سير عكس الاتجاه = 1000 جنيه !

**mohamed eladawy** · 21-01-2009 04:09 AM

يا جماعة انا حصلي موقف بايخ اوي انا كنت لرايح لواحد صحبي في مساكن شيرتون و بعدين و انا ماشي عديت u turn حوالي 3 متر الساعة 2 صباحا قولت ممكن ارجعهم خصوصا ان الجو هادي انا لسة برجع في اول متر موتسكل وقفني راكبوة ضابط طلب الرخص و سحب رخصة القيادة واداني وصل مكتةب فية سير عكس الاتجاه للخلف

**Anxs111** · 21-01-2009 05:14 AM

المشاركة الأصلية كتبت بواسطة فادى

هو فيه ايه بالضبط!!
واحد يقول اللى يمشى عكسى المفروض يتجلد, و واحد يقول المفروض يتصعق مرتين بالكهربة كل يوم, و واحد يقول المفروض يتعالج نفسيا! كأننا بنتحدث عن قتالين قتلة.
يا جماعة لما الحكومة تبطل تحط الملفات الضرورية على بعد مئات الأمتار يبقى الناس هتبطل تمشى عكسى تلقائيا, انما طول ما تخطيط الشوارع بهذا المنظر الغريب, منقدرش نلوم اى حد يمشى عكسى أو يقف صف تانى لأنه ببساطة بيعمل ما يمليه عليه طبيعته فى توفير الجهد و المال حتى و لو بمخاطرة محسوبة.

يا جماعة التخطيط مفيش ليه دخل بالموضوع . المسألة هي إحترام القوانين للمصلحة العامه . و دي حاجة ال-software بتاعها مش نازل في دماغنا .

التوقيت بتاع ال-thread دة بيتزامن مع حاجة لسة شايفها أول امبارح والله . أنا كنت معدي جنب مدرسة للجالية العربية في مونتريال . أن بعدي من هناك كل سبت ونة بوصل بناتي هناك . مش عايز احكيلك على السلوكييات القذرة بتاعة العرب من كل الجنسيات . يعني ركن صف تاني دوران في وسط الشارع - للامانة عملتها مرة - ليه لء منا مصري وأبوية مصري . ربنا يشفيني وإياكم ونبطل ونحسن من نفسنا عشان مصر تكون أحسن إن شا الله .

طبعاً عملت كدة عشان ال-٥٠٠ متر إلي أنا مكسل أمشيهم مش عشان الحكومةفي مصر حمارة - و دي حاجة أنا مبنكرهاش - بس مش كل ما نغلط نقول الحكومة . وبحاول أصلح من نفسي عملاً بمبدء إن الله لا يغير ما بقوم حتى .....

المهم إللي جديد المرة دي حاجة أول مرة أشوفها في كندا . لقيت واحدة ماشية في المعاكس للأسف . أول مرة أشوفها في كندا من ٦ سنين .
ديماً سباقين يا عرب وإلى الامام دائما . محنا الناس إلي بتعرف ربنا أحسن منهم ميت مرة و متحجبين كمان وبكدا كسبنا الدنيا والأخرة.

على فكرة أنا لي الشرف إن أمي و أختي و مراتي محجبات . وبرضو باكن كل الإحترام للي مش محجبات . عشان بس مندخلش الأمور في بعض .

أخي fadi العيب مش في الحكومة الغبية بتاعتنا . دة مش معناه إن الحكومة ذكية لء دة مفيش أغبى من حكومتنا فعلاً . لكن إن الواحد يعمل u turn ولا يمشي معاكس ولا يركن صف تاني دة عيب في أخلاقنا . عسي لما نؤول الحقيقة لنفسنا نحسن نفسنا بدل ما نرمي غلطنا على حاجة أغبى مننا كلنا .

**Amrrr** · 21-01-2009 12:55 PM

المشاركة الأصلية كتبت بواسطة فادى

هو فيه ايه بالضبط!!
واحد يقول اللى يمشى عكسى المفروض يتجلد, و واحد يقول المفروض يتصعق مرتين بالكهربة كل يوم, و واحد يقول المفروض يتعالج نفسيا! كأننا بنتحدث عن قتالين قتلة.
يا جماعة لما الحكومة تبطل تحط الملفات الضرورية على بعد مئات الأمتار يبقى الناس هتبطل تمشى عكسى تلقائيا, انما طول ما تخطيط الشوارع بهذا المنظر الغريب, منقدرش نلوم اى حد يمشى عكسى أو يقف صف تانى لأنه ببساطة بيعمل ما يمليه عليه طبيعته فى توفير الجهد و المال حتى و لو بمخاطرة محسوبة.

اولا لو فرضنا ان المخاطرة المحسوبة تسمح لك تمشي عكس او تعمل اي مخالفة تانية !!!!تضمن منين رد فعل اللي جايين في وشك !!! افرض واحد في لحظة المخاطرة بتاعتك بيبص في مرايته ومش شايفك !!!افرض بيبص في الموبايل (غلط برضة)!!!
افرض واحدة معاها عيل في العربية وفجأة قررت انها تعمل اي رد فعل ومش عاملة حسابك اطلاقا لأنك المفروض انك مش في طريقها وواحد فهلوي قرر يعمل مخاطرة محسوبة ويعدي من يمينها برضة في نفس اللحظة اللي انت ماشي فيها عكس وحاسب كل حاجة تماما (وان الحمد لله باعتبر نفسي سويق كويس مش محترف اوي يعني وفاهم قصدك كويس بالمخاطرة المحسوبة ) وبيخطيها من ورا واللي ماشي عكس لقى الطريق كله عربيات جاية في وشه وبيخطوا من اليمن والشمال مع واحد بيعمل غرزة . . . . . . انا كدة بابالغ ؟
القانون المفروض انه يتحط عشان ينظم المعاملات بين الناس وميخليش كل واحد واحد ماشي من دماغه عشان انت مش ضامن تفكير وتربية وثقافة وكمان نفسية كل واحد سايق عربية ايا كان نوعها وحجمها يحسب لنفسه حسبة معينة يمشي بيها وهو دا اللي خارب المرور وبيوقفنا بالساعات في الشوارع واذا مشينا بيبقى على الاول والفرامل !!! الفهلوة والتخيل ان المخالفة ذكاء وان مثلا اللي بيروح يلف من الملف الصحيح عشان مايمشيش كام متر عكس ويروح يلف من فتحة يمكن تكون بعد كيلو او اتنين ان دا واحد أهبل او هايف ووقته مش مهم او نازل يتمشى وبرضة زي زنقة مطلع الكوبري او النفق وزي الملف اليمين اللي جاينله اذكياء من اقصى الشمال وبيلفوا (بيقرطسوا) الهبل اللي واقفين في حارتهم

**Anxs111** · 21-01-2009 05:50 PM

المشاركة الأصلية كتبت بواسطة Amrrr

القانون المفروض انه يتحط عشان ينظم المعاملات بين الناس وميخليش كل واحد واحد ماشي من دماغه

الفهلوة والتخيل ان المخالفة ذكاء وان مثلا اللي بيروح يلف من الملف الصحيح عشان مايمشيش كام متر عكس ويروح يلف من فتحة يمكن تكون بعد كيلو او اتنين ان دا واحد أهبل او هايف ووقته مش مهم او نازل يتمشى وبرضة زي زنقة مطلع الكوبري او النفق وزي الملف اليمين اللي جاينله اذكياء من اقصى الشمال وبيلفوا (بيقرطسوا) الهبل اللي واقفين في حارتهم

ربنا يفتح عليك كمان و كمان .

**Anxs111** · 23-01-2009 05:57 PM

خلو بالكو يا اصدقائي

http://www.contactcars.com/News_View...sp?NewsID=2523

النائب العام يطالب بحبس ومحاكمة المخالف بالسير عكس الاتجاه "فوراً"

طالب المستشار عبدالمجيد محمود النائب العام أعضاء النيابة العامة بتطبيق العقوبات المشددة الواردة في قانون المرور على المخالفين خاصة في جريمة تعمد السير عكس الاتجاه‏.

وأضاف النائب العام في بيان رسمي نشرته الصحف الصادرة يوم الجمعة بحجز المتهمين وإحالتهم محبوسين للمحاكمة الجنائية‏ ، مشيراً إلى أن القانون يعاقب على هذه الجريمة بالحبس مدة لا تزيد على ‏3‏ سنوات وغرامة لا تقل عن ألف جنيه‏.‏

وأكد النائب العام في بيانه ضرورة استعمال السلطة المقررة في وقف رخصة قيادة قائد السيارة عند اتهامه بارتكاب جريمة القتل أو الإصابة الخطأ‏.

وقال إن المخالفات المرورية تشمل السير عكس الاتجاه‏‏ وقيادة المركبة تحت تأثير مخدر‏ وتجاوز الحد الأقصى للسرعة المقررة‏‏ وتعريض حياة وممتلكات الآخرين للخطر أثناء القيادة‏