سير عكس الاتجاه = 1000 جنيه !

**wahba87** · 18-01-2009 04:32 AM

السلام عليكم

من باب الاستفادة من اخطاء الغير

الاسبوع اللى فات واحد قريبى اتمسك فى لجنة سير عكس الاتجاه (فى الهرم) , و على كلامه ان كان واقف فى اللجنة مساعد وزير الداخلية و مدير مرور الجيزة

قالوله المخالفة 500 جنيه و حبس يوم و حجز العربية يوم

وهو بيدفع المخالفة الضابط قاله , الحل الوحيد عشان متتحبسش ,انك تسيبلى الرخص و انا هقول انك جريت بالعربية , و روح المرور بعد كام يوم هتدفع 500 مخالفة + 500 غرامة , وقد كان

الكلام ده كان فى شارع تقريبا اسمه شارع العريش

المهم ان نفس الشخص من حوالى شهر كان برده دفع 500 سير عكس الاتجاه فى غمرة , بس كان ساعتها اتحسبت بدون تعمد فمكنش فيها حبس او حجز للعربية (بس هو متعلمش من خطأه)

ربنا يحفظنا كلنا , خدوا بالكوا يا جماعة , وياريت نتعلم من أخطاء غيرنا

الكلام ده كله انا سمعته بس مشوفتش حاجة بعينى

**eino666** · 18-01-2009 04:37 AM

ربنا يكفينا شرهم ويجعل كلامنا خفيف عليهم

**Hosam_Optrawy** · 18-01-2009 06:15 AM

ايوه الكلام ده بقى بيحصل كتير وفعلا الغرامه ممكن توصل للحبس وغرامه توصل ل 3000 جنيه وسحب الرخصتين

بس قريبك راح تانى يوم على طول ولا استنى كام يوم وراح ؟ وراح على نيابة المرور ولا على المرور عادى ؟

**wahba87** · 18-01-2009 06:28 AM

المشاركة الأصلية كتبت بواسطة Hosam_Optrawy

ايوه الكلام ده بقى بيحصل كتير وفعلا الغرامه ممكن توصل للحبس وغرامه توصل ل 3000 جنيه وسحب الرخصتين

بس قريبك راح تانى يوم على طول ولا استنى كام يوم وراح ؟ وراح على نيابة المرور ولا على المرور عادى ؟

تقريبا راح تانى يوم على طول على المرور عادى بس انا مش متأكد

لو الموضوع يهمك ممكن اسأله

**Hosam_Optrawy** · 18-01-2009 07:09 AM

انا بس بسأل عشان الواحد يبقى فاهم يعمل ايه لو حصله موقف زى ده لاقدر الله
عشان انا اسمع ان ممكن فى موقف زى ده يسحب الرخصتين ويقولك تعالى ورايا على القسم خدهم
ولو رحت بتكون النتيحه انك هاتتبهدل وتتحجز وتبات فى القسم عشان تتعرض تانى يوم عالنيابه
فطبعا انك تمشى ومتروحش احسن زى ماقريبك عمل وزى ما الظابط نصحه
بس بعد كدا الواحد يعمل ايه

**Amrrr** · 18-01-2009 11:33 AM

طب مانمشي صح الكام متر دول مش أزمة
ربنا يكفينا شر اللي بيمشي عكس مش شر اللي بيحاسبهم حتى لو هياخدوا المخالفة كلها في جيبهم
برة اللي بيمشي عكس بعد مايدفع المخالفة بيتحبس بس مش في القسم !!!بياخدوا عند دكتور نفسي حتى يتم علاجه نفسيا!!! يعني بيعتبروا السير عكس الاتجاه مرض نفسي ولازم يتعالج مش مخالفة ولا جريمة بس!!والكلام دا كان كاتبه صلاح منتصر من كام اسبوع في ملحق اهرام السيارات الجمعة ويتم سؤاله عن شاف مين بيعمل كدة ؟؟وهل تم معاقبته ؟ و و و . . . . .

**R A N A** · 18-01-2009 12:03 PM

المشاركة الأصلية كتبت بواسطة Amrrr

طب مانمشي صح الكام متر دول مش أزمة
ربنا يكفينا شر اللي بيمشي عكس مش شر اللي بيحاسبهم حتى لو هياخدوا المخالفة كلها في جيبهم
برة اللي بيمشي عكس بعد مايدفع المخالفة بيتحبس بس مش في القسم !!!بياخدوا عند دكتور نفسي حتى يتم علاجه نفسيا!!! يعني بيعتبروا السير عكس الاتجاه مرض نفسي ولازم يتعالج مش مخالفة ولا جريمة بس!!والكلام دا كان كاتبه صلاح منتصر من كام اسبوع في ملحق اهرام السيارات الجمعة ويتم سؤاله عن شاف مين بيعمل كدة ؟؟وهل تم معاقبته ؟ و و و . . . . .

+10000000000
فعلا انا بجد لما بشوف حد ماشي عكسي بتحسبن فيه واقول ازاي جاله قلب يعمل كده وازاي وصل بتفكيره للمرحلة دي؟
اكتر ناس بتمشي عكس الاتجاه هما طبعا سواقين الميكروباص

.
طب مش هاتصدقوا انا مرة لاقيت ميكروباص سوزوكي صغير ماشي عكسي وطالع الكوبري عكسي كمان ومن المعروف ان الكوبري ده الناس بتمشي عليه بسرعة جدا ومنزله كمان سريع وحاد والله قلت لو اتخبط واتقلب يبقي حلال فيه ومش هايصعب عليا اصلا.
بجد حرااااااااااااام وذنب كبير اوي لإنه ممكن يتسبب في وفاته وفاة ناس مالهمش اي ذنب

.

**Amrrr** · 18-01-2009 12:43 PM

سوزوكي زيه يوم الخميس وقف في صلاح سالم على الشمال وقرر يدخل يمين لعمارات العبور من فتحة خروج وطبعا الباشا هيقطع صلاح سالم بالعرض انا كنت من اللي وراه وربنا سهل محصلشي حاجة)وهيدخل من الفتحة بضهره
المهم انا جيت جنبه وقلتله بالراحة في اربع عربيات ودا كان بجد واصوات الفرامل كانت عالية كانوا هيلبسوا في بعض بسببك !!! قاللي : بسببي آنيي؟؟ قلتله آه !!قاللي : ربنا يسهل !!! وبمنتهى الاستهتار بكلامي وبالشارع والعربيات اليي حوالينا واللي جاية من وراه وهتطلع من الطريق المحلي بتاع عمارات العبور وبدأ يبص وراه ويرجع لورا عشان يدخل بضهره عكس في اتجاه الخروج من عمارات العبور!!!ودي اول مرة في حياتي اتمنى كان يبقى معايا شيروكي او رانجلر!!!

-

-

الموضوع: سير عكس الاتجاه = 1000 جنيه !

LinkBack

أدوات الموضوع

عرض

-

-

المواضيع المتشابهه

اللمبه ب 1000 جنيه !!!!!!!!!!!!

هو فيه كدة؟! 1000 جنيه ليه هو احنا حرامية !!!!

كاسيت سى دى فى حدود 1000 جنيه

سمعت ان سعر الالنترا زاد 1000 جنيه

تقدر تعيش فى مصر ب 1000 جنيه

الكلمات الدلالية لهذا الموضوع

المفضلات

المفضلات

ضوابط المشاركة