يطلع كمبيوتر بدل الورقة دي
اصلي حبيت اغلفها اول ما طلعت التصريح ما لقتيش حد بيغلف الحجم ده

**eino666** · 17-01-2009 02:11 PM

والله ما اقدرش افيدك فى موضوع الكمبيوتر ده
بس تفريبا بتطلع شهادة بيانات بالكمبيوتر
وعموما اللى عنده معلومة فى الموضوع ده اكيد ان شاء الله هيفيدك
ارجو من السادة اعضاء المنتدى افادة العضو للاحمية
ولكم جزيل الشكر والتقدير

**جمال** · 17-01-2009 02:58 PM

طبعا تطلع بدل تالف وممكن يطلب منك شهادة بيانات
كونها تطلع كمبيوتر لاأظن

**أشرف العدوي** · 17-01-2009 03:00 PM

شكراً ليكم جميعاً
و ان شاء الله هروح المرور
و اقولكم عملت ايه علشان انتو كمان تستفيدو

**أشرف العدوي** · 24-01-2009 03:01 PM

روحت طلعت بدل تالف
الموضوع خد حوالي 3 ساعات
و اتكلف 245
ليه بقى
دفعوني ضريبة من اول و جديد لسنة بحالها
قولتلهم انا دافع قبل كدة
قالولي الوصل مش في الملف
روحت جبت الصورة الي معايا بتاعة الوصل
قالولي و احنا نعرف منين ان الوصل ده بتاع العربية دي
و دفعت زي الامور
حسبنا الله و نعم الوكيل