Mazda 929 (صــور ... رأيـكم ) Classic

السلام عليكم ..

قليلاً جدا ما تشاهد هذة السيارة ...

انا جمعت عنها شوية صــور

اعتقد دي مود 87

http://i172.photobucket.com/albums/w...4221467068.jpg


http://i172.photobucket.com/albums/w...221467068a.jpg


http://i172.photobucket.com/albums/w...221467068b.jpg


http://www.alife4sale.com/images/ZIP...zda2_large.jpg


http://www.alife4sale.com/images/ZIP...zda9_large.jpg

http://www.alife4sale.com/images/ZIP...da10_large.jpg


معلوماتي عنها ...

انها 2200 سي سي وفيه منها اتوماتيك ووفتحة سقف وواسعة ...

عايز رايكم في العربية دي .. انا مش ناوي اشتريها بس عايز اعرف عنها اكتر وكدا ..

ولية مش منتشرة ..

المازدا 929 هى احسن سيارة فى المازدا زى الفئة السابعة فى Bmw
و عربية حلوة جدا و محترمة جدا فى كل حاجة
بس مشكلتها الوحيدة قطع الغيار .
لكن غير كده العربية جميلة جدا و محترمة . و كماليات كثيرة جدا

كانت معانا فى السعوديه مو89 كنا شارينها سنه 90
عربيه رهيييييبه بجد واسعه جدااا و ثابته جدااا
والتكييف بتاعها رهيب

كانت معانا فى السعودية موديل 88 بصراحة ملهاش حلكل الى انت نفسك فيه موجود(كمبيوتر معلومات-مفتاح امان للمنع من السرقة-باور ناعم جدا ):vctry:

شكرااا على المعلومات
بس فعلا كانت مع واحد جارى
وهى فعلا كانت كويسة جداا معة

هى العربية دى تعمل كام دلوقتى يا جماعة وهل لو فنوس ولا حاجة اتكسرة ممكن القيه ولا لا والف شكر

its a good car

العربيه دى بجد وحش وحش وحش جباره مجرد لما بسمع صوتها وهى دايره وبتزود بنزين بحس ان الموتور عامل زى زئير اسد بجد صوتها مزيكا بتفكرنى بالشيفروليه كابريس وتاتويوتا كرسيدا تمانينات
مفيش احلى من عربيات التمانينات كانت طفره وقفزه عملاقه للسيارات اليابانى الفئه المتوسطه اللى شهدت ظهور التويوتا كرسيدا الاسطوره والهوندا اكورد والمازدا 929 والميتسوبيشى جالنت

العربيه دي من موديل 86 - 91
وكان ليها شكلين
واحد اسموا هارد توب زي اللي في الصوره دي(البيبان ملهاش حديد فوق الازاز )
ودا كان في الموديل ال 6سيليندر و الGLX

و الشكل التاني كان شكلوا احدث شويه وعلي فكره علمتها كانت حلوه قوي
في موديلين deluxe & limited
المواتير في الخليج كانت
2200CC 115 حصان
3000CC 160 حصان

أنا ركبتها مرة تاكسي وكانت اتوماتيك ... وأحلى حاجة إن السواق كان دراعه متجبس وسايق بدراع واحد بس :120105~352:

دا موقع للموديل ده الشكل الهارد توب(لاحظ العلامه علي الدريكسيون)
http://www.dmrh.com.au/hc_series2.htm

ودا الشكل ليميتد و الديلوكس 1990

http://img18.imageshack.us/img18/9972/image156m.th.jpg

http://img510.imageshack.us/img510/4435/image157.th.jpg

العربيات دى أيام العز - منتخى الفخامة بجد بدون إفتكاسات

اقتباس:

---

أنا ركبتها مرة تاكسي وكانت اتوماتيك ... وأحلى حاجة إن السواق كان دراعه متجبس وسايق بدراع واحد بس

---

هههههههههههههههه

اقتباس:

---

شهدت ظهور التويوتا كرسيدا الاسطوره

---

يا راجل هيا دى عربية تتنسى

مازدا 929 من افضل سيارات العالم من حيث الراحة والثبات والإعتمادية وكانت موديلاتها glx, royal classic دى موديلات ال6 سلندر والفئة العادية deluxe من 4 سلندر 2200cc وخسارة ان مازدا اوقفت انتاجها مع حبي عاشق المازدا

تم تغيير اللون الاحمر الى الازرق
يرجى عدم استخدام اللون الاحمر في المشاركات حيث انه مخصص للمداخلات الاداريه (راجع قوانين المنتدى)
أ٣

ياااااااه

هالسيارة كتيييير قديمة

بس اغلب الناس في اواخر التمانينات و اوائل التسعينات كانت معاهم

عموما انا اعرف انها عربيه كويسة اوي

العربية دي اسد ولا المرسيدس يا معلم اداء وسع نعومة كماليات بس ملهاش مسمار في بر مصر المحروسة وسعرعا للأربعة سلندر 2000ccحوالي 38000

سعرها كام العربية دي ؟
أسعار قطع غيارها ايه ؟ ألاقيها فين ؟
قدامي واحدة بس متبهدلة خالص رأيكم ايه أخدها و أوضبها ؟

انا ركبتها مره مع واحد صحبى, وكانت ما شاء الله تحفه

سيارة و لا اروع من الجيل اليابانى الرائع اللى شهد اساطير تانية زى
تويوتا كريسيدا و كراون
نيسان سيدريك و جلوريا و لوريل
المتسوبيشى الجالنت فى عزها
عربيات ممتازة بس كل مشاكلها هنا قطع الغيار و لحد النهارده بتدح فى دول الخليج و لا تكل و لا تمل بس هما عندهم السكراب بيعبوا منه قطع غيار مستعملة هنا لو جبت العربيات ديه مش هاتعرف تمشى بيها من موضوع قطع الغيار خساااااااااااااااااااارة

انا ركبت موديل 81 منها بصرراحه من اروع العربيات اللي ركبتها في حياتي

اقتباس:

---

المشاركة الأصلية كتبت بواسطة mazagangee

سعرها كام العربية دي ؟
أسعار قطع غيارها ايه ؟ ألاقيها فين ؟
قدامي واحدة بس متبهدلة خالص رأيكم ايه أخدها و أوضبها ؟

---

ايه يا شباب مفيش حد عنده رأي ؟

اقتباس:

---

المشاركة الأصلية كتبت بواسطة mazagangee

ايه يا شباب مفيش حد عنده رأي ؟

---

لا ما تجيبهاش طبعا هيا عربية فوق من ممتازة بس انت قلت متبهدلة يعنى هاتدوخ وراها و قطع غيارها قليلة الا لو ليك مزاج فى اللف و تحب التصليح