عايز اقسط تبع كونتاكت

**braveheart_3** · 17-01-2009 09:27 PM

يا رجالة لو حبيت اجيب عربية مثلا مثل نيسان صنى و عايز اجبها تبع كونتاكت اعمل اية ؟ و لو روحت ل موزع مثل اوتو ايجبت هل هو بياخد فلوس زيادة ولا اية

**Scent7104** · 18-01-2009 12:04 AM

برغم أنك تدعو الرجال ، إلا أنني سأجيبك:-)
أولا هم عندهم نظامين:
1- عادي : فائدة حوالي 9 % به تأمين إجباري شامل على العربية معاهم ، بيقسط مع البنك (بمعنى كأن حضرتك بتاخد قرض سيارة من البنك)
2- إسلامي : فائدة حوالي 11.6% (التأمين اختياري) ، بيقسط مباشرة مع الشركة (بمعنى الشركة بتشتري العربية و بعدين تبعها لحضرتك)

أولا حضرتك بتتصل بيهم أو بتملأ طلب الشراء على السايت و بتبعت لهم
بييجي لحضرتك مندوب بتسدد له 100 جم (رسوم استعلام) و بتدي له الأوراق المطلوبة:
1- اثبات الشخصية
2- مفردات مرتب
3- كشف حساب بالبنك
يكون مع حضرتك دفتر شيكات بعدد الأشهر المطلوبة للتقسيط (ولو مفيش هم بيفتحوا لك حساب جاري و يعملوا لك دفتر شيكات)
تعمل لهم توكيل في الشهر العقاري بالعربية
الاستعلام بياخد 3 أيام و بعدين بستلم العربية

و يمكنك الدخول على السايت: www.contactcars.com
ملاحظة: النظام الإسلامي في مشكلة التوكيل ده عليها خلاف (بس للعلم)

طبعا هو بيبقى حاطط أسعار التوكيل (علشان هو أساسا بيبقى له حصة من العربيات مع التوكيلات المختلفة) إنما أسعار الموزعين و المعارض ده بقى بتتوقف على نسبة الربح و العروض اللي بيقدموها.

ألف مبروك مقدما

**braveheart_3** · 18-01-2009 10:26 AM

شكرا يا scentانا اول مرة اشوف بنت مهتمة بمواضيع العربيات D:ومتشكر جدا يا باشا على سرعة الرد بس سؤال لو انا شتريت من موزع هل هيغلى السعر انا عايز اشترى من موزع بس تبع كونتاكت هل هتفرق فى السعر ولا اروح كونتاكت على طول

**mesaharaty** · 18-01-2009 10:58 AM

السلام عليكم جميعا

من كام يوم كنت باسأل كونتاكت عن إسبيرانزا A113 ووصلت لى معلوم غريبة مش عارف هل أنا إللى مافهمتش ولا هى كده صح
أنا كنت باقول لهم أدفع 25% مقدم .
المعلومة بتقول لازم يكون القسط لا يقل عن ثلث المرتب (يعنى لو قسطك طلع أكبرمن الثلث يحاولو يكبروا فى المقدم لغاية ما يخلوه ثلث المرتب)
السؤال بتاعى بقى :-
هل لو القسط طلع أقل من ثلث المرتب مايرضوش بيه ؟ يعنى لازم يترفع للثلث ؟
أنا محتاج حد يفهمنى الموضوع ده لأن مسألة القسط دى مهمة عندى جدا وعلى أساسها سيتم اتخاذ قرار الشراء .
ولكم جميعا الشكر الجزيل

**Chemist_ahmed** · 05-02-2009 01:43 PM

المشاركة الأصلية كتبت بواسطة mesaharaty

السلام عليكم جميعا

من كام يوم كنت باسأل كونتاكت عن إسبيرانزا A113 ووصلت لى معلوم غريبة مش عارف هل أنا إللى مافهمتش ولا هى كده صح
أنا كنت باقول لهم أدفع 25% مقدم .
المعلومة بتقول لازم يكون القسط لا يقل عن ثلث المرتب (يعنى لو قسطك طلع أكبرمن الثلث يحاولو يكبروا فى المقدم لغاية ما يخلوه ثلث المرتب)
السؤال بتاعى بقى :-
هل لو القسط طلع أقل من ثلث المرتب مايرضوش بيه ؟ يعنى لازم يترفع للثلث ؟
أنا محتاج حد يفهمنى الموضوع ده لأن مسألة القسط دى مهمة عندى جدا وعلى أساسها سيتم اتخاذ قرار الشراء .
ولكم جميعا الشكر الجزيل

حسب تعليمات البنك المركزى قيمة القسط الشهرى لا تتعدى ثلث المرتب المذكور فى ال HR letter .

أفترض أنك بتاخد 3000 فى الشهر...
يبقى القسط أى رقم ما يزدش عن 1000 جنية ...

لو عاوز تدفع أكتر ممكن تدفع كل كام شهر مبلغ تحت مسمى تعجيل سداد .. وبكدة سعر السيارة حيقل لأن البنك حيغير مدة الأقساط..