ادي اللي نابنا من الثرموستات

**lol656** · 18-01-2009 10:37 PM

المشاركة الأصلية كتبت بواسطة MMamdouh

افهم من كدة انك بتلوم اهمال صاحب العربية على الترموستات؟؟

يعنى صاحب العربية حاطت مية حنفية و سابها لحد ما بقت شوربة عدس من كتر الصداء و بعدها الترموستات مات و فى الاخر بقى الترموستات هو اللى وحش؟؟؟؟؟؟

اذا كانت دى النظرية فا انصحك انك تفك سير الكاتينة بالمرة لانة ممكن ينقطع و العربية تجيب صبابات فا الاحسن تمشى من غيرة ا

MMamdouh

افهم من كلامك ان كل الامور واحد وان زيد ذي عبيد يا اخي سير الكاتينة بيقولونا غيروه علي 40000 سيادتك نغبر الترموستات علي كام

**samirayad** · 18-01-2009 11:05 PM

المشاركة الأصلية كتبت بواسطة lol656

افهم من كلامك ان كل الامور واحد وان زيد ذي عبيد يا اخي سير الكاتينة بيقولونا غيروه علي 40000 سيادتك نغبر الترموستات علي كام

أرد أنا بدل الأستاذ/ محمد ولو فية اضافة يكون لة الشكر.....بص يا أخى الكلام واضح ومش محتاج.....عموما علشان نأخذ الأمور على محمل الجدية......سير الكاتينة ممكن يقعد أكثر من 40000 ألف....وعملية تغييرة عند 40000 ألف دا أجراء وقائى....علشان لو لا قدر الله والسير انقطع بيؤدى الى مشاكل جسيمة(مارضيتش أقول لأيحمد عقاباها...لأنة الحمد لله على السراء والضراء)........أما موضوع الثرموثتات دة مالوش علاقة بالكيلومترات المقطوعة.....وانما بيتم تغييرة فى حالة وجود اخفاق فى آداء دورة تبريد المحرك وعلى أساس أنه بعد تشخيص سبب أرتفاع الحرارة المفاجىء ...تبين أن سبب.حدوث الارتفاع المفاجىء هذا بسبب تلف الثرموثتات

**waleedrahmy** · 18-01-2009 11:15 PM

طالما بتغير مياه التبريد كل فترة وتنظف دورة التبريد وتضع مياه معاجة للصدأ (الحمراء أوالخضراء) أن شاء الله مفيش مشاكل من التبريد عموما مش الثرموستات بس

**lol656** · 18-01-2009 11:28 PM

المشاركة الأصلية كتبت بواسطة samirayad

أرد أنا بدل الأستاذ/ محمد ولو فية اضافة يكون لة الشكر.....بص يا أخى الكلام واضح ومش محتاج.....عموما علشان نأخذ الأمور على محمل الجدية......سير الكاتينة ممكن يقعد أكثر من 40000 ألف....وعملية تغييرة عند 40000 ألف دا أجراء وقائى....علشان لو لا قدر الله والسير انقطع بيؤدى الى مشاكل جسيمة(مارضيتش أقول لأيحمد عقاباها...لأنة الحمد لله على السراء والضراء)........أما موضوع الثرموثتات دة مالوش علاقة بالكيلومترات المقطوعة.....وانما بيتم تغييرة فى حالة وجود اخفاق فى آداء دورة تبريد المحرك وعلى أساس أنه بعد تشخيص سبب أرتفاع الحرارة المفاجىء ...تبين أن سبب.حدوث الارتفاع المفاجىء هذا بسبب تلف الثرموثتات

يا اخي مهو ده بقول عليه ان الثرموستات ممكن يبوظ ومتخدش بالك وملهوش اي علامة عشان نغيره ومحدش فينا حعيرف ان حرارة العربية زايدة كام درجة يعني ممكن تكون كفائة الثرموستات 50 في المية ومتعرفش ويا ريت تقول الاستاذ ممدوح ان ازالة الثرموستات مش زي شيل سير الكاتينة وهل هو عربيته سير الكاتينة فيها مش موجود

**lol656** · 18-01-2009 11:32 PM

المشاركة الأصلية كتبت بواسطة ahmedcar

بس مش غريبه ان المؤشر الحراره مايظهرش ليك ان الحراره عاليه

انا سالتهم نفس السؤال وقالولي لوالحرارة كام درجه مش حيبان وقالو لما الحرارة تعدي النص يبقي وصلت 102

**samirayad** · 18-01-2009 11:40 PM

المشاركة الأصلية كتبت بواسطة lol656

يا اخي مهو ده بقول عليه ان الثرموستات ممكن يبوظ ومتخدش بالك وملهوش اي علامة عشان نغيره ومحدش فينا حعيرف ان حرارة العربية زايدة كام درجة يعني ممكن تكون كفائة الثرموستات 50 في المية ومتعرفش ويا ريت تقول الاستاذ ممدوح ان ازالة الثرموستات مش زي شيل سير الكاتينة وهل هو عربيته سير الكاتينة فيها مش موجود

بص ياسيدى الفاضل...ازاى بوظان الثرموثتات مالوش أى علامة أو مؤشر على تلفة........أمال فين دور السائق فى مراقبة مؤشر الحرارة......وبعدين بقه دا أنت شكلك زعلان كدة......عموما يا أخى حقك عليا ولو أننى أعرف تماما بأن الأخ/ محمد لايقصد اغضابك....لأننى فعلا من قرائتى لمواضيعة.....أستشفيت بأنة رجل طيب وأخلاقة عالية للغاية....وصدقنى دى مش مجاملة للأخ /محمد بل هى فعلا شيمتة ......ويمكن ياأخى الراجل كان زهقان شويه ولا حاجة ولا يقصد اغضابك.........تحياتى لك

**ENG\AHMED** · 18-01-2009 11:41 PM

يا اخي مهو ده بقول عليه ان الثرموستات ممكن يبوظ ومتخدش بالك وملهوش اي علامة عشان نغيره ومحدش فينا حعيرف ان حرارة العربية زايدة كام درجة يعني ممكن تكون كفائة الثرموستات 50 في المية ومتعرفش

لو انت متابع العربية هتعرف اذا كانت الحرارة طبيعية ولا لأ , وبعدين الكام درجة الزيادة متجيبش وش سلندر
معنى انها جابت وش سلندر ان مؤشر الحرارة وصل للأحمر واكيد دى ملحوظة اوى !

**lol656** · 18-01-2009 11:44 PM

المشاركة الأصلية كتبت بواسطة eng\ahmed

لو انت متابع العربية هتعرف اذا كانت الحرارة طبيعية ولا لأ , وبعدين الكام درجة الزيادة متجيبش وش سلندر
معنى انها جابت وش سلندر ان مؤشر الحرارة وصل للأحمر واكيد دى ملحوظة اوى !

انا مقلتش جابت وش السلندر دي جابت جواني وش السلندر وده بيبوظ علي مدي بعيد من ارتفاع درجة الحرارة

**samirayad** · 18-01-2009 11:49 PM

المشاركة الأصلية كتبت بواسطة lol656

انا مقلتش جابت وش السلندر دي جابت جواني وش السلندر وده بيبوظ علي مدي بعيد من ارتفاع درجة الحرارة

يا أخى مفيش حاجة اسمها المدى البعيد لتلف جوان وش السلندر وانما بتلف الجوان فى حالة الارتفاع الزائد عن اللزوم للغاية وبصورة مفاجئة....مش على مراحل يعنى

**HeMa_LanCeR** · 18-01-2009 11:59 PM

علي فكره انا حصل معايا نفس الكلام بس كان زي الأتي
انا اصلا من الناس اللي بتمشي كل شويه عنيها علي التابلوه
ومره واحده لقيت عداد الحراره بقي فوق قمت راكن علي جنب ومبطل العربيه وسيبتها تهدي حوالي ربع ساعه
وبعدها فتحت القربه لقيت فيها مياه طبعا اتجننت ايه اللي سخن العربيه قلت يبقي الرداتير فاضي
روحت فاتح الرداتير لقيت المياه كلها اللي جوا خرجت بره ومكانتش سخنه كانت دافيه
طيب مدام في مياه جوه الرداتير لدرجه انها غرقت الشارع طيب ايه اللي سخن العربيه
فا وقتها عرفت ان ترموستات الكوعه علقت وده شيء وارد جدا
روحت مدور العربيه ومزود مياه عادي جدا وبقالي سنتين الحمد لله محصلش حاجه
لكن في حاله حضرتك انك مشيت والعربيه سخنه رغم تحذير المهندس ليك
ولكن للأسف ماسمعتش الكلام
المهم انك تكون عندك حسن تصرف في المواقف دي