الموضوع: عيادة الأسنان خدمة لأعضاء نايل موتورز.

المشاركة الأصلية كتبت بواسطة eino666

والله الواحد مش عارف يقول ايه ولا ايه ولا ايه

اقول شكرا مش كفاية
اقول مليون شكرا مش كفاية برضو
اهنىء الاعضاء جميعا على تلك المبادرة الكريمة

والى المزيد من الرقى والتقدم والازدهار لهذا المنتدى المحترم

ولجميع اعضاءه

::

جزاك الله خيراً أخى الكريم

المشاركة الأصلية كتبت بواسطة muslimah_dentist

أولاً احنا مش بنحشى الضرس حشو عصب الا لو كان التسوس وصل للعصب

ثانياً:حشو العصب لو صحيح مش هيوجعك خالص.

نصيحتى ليك انك تعمل أشعة على الضرس اللى انتا حاشيه و تروح لدكتور شاطر يشوف الحشو مظبوط و لا لأ.

لو مش مظبوط الدكتور هيعيدهولك تانى و لو حشو العصب مظبوط خلى الدكتور يكشف عليك اذا كنت بتعانى من جيوب لثوية لأن الجيوب اللثوية بتألم مع الساقع و الحلوو ده بيحتاج تنظيف للجيوب اللثوية و علاج للثة.

و ألف سلامة على حضرتك.

الله يسلم حضرتك
شكرا على رد حضرتك بس هو ساعتها فعلا كان عمل الاشاعه و كل حاجه بس كان قالى اجى اعمل طربوش على السنه عشان بتبقى ضعيفه بعد حشو العصب لان مفيش دم بيغذيها تقريبا و انا ما روحتلوش تانى بصراحه
يمكن يكون ده السبب و لا بعيد
و شكرا لمجهود حضرتك

المشاركة الأصلية كتبت بواسطة elassar2010

شكرا لردك طاب بالنسبة لدروس العقل لازم يتخلعوا علشان ميعملوش مشاكل زى مابسمع
ولا الكلام دة غلط من الناحية الطبية مع العلم انهم عادين مش حاسس انهم عاملين ليا مشكلة
وشكرا لحضرتك مرة تانية

ضروس العقل زى أى ضرس فى الفم لو مش مسبب أى مشاكل فمش لازم يتخلع.

معلومة مهمة : فيه بعض الناس بتفتكر ان ضرس العقل مُرتبط بالنمو العقلى المعرفى و هذا أبعد ما يكون عن الحقيقة ، هو سُمى ضرس العقل لأنه يظهر فى التجويف الفمى عندما يبلغ الشخص السابعة عشرة أو الثامنة عشرة من عمره أى يكون متواكباُ مع النمو العقلى المعرفى و مرحلة النضوج.

المشاركة الأصلية كتبت بواسطة kliken

الله يسلم حضرتك
شكرا على رد حضرتك بس هو ساعتها فعلا كان عمل الاشاعه و كل حاجه بس كان قالى اجى اعمل طربوش على السنه عشان بتبقى ضعيفه بعد حشو العصب لان مفيش دم بيغذيها تقريبا و انا ما روحتلوش تانى بصراحه
يمكن يكون ده السبب و لا بعيد
و شكرا لمجهود حضرتك

سيدى الفاضل الضرس بعد حشو العصب يُفضل له أن نُغطيه بطربوش كى يحميه و هذا يعود لعدم وجود تركيب سنى كافى يحمى الضرس من الطحن عليه و لكن عدم وجود طربوش ليس سبباً للاحساس بالألم فمازالت نصيحتى لك أن تذهب الى طبيب آخر كى يطمئن على حالة حشو العصب فى هذا الضرس لأننى كما قلت سابقاً (لو الضرس معمول صح مش هيوجعك خالص).

و ألف سلامة على حضرتك.

المشاركة الأصلية كتبت بواسطة eino666

الشكر لله
ولحضرتك يا دكتوره

والى المزيد دائما
وعلى فكرة اولادى إن شاء الله هيبقوا زباين
احمد 10 سنين
مازن 7 سنين
جنى 3 سنين
*************
اخيكى فى الله
محمود عينو

ربنا يبارك فيهم و يجعلهم ذرية صالحة

بس أهم حاجة يغسلوا أسنانهم قبل النوم و أنا تحت الخدمة.