عرض للطباعة
الزملاء الأعزاء
محتاج نصيحتكم ... كتير بيقول ان اسعار العربيات هتنزل قريب خاصة بعد صدور قرار اعفاء السلع الراسمالية من ضرائب المبيعات .
بس بصراحة انا مش متفائل بهبوط الاسعار بالصورة المتوقعة يعني ممكن العربية تنزل كلام فاضي لا يستعدي استنى شهرين ثلاثة حتى يتم تفعيل القرار.
و نفس الوقت خايف اشتري دلوقتي و بعد كده اندم..
مستني نصاحكم الغالية
و لا تبخلوا علي بأي شئ يخص الموضوع ده
و شكرا جزيلا:k49::Ta_clap[1]::k49::Ta_clap[1]:
أنا من اسبوع كنت فى حيرة من أمرى وكنت باردو محتار اشترى ولا لأ بس بعد المداولات والبحث وعصر الدماغ وبصراحه كنت هاتجنن على عربيه فى الاخر اشتاريتها
بس سيبك من الكلام ده المهم هل انت محتاج العربيه ضرورى جداً جداً ولا ممكن تستنى شويه
إذا كان احتياجك ليها ذات اهميه قصوى ممكن تجيب وخصوصاً بعض العربيات اسعارها نزل من 1000 الى 15000 حسب نوع العربيه وثمنها
او ممكن تستنى شويه لإن السوق تقريباً ضايع وياعالم ايه اللى هاحصل فالأحسن انك تستنى مش هاتخسر حاجه
يا جماعة الاسعار نزلت فى العالم كله الا هنا فى مصر انا شايف ان الاسعار مش حتنزل ولو نزلت حيكون نزول بسيط
انا رايى انك تصبر شوية لحد شهر 3 .:rfds:
لو لقيت الاسعار نزلت يبقى استفدت
لو محصلش حاجة فى الاسعار والسوق زى ما هوة او فرق بسيط يبقى تشترى
استنى شهرين كدة وشوف الدنيا فيها اية
انا بعمل كدة دلوقتى عايز اشترى بس مستنى شوية اشوفها هترسى على اية
الصبرررررررررر
نا راييى ان الاسعار مش هتنزل جامد هتنزل بكبيرها 15000
والاحسن انك تصبر لاخر الشهر
الفرق بين السعر اللي هتشتري بيه دلوقتي وبين اللي هتشتري بيه كمان شهرين يستحق الأنتظار وهيفرق معاك في الفترة القادمة .
انت لو محتاج العربية ضروري يعني بعت عربيتك أو بتسافر و مش عارف تتحرك من غيرها يبقى خلاص اشتري
انما موضوع ان السعر مش هاينزل ...ان شاء الله هاينزل لأن ده هو الطبيعي
اللي بيحصل في مصر هو فترة مقاومة للطبيعة و محاولات للتحايل على السوق و فرض قوانين احتكارية و لوي دراع المستهلك
بس مستحيل العربيات تغلى لأن ببساطة الناس ممعاهاش فلوس سيولة و البنوك ماعادتش بتمول بهبل زي زمان
يبقى أقصى حاجة انها تثبت لكن تزيد ....لأ
ولو الأسعار نزلت
هاتنزل جامد
لأن السهم الأحمر لما يبص لتحت يا معلم ....مافيش قوة توقفه
مدى احتياجك للعربية هو اللى يحدد تشترى امتى , لو معاك عربية دلوقتى و مجرد عايز تجدد يبقى فى رأيى تستنى
جامدة اوى الجملة دى :w6266dاقتباس:
المشاركة الأصلية كتبت بواسطة Ahmed Samy
أنا كمان محتاج أشترى ضرورى بس قررت ان أحاول أصبر لشهر 3... لو تقدر تصبر يبقى خير، و لو ماتقدرش يبقى ما باليد حيله... بس ساعتها أنصحك باليابانى(يابانى، كورى، صيني، هندى،...الخ - المهم أسيوى) لأن ده غالباً حيكون نسبة النزول فيه أقل من الأوروبى أو الأمريكى
استني وان شاء الله الاسعار حتنزل
اصبر شوية وان شاء الله الاسعار هتنزل يعنى هتنزل ماهاش حل تانى
طالما الناس ما بتشتريش يبقى لازم تنزل
أنا اللي سمعته ان قرار أعفاء السلع الرأسمالية من ضرائب المبيعات خاص فقط بالسيارات التي يتم تجمعيها في مصر فقط أي ان الأعفاء على المكونات أما بخصوص العربيات المستوردة بالكامل لن يتم تطبيق عليها القرار ...
أنا كده أتأكدت ان القرار ده متفصل لشركة شيفرولية ( شركة وزير النقل ) :k26:...
أيه رأيكم :N_no[1]::N_no[1]:
loooooooooolاقتباس:
المشاركة الأصلية كتبت بواسطة khaled02001
متفصل جاااهز مش مهم المهم ان دة يخفض الاسعار بنفس النسبةاقتباس:
المشاركة الأصلية كتبت بواسطة mustafa_maghraby
و الا يشبك 5 عربيات اوبترا فى بعض و يخليهم اتوبيسات نقل عاااام و
و اخير ا خليهااااا تصدي
الصبر يا جماعه وأحنا بأذن الله الكسبانين
أنتو طبعا عارفين ان المسأله عرض و طلب وبالتالي لو قل الطلب وزاد العرض لازم الأسعار تنزل او حتى تزيد اغراءات الشراء "من زياده ف الضمان او تأمين مجاني ... الخ"
والحمد لله ان الازمه العالميه دي مخليه البنوك ف صفنا.
وأخيرا اقول لاخي صاحب الموضوع أستخير ربنا اولا و اخيرا وربنا هيوفقك للاصلح ليك"فالله وحده الذي يعلم الغيب ف ظروف العالم الاقتصاديه الجديده ومدى تأثر مصر بيها"
وربنا يكرم الجميع.:ask:
بلااااااااااااااش تشتري دلوقت أحسنلك واستنى لشهر 7 صدقني الأسعار هتنزل في الربع الثالث من السنه دي لو الناس كلها استمرت علي موقفها ( خلوها تصدي وموديلها يعدي )
أيواا لو الناس استمرت على موقفهااقتباس:
المشاركة الأصلية كتبت بواسطة mohamed_elsabah1977
ياخوفى يابدران انا حاسس ان العمليه ابتدت تنخ بالذات اان الوكلاء ابتدو يرمو اسلحتهم بعروض مغريه وتخفيض بسيط فى الاسعار
وابتديت اشوف عربيات جديده زيرو فى الشارع بورقها رايحه تترخص ومعرض الاهرام ممكن يشد فئه كبيره من اللى عايزين يشترو
استني طبعاً لان الاسعار في النازل دلوقتي بس لو انت محتاج العربيه قوي اشتري بس خليك عارف ان سعر العربيه اللي هاتشتريها ممكن ينزل فاعمل في حسابك انك ماتزعلش علي الفرق
لكن انخفاض الاسعار ممكن يتعدى 20 % و لا أقل من كده
محدش يعرف حاجه في مصر
لأن التجار مابيحبوش موضوع تنزيل الاسعار ده خالص حتي لو تكلفة الانتاج او تكلفة الاستيراد قلت اكتر من 40% هما مش بيحبوا ينزلوا الاسعار خالص
بس ادينا وراهم اما نشوف اخرتها ايه
معرض الأهرام إنضرب بالجذمة . إقبال ضعيف جدآ من الجمهور ومن الشركات وعروض عبيطه جدآ من الشركات ( عروض تكاد لا تذكر )
استنى لشهر 7
و ( خلوها تصدي وموديلها يعدي )
انا برضه بقول ان المعرض اضرب السنه ديه
ايه يا جماعة لسه مافيش اخبار كويس تفرح ؟؟؟؟
انا خايف كل الأنتظار ده يطلع على اونطة ؟؟؟
ياريت اللي سمع اي حاجة يقولنا
:U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]:
انا حاسس ان اسعار الياباني ابتدت تنزل شويه زي اللانسر و المازدا و الكرولا